Albisteak
Erromeriei buruzko mahai-ingurua bihar Algortan
2022ko abe. 27a, 10:31
Algortako Itxartu Euskal Dantzari Taldeak mahai-ingurua antolatu du, sasoi bateko erromeriei buruz jarduteko: Jota eta erromeria Uribe Kostan. Bertan, adineko dantzariek hartuko dute parte, eta Ahotsak.eus proiektuan jasotako testigantzak ere erabiliko dituzte.
Leitzako hitanoa jasotzen duen liburua aurkeztu dute, "hiketan ikasteko"
2022ko abe. 23a, 09:53
Hika eta noka. Noka ere toka! izeneko liburua aurkeztu zuten atzo arratsaldean, Leitzako Herri Aretoan. Fernando Oiartzunek Leitzako hiketari buruz egindako lana da, "hiketan ikasteko eta herria hobeki ezagutzeko" aukera ematen duena.
Elbira Zipitria andereñoa gogoan, 40. urteurrenean: ikusi hari buruzko bideoa
2022ko abe. 22a, 14:17
Abenduaren 26an 40 urte beteko dira Elbira Zipitria andereño ezaguna hil zenetik, eta Elbira izeneko dokumentala aurkeztuko dute Donostiako Kursaalean. Guk Ahotsak.eus egitasmoan jasotako testigantzekin Zipitriari buruz egin genituen ikus-entzunezkoa eta ibilbidea ere herritar guztion eskura daude.
Hertzainak taldeko Josu Zabalaren bideoak sarean, agur kontzertuen atarian
2022ko abe. 16a, 09:29
Josu Zabala musikaria izan zen Hertzainak taldearen sortzaileetako bat. Gasteizko Ahotsak proiekturako elkarrizketatu genuen, eta hark kontatutakoak on-line daude, ikusgai. Oraintxe izan daiteke horretarako une polita, Hertzainak taldearen agur kontzertuen atarian.
Appa hi!, hitanoa praktikatzeko eta ikasteko aplikazioa, doan zure mugikorrerako
2022ko abe. 14a, 12:03
Hitanoa, alokutiboa, toka, noka... ez dakizula zer diren? Edo etxean jaso duzu oinarriren bat, baina ez duzu hitz egiteko ohiturarik? Oraintxe duzu aukera hori guztia oso modu errazean praktikatzeko eta ikasteko, baita hutsetik hasita ere, Appa hi! aplikazioari esker. Bost astean, zailtasunik gabe, hitanoaren oinarrizko egitura guztiak eskainiko dizkizugu eta, galdera-erantzun bidez, hika hitz egiten hasteko behar adina erreminta izango duzu.
1940-1980 urteetako euskalgintzari buruzko hitzaldia Bergaran, bihar
2022ko abe. 13a, 16:29
Izotz ondoko eguzki izeneko hitzaldia emango dute bihar goizean Bergaran, 10:00etan. Izen bereko erakusketa ere ikusgai dago, Aroztegi aretoan, abenduaren 25era bitarte, Euskararen historia soziala Bergaran egitasmoaren barruan. Helburua 1940-1980 urteen bitartean Bergaran euskalgintzan izandako mugimendua jasotzea da. Badihardugu elkarteak prestatu du erakusketako ikus-entzunezkoa, herrian jasotako lekukotasunekin.
Euskalgintzari buruzko erakusketa Bergaran, abenduaren 9tik aurrera
2022ko abe. 7a, 09:35
Izotz ondoko eguzki erakusketa antolatu dute Bergaran, Aroztegi aretoan, abenduaren 9tik 25era, Euskararen historia soziala Bergaran egitasmoaren barruan. 1940-1980 urteen bitartean Bergaran euskalgintzan izandako mugimendua jasotzen du. Etzi izango da aurkezpen-ekitaldia, 18:00etan. Badihardugu elkarteak prestatu du erakusketan erakutsiko den ikus-entzunezkoa.
Appa hi! aplikazioaren batuko bertsioa aurkeztuko dugu, Durangoko azokan
2022ko abe. 2a, 09:56
Iaz Oñatiko hika ikasteko aplikazioa aurkeztu genuen, Appa hi!, eta harrera bikaina izan du. Orain, euskara batuko bertsioarekin gatoz: Durangoko azokan aurkeztuko dugu, abenduaren 7an; 18:00etan, Kabia aretoan. Gonbidatuta zaude! Standa ere izango dugu azokan.
Oroimenaren Egunaren inguruko egitaraua prestatu dute Mutrikun
2022ko aza. 10a, 09:20
Gaurtik hasita eta azaroan zehar, Gerra Zibilaren Oroimenaren Eguna omentzeko egitaraua prestatu dute Saturraran Elkarteak eta Mutrikuko Udalak. Badihardugu Elkarteak azaroaren 13an herrian zehar egingo den memoria historikoaren ibilbidea prestatu du, Ahotsak.eus-eko testigantzak baliatuta, eta azaroaren 17ko hitzaldian ere parte hartuko du.
'Bertakotzen': Urretxu-Zumarragan etorkinek euskarara hurbiltzeko egin duten ahalegina eskertzeko proiektua
2022ko urr. 13a, 14:03
"Bertakotzen" proiektua aurkeztu zuten atzo Urretxu-Zumarragan: Badihardugu elkarteak herriko 17 pertsona elkarrizketatu ditu, herrira bizitzera etorri eta, oztopoak oztopo, integraziorako euskara erabili dutenak. Haien testigantzekin sortutako bi ikus-entzunezkoak erakutsi zituzten atzoko eskertza-ekitaldian. Elkarrizketa guztiak landuta eta ikusgai daude.
Gaur emango diote azken agurra Felix Etxeberria `Parapan´ euskaltzale elgoibartarrari
2022ko ira. 5a, 16:27
Elgoibarko kulturgintzan eta herrigintzan erreferente nagusienetakoa izan den Felix Etxeberria `Parapan´ hil zen joan zen ostiralean, 95 urte zituela. Gaur emango diote azken agurra, herrian. 2010ean Ahotsak-erako egindako elkarrizketa entzungai dago sarean.
Gregorio Larrañaga `Mañukorta´ bertsolari umoretsua hil da
2022ko uzt. 26a, 10:19
Gregorio Larrañaga Mañukorta bertsolari ezaguna hil da, 78 urte zituela. Umoretsua zen bertso-kantuan eta txisteak kontatzea ere gustuko zuen. 2012an elkarrizketatu genuen Ahotsak.eus-erako eta berak kontatutako hainbat pasarte ikusgai daude.
Oñatiko Trikitika Eguneko bideoak ikusgai
2022ko uzt. 22a, 16:44
Ekainaren 26an Trikitika Eguna ospatu zuten Oñatin: Trikitixa Eguna eta Hika Eguna, biak batera. Hika-bertso bazkariko eta arratsaldeko hika-triki-poteoko bideoak sarean ipini dituzte.
Genero-berdintasuna eta aniztasuna lantzeko egitasmoak, atal berri batean
2022ko uzt. 11a, 08:41
Badihardugu elkartean hainbat bide jorratzen ditugu genero-ikuspegia lantzeko: genero berdintasuna eta aniztasuna. Atal berri bat sortu dugu Ahotsak.eus webgunean, orain arte egindako egitasmo guztiak batzeko eta ezagutarazteko.
Trikitika Eguna ospatu zuten larunbatean Oñatin: Trikitixa Eguna + Hika Eguna
2022ko eka. 29a, 10:45
Trikitixa Eguna eta Hika Eguna batzen dituen Trikitika Egunean triki-hika-poteoa, hika-bertso bazkaria eta Eingo txarangak lagundutako kantu-dantza saioa egin zituzten.
Ezagutu LGTBIQ+ kolektiboko letra guztien esanahia, bideo hau ikusita
2022ko eka. 28a, 14:34
Ahotsak.eus proiektuan hainbat elkarrizketa egin ditugu genero berdintasuna eta aniztasuna lantzeko. Baita bideoak prestatu ere, jasotako testigantzekin. Horietako bat "LGTBIQ+ kolektiboa" da, kolektibo hori osatzen duten taldeen errepaso txiki bat egiten duen bideoa.
"Periferiaren mugak" dokumentala estreinatuko dute gaur
2022ko eka. 20a, 15:38
Mondragon Unibertsitatean ikus-entzunezko komunikazioa ikasi zuten Zizurkilgo Irati Egibar Izetak eta Irene Zaldua Tapiak, eta Berriozarko Ekhiñe Aizkorbe Zabalzak. Gradu Bukaerako lan gisa garatu zuten Periferiaren Mugak proiektua, ahotsak.eus-ekin elkarlanean. Lanaren emaitza den dokumentala gaur estreinatuko da, gaueko 22:00etan, Hamaika Telebistan eta hamaika.eus-en. Jasotako testigantzen bideo-pasarteak ahotsak.eus-en daude ikusgai.
Zer gertatzen da idazlea emakumea denean? Bideoa ikusgai!
2022ko mai. 20a, 10:26
Ahotsak.eus proiektuan hainbat elkarrizketa egin ditugu berdintasuna eta aniztasuna lantzeko, EIMA 2.0 egitasmorako. Baita bideoak prestatu ere, jasotako testigantzekin. Horietako bat "Idazlea emakumea denean" da, zenbait idazleren eta literatur kritikari baten iritziak batzen dituen bideoa.
Miren Jone Azurza, Donostiako kazetari aitzindaria, hil da 92 urterekin
2022ko mai. 17a, 11:30
Miren Jone Azurza igandean hil zen, 93 urte betetzear zegoela. Zeruko Argia aldizkariko zuzendaria izan zen, lehen emakume tituluduna euskarazko kazetaritzan. Duela bi urte elkarrizketatu genuen, eta haren elkarrizketa ikusgai dago.
Ahotsak-eko testigantzak Katea-Landetxa auzoko memoria jasotzen duen dokumentalean
2022ko mai. 6a, 09:19
Irungo Landetxa Auzo Elkarteak Auzotarron memoria 1930-1959 dokumentala aurkeztuko du gaur, ostirala, iluntzeko 19:00etan. Auzotarren ahotik jasotako bizipenak bildu dituzte dokumentalean, gerra zibila hasi aurreko, gerra sasoiko eta gerraosteko kontuak ezagutarazteko. Ahotsak.eus proiektuko hainbat testigantza ere baliatu dituzte.
