Albisteak
Aditzak.com, euskal aditza praktikatzeko webgunea
2011ko urr. 21a, 12:35
Baliabide berria daukagu sarean: Euskal aditza ikasteko eta zalantzak argitzeko webgunea. Aditzak.com, Ideatecak argitaratu berri duen webgune berria.
"Elgoibarko ahozko euskara" liburua aurkeztu da
2011ko urr. 21a, 10:21
Duela hilabete batzuk argitaratu zuen Euskaltzaindiak Jesus Mari Makazaga ikerlariaren lana: "Elgoibarko ahozko euskara". Oraingoan, herritarren aurrean aurkezteko unea iritsi zaio Makazagari.
Amantalen Ahotsa ikuskizunak arrakasta izugarria
2011ko urr. 18a, 17:22
Amantala Elkarteak antolatuta, urriaren 7an Victoria Eugenian Amantalen Ahotsa ikuskizunak barreak eta malkoak eragin zizkien bertaratutakoei. Antzokia bete-bete eginda, adineko emakumeen testigantzek eta haren inguruan sortutako dantza, musika, bertso eta antzerkiek zirrara eragin zieten bati baino gehiagori.
Ahozko corpusak esparru elebidunetan
2011ko urr. 17a, 17:34
Eusko Ikaskuntzak antolatuta, Deustuko Unibertsitatearen laguntzarekin, jardunaldi interesgarriak izango dira Bilbon azaroaren 3an: Ahozko corpusak esparru elebidunetan.
Adinekoen kontakizunez hausnarketa egin du Xan Airek
2011ko urr. 13a, 15:24
Urepele (Nafarroa Beherea) du sorterri Xanek, eta bertako edadetuen testigantzak jaso ditu, baita Lapurdi eta Zuberoako zenbait ere, Ahotsak.comen bilduta daudenak. Haiek kontatutakoek zer pentsatua eman diote eta Argia astekariak jaso ditu bere hitzak.
"Amantalen ahotsa" ikuskizuna urriaren 7an Donostian
2011ko urr. 3a, 10:01
Datorren ostiralean, urriaren 7an, ikuskizun ederra plazaratuko du Amantala Elkarteak Donostian: "Amantalen ahotsa". Hainbat disziplina artistiko bilduko dituen ikuskizuna (musika, dantza, bertsoa, antzerkia, kontakizuna...), entretenigarria eta bizia, orain hunkigarria orain umoretsua, ikusleari bidaia polita proposatuko diona: Gerra garaia eta gerra ostea nolakoa izan zen ezagutzea, dena ere emakumeen begiradapean. Proiektu honek Euskal Herriko Ahotsak proiektuaren babesa eta laguntza izan du eta ikuskizunaren ardatza Ahotsak.com webgunerako jasotako 40 kontakizun eta istorio izango dira.
8.000 bideoren muga gaindituta
2011ko uzt. 26a, 13:50
Zortzi mila eta bat bideo daude ikusgai eta entzungai webgunean une honetan. Hiru urtean egindako lanaren emaitza.
"Berriatuko hizkeraren zenbait alderdi" liburua aurkeztu da
2011ko uzt. 18a, 23:49
Itziar Aramaio ikerlariak liburu berria aurkeztu zuen duela egun batzuk Berriatun (Bizkaia). Herriko hizkera jasozen duen lana da, "Berriatuko euskararen zenbait alderdi" izenburua daukana. Ekitaldia herriko bideo-gelan izan zen eta arrakasta handia izan zuen. Zorionak egileari.
Debako ondarearen transmisioa
2011ko uzt. 7a, 14:28
Debako Udalak eta Badihardugu Euskara Elkarteak Debako ondarearen transmisioa indartzeko proiektua martxan jarri zuten 2010 bukaeran. Lanaren emaitza ekainaren 25ean aurkeztu zuten Debako Ostolaza Kultur Elkartean.
Grabazioen eta hiztunen inguruko informazioa PDFan jaisteko aukera Ahotsak.com webgunean
2011ko eka. 14a, 11:36
Gaurtik aurrera, aukera berria gehitu dugu Ahotsak.com webgune honetan. Edozein zintaren eta hizlariren inguruko informazio publiko guztia PDF batean jaitsi ahalko duzu zure ordenagailura.
Ahozko ondarea batu, katalogatu eta hedatzeari buruzko ikastaroa emango dugu UEUrekin
2011ko eka. 13a, 10:35
UEUk aurtengo udarako prestatu duen ikastaro sortaren baitan, "Euskal Herriko Ahozko Ondarea: bilketa, katalogazioa eta hedapena" izenburutzat duen ikastaroa emango du Badihardugu Euskara Elkarteak. Testigantzak nola jaso, katalogatu eta hedatu azalduko da bertan.
Euskararen transmisioari buruzko mintegia egin zen Eibarren
2011ko eka. 7a, 15:01
Maiatzaren 25ean euskararen transmisioa hizpide izan zuten Eta Kitto! euskara elkarteak antolatutako mintegira hurreratu zirenek. Ikerketa, hausnarketa eta esperientzia hainbaten berri eman zuten eta solasaldia ere izan zen.
Herri indigenetako ordezkariak Mintzolan
2011ko mai. 31a, 17:00
Gaur goizean Mintzola bisitatu dute Latinoamerikako 18 ikaslek, herri indigenetakoak guztiak ere. Bertsozale Elkartea, Xenpelar dokumentazio zentroa eta Ahotsak.com proiektuak ezagutu dituzte.
Hizkuntzen berreskuratzeari buruzko bigarren DVDa kaleratu du Garabidek
2011ko mai. 26a, 10:00
Garabide elkarteak Euskararen berreskuratzea izeneko bildumaren baitako bigarren alea kaleratu du, Hizkuntzaren estandarizazioa izenburupean. Bertan euskara batuaren beharrak, arazoak eta bilakaera aztertzen dira.
Ahotsak-eko lekukoak omendu zituzten Berastegin
2011ko mai. 20a, 14:41
Berastegiko Udalak eta Badihardugu Euskara Elkarteak Berastegiko ahotsak proiektuan parte hartu zuten lekuko guztiak omendu zituzten igandean, maiatzak 15, urtero San Isidro egunez egiten den bazkarian.
Nafarroa Behereko lehenengo bideoak sarean
2011ko mai. 10a, 08:48
Poliki-poliki bagabiltza Euskal Herriko txoko gehientsuenetako lekukotasunak biltzen. Nafarroa Behereko zenbait herritako testigantzak jasoak genituen eta orain horiek ere sarean entzungai ipintzen hasi gara. Lehenengo bideoak Xelextin Saroiberri urepeldarrarenak dira.
"Euskara gaixo" dokumentala, Osakidetzako hizkuntza urraketak salatzeko
2011ko mai. 6a, 09:37
Hizkuntza Eskubideen Behatokiak dokumentala kaleratu du, Kepa Elortza oñatiarraren testigantza oinarri hartuta, Osakidetzan hizkuntza eskubideen "etengabeko urraketa" salatu eta "urjentziazko neurriak" eskatzeko.
Gernikako bonbardaketaren 74. urteurrena
2011ko api. 26a, 08:58
1937ko apirilaren 26an erre zuten Gernika-Lumoko herria Francoren aliatuak ziren Alemaniako "Kondor" Legioko hegazkinek. Ehundaka herritar hil ziren arratsalderako laurak aldera hasi ziren erasoetan. Bertatik bertara egun hori bizi izan zuten hainbat eta hainbat lekuko ditugu elkarrizketatuta. Beraien omenez hona hemen horietako hainbat lekukotasun.
Wichita hizkuntzako azken lekukoa
2011ko api. 19a, 12:32
Al Jazeera telebista-kateak Wichita hizkuntza (Oklahoma, AEB) hitz egiten duen azken lekukoa elkarrizketatu du, Doris McLemore. Bera da Ameriketako hizkuntza hori hitz egiten duen azkenengo pertsona. "Gizon zuriak gure hizkuntzak suntsitu nahi izan zituen".
Ahotsak Hamaika Telebistan
2011ko api. 15a, 14:33
Duela pare bat aste Eibarren izan genituen Hamaika Telebistakoak. Ahotsaken inguruan solasean aritu ginen beraiekin. Hemen duzue emaitza.
