Albisteak
Asteburuan Hika Eguna eta ostiralean Eskolarteko Appa Hi! lehiaketa Oñatin
2025ko mai. 20a, 10:51
Euskaraldia Hika ekimenaren barruan hitanoa bultzatzeko hainbat ekimen ari dira egiten Oñatin. Larunbatean IV. Hika Eguna ospatu zuten, igandean Hika Bertso-saioa eta ostiral honetan, berriz, eskolarteko Appa Hi! lehiaketa egingo dute, Gaztelekuan. Tabernetan, berriz, LeHIaketa zozketan parte hartzeko aukera dago, Euskaraldiak iraun bitartean.
Bergarako Appa Hi! aurkeztu da Euskaraldiaren barruan
2025ko mai. 19a, 15:21
Badihardugu Euskara Elkarteak, Bergarako Udalaren eskariz, hitanoa ikasi eta praktikatzeko Appa Hi! aplikazioaren Bergarako atala prestatu du. Euskaraldia dagoeneko martxan dagoenez eta Bergara Euskaraldia Hikan parte hartzen ari diren 84 herrietako bat denez, gaur kaleratu dute aplikazioaren bertsio berria.
Oñatiko ikasleak esamoldeak grabatzen, herriko ondarea zabaltzeko
2025ko mai. 16a, 10:48
Badihardugu elkartea Oñatiko ondarea jaso eta zabaltzeko lanetan ari da: oñatiera lantzeko ikasmateriala, esamoldeen karta-jokoa... egun hauetan DBHko ikasleak grabatzen aritu dira, herriko hiru ikastetxeetan; helburua: ikasleak bertako ondarearen transmisore bihurtzea.
Eibar BHIko ikasleek Ahotsak-eko hainbat pasarte transkribatu dituzte
2025ko mai. 8a, 10:26
Eibar BHI institutuko zenbait ikaslek Euskal Herriko Ahotsak proiektuko hainbat pasarte transkribatu dituzte, Amaiur Aramaio irakaslearen gidaritzapean, euskalkiak lantzeko helburuarekin. Dagoeneko webgunean ikus daitezke guztiak.
Appa hi! aplikazioaren Zumaiako bertsioa aurkeztu dugu
2025ko mar. 21a, 14:30
2021ean aurkeztu genuen Appa hi! aplikazioari 10.en bertsioa gehitu diogu: Zumaiako Appa hi! Atzo goizean egin zen aurkezpena Zumaiako udaletxeko pleno aretoan. Zumaiak Euskaraldia Hikan parte hartuko du eta herritarrak hika egitera animatu zituzten.
Beasaingo Appa Hi! aurkeztu da Euskaraldiaren aurkezpenaren baitan
2025ko mar. 13a, 11:54
Aittu! Euskara Elkarteak 2025eko Euskaraldiaren aurkezpena egin zuen herenegun Beasainen. Euskaraldia Hika ekimenean parte hartuko duen 83 herrietako bat da. Euskaraldiaren asmoak eta egitaraua azaltzeaz gain, hika ikasteko baliagarria den Appa hi! aplikazioaren Beasaingo bertsioa aurkeztu zuten.
Oñatiko esamoldeen karta-jokoa, herriko hizkera modu jostagarrian lantzeko
2025ko mar. 11a, 17:01
Badihardugu elkarteak prestatu du materiala, Oñatiko esamoldeak ezagutarazteko. Gaur goizean aurkeztu dute, Oñatiko udaletxean.
Oñatin Hika ikastaroa antolatu dute, Euskaraldia Hika ekimenaren barruan
2025ko ots. 27a, 14:18
Hika ikastaroa egingo dute Oñatin, martxoaren 3tik maiatzaren 12ra, Euskaraldia Hika ekimenarekin lotuta. Ikastaro mistoa da, dohainik, eta zabalik dago izen-ematea.
Euskaraldia Hikan izena emateko deia egin dute ZirHikako kideek
2025ko ots. 22a, 18:51
Dozena bat ZirHikakide inguru elkartu dira Donostiako Zaldi Urdina arte eskolan, gaur eguerdian. Badihardugu elkarteko Idoia Etxeberria eta Galtzaundiko Uxoa Elustondo ZirHikakideek eman dituzte azalpenak. Hiru gonbidatu zeuden beraiekin, hiru ZirHikazale: Andoni Egaña eta Amaia Agirre bertsolariak eta Andrea Bella uruguaitarra.
ZirHika, Euskal Herri mailan hitanoa bultzatzea helburu duen mugimendua, aurkeztuko dute bihar Donostian
2025ko ots. 21a, 09:43
Zaldi Urdina arte eskolan izango da aurkezpena, bihar, 13:00etan. ZirHikako kideek beraien egitasmoen berri emango dute, hitanoaren egoera orokorraren berri emateaz gainera. Andoni Egaña eta Amaia Agirre bertsolariak ere aurkezpenean egongo dira.
Hitanoari buruzko erreportajea EiTBn
2025ko ots. 20a, 11:04
Hitanoa, euskara aberasten duen hizkera informala, bizirik dago Euskal Herriko herri batzuetan, eta aste honetan EiTBko albistegian erreportajea egin dute horri buruz. Badihardugu elkarteko bi kide agertzen dira bideoan.
Agur Patri Urkizu idazle eta ikertzaileari
2024ko abe. 18a, 16:03
Irakaslea, idazlea, ikertzailea. Antzerkizalea, bertsozalea, literaturazalea. Euskaltzalea. Patri Urkizu lezoarrak hutsune handia utzi du. Haren ibilerak eta ikerketak ezagutu nahi dituenarentzat 90 bideo pasarte daude ikusgai, Ahotsak.eus webgunean.
Kutxa Fundazioa, Ahotsak proiektuaren bidelagun 2009tik
2024ko abe. 12a, 14:15
Kutxa Fundazioaren laguntza izan dugu aurten ere Ahotsak.eus egitasmoan, ahozko ondarea jaso, landu eta hedatzeko.
"Hika poltsikuan" liburuxka eta NOKA ikastaroa Eibarren
2024ko abe. 11a, 16:50
Bihar, osteguna, NOKA ikastaroa emango du Badihardugu Elkarteak Eibarren, Andretxean, Eibarko Akebaik antolatuta. Ikastaroko parte-hartzaileei Badiharduguk prestatu eta Eibarko Udalak kaleratu duen Hika poltsikuan liburuxka banatuko zaie.
Euskal Herriko I. Hikadromoa Durangoko azokan, errepikatzeko modukoa
2024ko abe. 9a, 10:51
Badiharduguk Durangoko azokan antolatutako ekimenak primeran joan ziren: bai ostiraleko hitzaldia eta baita larunbateko Hikadromoa ere. Azokan guztira 200 ekimen egon arren, harrera beroa izan dute.
Badiharduguk hitanoari buruzko hitzaldia emango du gaur Durangoko azokan
2024ko abe. 6a, 10:01
Badiharduguk hika ikasteko Appa Hi! aplikazioaren bertsio berriak aurkeztuko ditu eta baita hitanoari buruzko webgune berria ere: hika.ahotsak.eus. Fernando Oiartzunek, berriz, Ahotsak.eus webgunera igo berri diren Leitzako hikako grabazioak izango ditu hizpide. Gaur izango dira hitzaldiak, 19:20an hasita Kabia gunean, Durangoko azokako areto nagusian.
Gaurtik abenduaren 8ra bitartean Durangoko azokan egongo gara
2024ko abe. 5a, 13:20
Gaur zabaldu ditu ateak 59. Durangoko Azokak eta bertan izango gara aurten ere. Ahotsak.eus-Badihardugu elkartea stand-ean euskararen inguruko Euskal Herri osoko argitalpenak aurkituko dituzu. Animatu eta zatoz!
"Berriketa Plaza" egin zuten atzo Bergaran, euskara berbagai hartuta
2024ko abe. 4a, 10:56
Euskararekin lotutako bizipenak jasotzea izan zen atzo Euskararen Egunean Bergaran antolatu zuten "Berriketa Plaza" izeneko ekimenaren helburua.
Appa Hi! lehiaketa egin dute Oñatiko DBH4ko ikasleek, Euskararen Egunean
2024ko abe. 3a, 15:10
Euskararen Egunean hitanoari keinua egin diote gaur Oñatin. Institutuko, Txantxiku ikastolako eta Elkar Hezi ikastetxeko DBH4ko 120 ikaslek Appa Hi! lehiaketan hartu dute parte eta oso giro polita sortu da.
Zumaiako euskararen historia soziala jasotzen duen ikus-entzunezkoa aurkeztu dugu
2024ko aza. 29a, 12:08
Frankismo garaian Zumaian euskalgintzan izandako mugimendua jasotzen du 'Xirrikituak zabaltzen' dokumentalak. Zumaiako Udalak eta Badihardugu Euskara Elkarteak elkarlanean sortutako ikus-entzunezkoa atzo aurkeztu zen Aita Mari aretoan.
