Albisteak
Gorrotxategi gozogilea joan egin zaigu, baina haren testigantzak sarean daude
eka. 13, 2019, 5:47 p.m.
Joxe Mari Gorrotxategi, Tolosako gozogile ezaguna, gizon jantzia bezain xamurra. Herenegun hil zen, 90 urterekin. 2010ean elkarrizketatu genuen, Ahotsak.eus proiekturako, eta hari jasotako bideo-pasarteak gure webgunean ikus daitezke.
Ezagutu Elbira Zipitria andereñoaren ibilbidea, gaur, bere urteurrenean
mai. 28, 2019, 10:46 a.m.
Elbira Zipitriaren urtemuga da gaur. Aukera polita izan daiteke haren ibilbidea ezagutzeko. "Elbira Zipitriaren Ibilbidea" prestatu dugu eta erabilgarri dago sarean. Orain ikus-entzunezkoa gertatzen ari gara, Ahotsak.eus proiektuko testigantzekin.
Oñatiko 50 emakume baino gehiago elkarrizketatuta, Ingo Xonau! proiekturako
mai. 8, 2019, 10:42 a.m.
Otsailean jarri genuen abian Oñatiko hitanoa biziberritzeko proiektua, Ingo Xonau!, eta noka jasotzeko elkarrizketak egiten aritu gara oraintxe arte. Horiek lantzen joan, ikus-entzunezko bat gertatu, ikerketa-diagnostikoa egin... lana bide onetik doa baina hasi besterik ez da egin!
Bihar, San Markos eguna: opila jateko eguna
api. 24, 2019, 1:02 p.m.
Apirilaren 25ean, San Markos opilak jateko ohitura aspaldikoa da. Amabitxiek eta aitabitxiek besoetakoei oparitzen dizkiete. Sasoi batean etxean egiten zituzten; gaur egun erosi egiten dira. Ahotsak.eus proiektuan Garizuma eta Pazko garaiko opilei buruzko hainbat testigantza ditugu jasota.
'Gasteizko Euskararen Ahotsak': bideoak sarean eta elkarrizketa berriak
api. 4, 2019, 10:12 a.m.
2015ean hasitako proiektuari jarraipena emanez, beste 15 elkarrizketa inguru ari gara grabatzen egunotan Gasteizen. Besteak beste, Pedro Elosegi musikari eta politikaria, Irati Anda eskalatzaile eta bertsolaria edo Miel A. Elustondo idazlea elkarrizketatu ditugu. Gainera, 2015ean egindako grabazioak landu eta bideoak sareratu ditugu.
Elbira Zipitriaren Ibilbidea aurkeztuko dugu, Donostiako Emakumeen Etxean
mar. 15, 2019, 2:26 p.m.
Datorren asteazkenean, martxoak 20, Donostiako Ahots Morea proiektua aurkeztuko dugu Donostian, Emakumeen Etxean. 19:00etan izango da hitzaldi-aurkezpena, eta Elbira Zipitria andereñoari buruzko ibilbidearen berri emango dugu.
Gazteak eta migratzaileak euskarara hurbiltzeko gakoak, Euskararen Transmisioaren IX. Mintegian
mar. 13, 2019, 10:22 a.m.
Euskararen transmisioa hizpide, Eta Kitto!-ren IX. mintegian, atzo goizean Eibarren. Badihardugu elkarteko kideok ere parte hartu genuen, hezkuntzan egiten ari garen lana ezagutarazteko.
Felisa Eizagirre zarauztarrak 105 urte bete ditu
ots. 26, 2019, 5:14 p.m.
Felisa Eizagirre zarauztarrak 105 urte bete zituen otsailaren 11n. Zorionak! 23 urtetatik Irunen bizi da. Gor-haizea dauka, baina indartsu dago. 2011n elkarrizketatu genuen, eta hark kontatutakoak ikusteko aukera dago Ahotsak.eus webgunean.
Durango 1936 Elkartearen grabazioak katalogatu ditugu
ots. 11, 2019, 9:37 a.m.
2017an Durango 1936 Kultur Elkartearekin sinatu genuen hitzarmenaren harira, 56 grabazio berri katalogatu ditugu Ahotsak.eus-en. Gerra zibilean eta gerraostean bizitakoak kontatzen dituzte lekuko guztiek elkarrizketa horietan.
Jon Lopategi bertsolaria hil da, erreferente bat bertsolaritzan
ots. 8, 2019, 10:19 a.m.
Euskal Herriko zein Bizkaiko txapeldun izandako bertsolaria, frankismo sasoiko ikurretako bat izan zen. Egundoko lana egin zuen bertsolaritza eguneratzeko eta zabaltzeko, besteak beste bertso-eskolen bitartez. Ahotsak.eus proiekturako elkarrizketatu genuen, eta hark kontatutakoak sarean daude.
Migel Gallastegi hil da, inoizko pilotaririk onenetakoa
urt. 4, 2019, 12:22 p.m.
Eibarko pilotari handia joan zaigu, 100 urterekin. Ahotsak.eus proiektuan Gallastegiren hainbat bideo pasarte ikus daitezke. 100 urte bete zituenean, bideo txiki bat ere gertatu genuen Migel zoriontzeko.
Abadiñoko Ahotsak proiektuaren aurkezpena eta omenaldia, atzo, Euskararen Egunean
abe. 4, 2018, 10:53 a.m.
Atzo arratsaldean Errota Kulturgunean aurkeztu genuen Abadiñoko Ahotsak proiektua, 90. hamarkadatik hasi eta gaur arte grabatutako hiztunak omentzeko ekitaldian. Guztira, 21 hiztun bildu dituen proiektuak irribarre eginarazi zigun atzo, Euskararen Egunean.
Abbadia saria jaso dugu ekitaldi hunkigarri batean
abe. 3, 2018, 4:48 p.m.
Ostiralean izan zen Abbadia Sarien ekitaldia, ederra bezain hunkigarria. Mila esker saria eman digutenei eta proiektuan parte hartu duten guztiei!
Abbadia saridunak Euskaraldiarekin bat
aza. 14, 2018, 1:45 p.m.
Gipuzkoako Foru Aldundiak bat egin du Euskaraldiarekin: gaur goizean talde-argazkia atera dute 1996tik Anton Abbadia saria jaso duten elkarte, norbanako eta enpresekin. Ahotsak.eus proiektuko kideak ere bertan izan gara, noski, aurtengo saria guri emango baitigute.
2018ko Anton Abbadia saria Ahotsak.eus proiektuarentzat izango da
aza. 12, 2018, 11:57 a.m.
Aurtengo Abbadia Saria Euskal Herriko Ahotsak proiektuari emango diola jakinarazi du Gipuzkoako Foru Aldundiak. Euskararen alde egin duen lana saritu nahi du, 15 urteko ibilbide oparoa.
Ahotsak.eus Errusiara ere iritsi da!
aza. 9, 2018, 1:57 p.m.
EiTBko Euskalonski saioan Ahotsak.eus ezagutzen duen neska errusiar bat elkarrizketatu dute: Karina Mishchenkova. Errusiako hizkuntza gutxituen alde ari da lanean, gurearen antzeko proiektu batean.
Euskararen osasun digitala aztergai, atzo Soziolinguistika Klusterreko Jardunaldian
aza. 7, 2018, 12:48 p.m.
Bilbon egin zuten Soziolinguistika Klusterraren Jardunaldiaren 10. edizioa, EHUko Bizkaia Aretoan, eta Badiharduguko kideak ere bertan izan ginen.
Gazte Gara Gazte proiektua aurkeztuko dugu Iruñean, Sarean Euskaraz jardunaldietan
aza. 5, 2018, 1:09 p.m.
Sarean Euskaraz jardunaldietan izango gara bihar eta etzi, Iruñeko Baluarten. DBHko eta Batxilergoko 1.000 ikasle inguru bertaratuko dira, eta besteak beste Gazte Gara Gazte proiektuaren berri izango dute.
Adio Extefana Irastorzari, Hendaiako euskaltzale eta poetari
urr. 30, 2018, 12:55 p.m.
Atzo zendu zen, 93 urterekin, Hendaiako memoria historikoa jasotzen lagundu duen idazlea. 2009an elkarrizketatu genuen, Ahotsak.eus proiekturako, eta haren testigantzak on-line daude.
"Eibarko Emakumeen Aztarnak" erakusketan, Ahotsak.eus proiektuko hainbat bideo pasarte ikusgai
urr. 20, 2018, 5:45 p.m.
"Eibarko Emakumearen Aztarnak" erakusketa ikusteko aukera izango da Eibarren, bihartik aurrera, Ondarearen Europako Jardunaldietako ekitaldien barnean. Bertan Ahotsak.eus proiekturako jasotako hainbat testigantza erabili dituzte.
