Albisteak
Ahotsak proiektuan parte hartu duten arrasatearrek omenaldia jaso zuten Kulturaten
2011ko api. 15a, 14:31
Duela pare bat egun aurkeztu genuen Arrasateko Ahotsak proiektua Kulturateko areto nagusian. Udaleko ordezkariek eta Badihardugu elkarteak horrelaxe eskertu nahi izan zieten beraien ekarpena azken urteetako grabazioetan parte hartu duten arrasatearrei.
80 urte Eibarren II. Errepublika aldarrikatu zela
2011ko api. 14a, 21:54
1931ko apirilaren 14an aldarrikatu zen Espainiako estatuan II. Errepublika. Aldaketa politiko ikaragarria suposatzen zuen gertakariak eta pozez zoratzen utzi zuen ezkerreko eta ikuspegi aurrerakoiko jendea. Eibar izan zen estatu osoan Errepublika aldarrikatu zuen lehen herria. Hona hemen nola bizi izan zuten egun hura bai herrian bertan, bai inguruko beste lekuetan ere.
Donostiako Ahotsak aurkezpena
2011ko api. 12a, 18:11
Joan zen astean ekitaldi ederra izan genuen Donostiako Udaletxean. Azken 2 urteotan Donostian elkarrizketatu ditugun lekukorik gehienak Areto Nagusian bildu genituen, proiektuan parte hartzea eskertzeko eta bakoitzari bere DVDa eta diploma emateko. Bide batez, orain arte egindako lana ere aurkeztu genuen. Donostiako Euskara Patronatuaren eta Badihardugu Euskara elkartearen arteko lankidetza-hitzarmenari esker, 2009tik hona 135 donostiar elkarrizketatu dira Donostiako Ahotsak proiektuan. Hona hemen zenbait datu, ekitaldiko argazkiak eta Donostiako proiektuaren aurkezpen-bideoa.
Euskera Batua-Bizkaiera bihurgailu automatikoa aurkeztu dabe
2011ko api. 6a, 14:11
Gaur aurkeztu dan sistemea Eleka Ingeniaritza Linguistikoak garatu dau eta Bizkaiko Foru Aldundiaren Azkue Fundazinoagaz batera jarri dau proiektua martxan. Holan, tresna barri horri esker, euskera batuan dagozan testuak bizkaierara aldatu ahal izango dira eta alderantziz. Oraindik Beta fasean dago egitasmoa, hau da, frogak eta hobekuntzak egiten jarraitzen dabe, baina Bilbon gaur egindako aurkezpenean aurreratu dabenez, maiatzean danon eskura egongo da bihurgailua.
Burdinola Elkartearekin hitzarmena
2011ko api. 3a, 11:32
Ostiral arratsaldean bildu ziren Legazpin Burdinola Elkarteko eta Badihardugu Elkarteko zenbait kide. Helburua, bikoitza: batetik elkarte bien arteko lankidetza hitzarmena izenpetzea; bestetik, Aitor Azpiazuk azken urteotan Legazpin egindako hainbat grabazio Ahotsak.com webgunerako jasotzea.
Durangoko Bonbardaketa
2011ko api. 1a, 13:36
1937ko martxoaren 31n armada faxistako hegazkin italiar eta alemaniarrek Durango bonbardatu zuten eta 336 hildako eragin. Herminio Urizar elorrioarra Durangon bizi zen sasoi hartan familiarekin, eta goiz hartan bizi izandakoa kontatu zigun.
Zornotzako hainbat grabazio zahar
2011ko api. 1a, 12:38
Zornotzako 88 grabazio zahar jaso ditugu eta jadanik gure webgunean daude katalogatuta. 1988. urtean eta 2007-2008 urte bitartean bertako aditz-erak eta toponimia jasotzeko egindako grabaketak dira.
"Elorrioko Ahotsak" proiektuko emaitzen aurkezpena
2011ko api. 1a, 11:45
Martxoaren 30ean, eguastenez, aurkeztu ziren herriko udaletxean "Elorrioko Ahotsak" proiektuaren lehen emaitzak. Udaleko eta Badiharduguko ordezkariek gidatu zuten ekitaldian 50 lagunetik gora izan ziren, hiztun, senide eta bestelako herritarren artean.
Eibarko udalarekin hitzarmena Badihardugu Elkarteak
2011ko api. 1a, 10:55
Atzo arratsaldean ekitaldi jendetsua izan zen Eibarko udaletxean. Udalak herriko elkarteekin hitzartu dituen hitzarmenak izenpetu ziren, kultura, kirol, euskara eta jaien arloan. Tartean Badihardugu Elkartea eta Ahotsak.com proiektua.
Komunikaldiak 2011: egile eskubideak
2011ko mar. 24a, 10:01
Atzo, Martxoak 23, Komunikaldiak 2011 jardunaldiak ospatu ziren Eskoriatzako HUHEZI fakultatean. Aurtengoa 6. edizioa izan zen eta egile eskubideak izan zituen hizketagai. Zenbait adituk eta euskal kulturgintzako alor desberdinetako ordezkariek hartu zuten parte bertan.
"Ari-arika, ezpainetan hika"
2011ko mar. 23a, 13:07
Zumaiako Udalak hitanoaren erabilera sustatu nahian, unitate didaktikoak prestatu ditu, LHko eta DBHko gaztetxoak hitanora hurbil daitezen.
4000 grabazio datu-basean
2011ko mar. 16a, 09:04
Ahotsak.com datu-base eta artxibategian 4000. grabaziora heldu gara. Mañarian egindako azkenengo elkarrizketarekin iritsi gara zenbaki borobil horretara. Eskerrik asko guztioi!
"Lehengo aztiri" liburua aurkeztu da Legazpin
2011ko mar. 7a, 09:23
Atzo igandea, martxoak 6, aurkeztu zen Legazpin Burdinola elkartearen azken liburua: Lehengo Aztiri. Aitor Azpiazu eta Jose Luis Ugarte ikerlarien lana da.
"Arrantzaren ezagutza" proiektu etnografiko interesgarria
2011ko ots. 24a, 17:49
AZTI-Teknalia institutuaren eskutik jaio da proiektu berria, "Arrantzaren ezagutza". Arrantzaren sektorearen gainean dagoen isileko ezagutza eta memoria historikoarekin erlazionatutako aktibitateak batu, formalizatu eta kontserbatzea da Arrantzaren ezagutza proiektuaren helburua.
6.000 bideo eta 5.000 transkripzio ahotsak.com-en
2011ko ots. 22a, 13:58
Dagoeneko 5.000 transkripzio irakurtzeko aukera dago webgunean, baita 6.000 pasarte bideoz ikusi eta entzuteko ere. Alex Solozabal ermuarraren eta Txomin Hormaetxea bermeotarraren kontuak dira azkenak.
Santa Ageda bezpera degu...
2011ko ots. 4a, 09:47
Tradizioari jarraituz aurtengoan ere hainbat txokotan entzun ahal izango dira Santa Agedako koplak, makila hotsez lagunduta. Ospakizun honen inguruko hainbat kontakizun eta kanta jasota daude Ahotsak.com-en.
Argia Sarietako bideoa eta Info 7-ko elkarrizketa
2011ko ots. 2a, 14:23
Ostiralean, urtarrilaren 28an, Argia Sariak banatu ziren eta Ahotsak.com-ek Sareko Argia Saria jaso zuen; ekitaldi horretako bideoa ikusgai da jada. Gaur, berriz, sari horren harira Info 7 irratian elkarrizketa egin diote Aintzane Agirrebeña Ahotsak.com-eko kideari.
Argia Saria jaso dugu! Eskerrik asko denoi!
2011ko urt. 28a, 21:15
Gaur arratsaldean banatu dira Usurbilgo Atxega jatetxean ARGIA Sariak. Urtero-urtero, euskarazko komunikazioan nabarmendu diren pertsona, talde, enpresa, profesional edo produktuei eskainitako Sariak. Eta saridunen artean, aurtengoan, Ahotsak.com webgune hau dago. Eskerrik asko denoi!
Oñatiko Ahotsak, 110 lekukori eskertza
2011ko urt. 21a, 13:25
Asteazkenean, hilak 19, Oñatiko Ahotsak proiektua aurkeztu zen jendaurrean. Proiektu horretan lekuko moduan parte hartu duten 110 hizlari omendu ziren.
"Behin bazen Eskiula" CD berria
2010ko abe. 21a, 17:35
Eskiulako eskola publikoko ikasleek hainbat ipuin eta istorio jaso dituzte euskaraz, frantsesez, biarnesez eta portugesez. CD batean bildurik argitaratu dituzte
Helburua, belaunaldien arteko transmisioa. Xiberoko Botzaren webgunetik jaso dugu albistea
