Albisteak
Agur Patri Urkizu idazle eta ikertzaileari
2024ko abe. 18a, 16:03
Irakaslea, idazlea, ikertzailea. Antzerkizalea, bertsozalea, literaturazalea. Euskaltzalea. Patri Urkizu lezoarrak hutsune handia utzi du. Haren ibilerak eta ikerketak ezagutu nahi dituenarentzat 90 bideo pasarte daude ikusgai, Ahotsak.eus webgunean.
Kutxa Fundazioa, Ahotsak proiektuaren bidelagun 2009tik
2024ko abe. 12a, 14:15
Kutxa Fundazioaren laguntza izan dugu aurten ere Ahotsak.eus egitasmoan, ahozko ondarea jaso, landu eta hedatzeko.
"Hika poltsikuan" liburuxka eta NOKA ikastaroa Eibarren
2024ko abe. 11a, 16:50
Bihar, osteguna, NOKA ikastaroa emango du Badihardugu Elkarteak Eibarren, Andretxean, Eibarko Akebaik antolatuta. Ikastaroko parte-hartzaileei Badiharduguk prestatu eta Eibarko Udalak kaleratu duen Hika poltsikuan liburuxka banatuko zaie.
Euskal Herriko I. Hikadromoa Durangoko azokan, errepikatzeko modukoa
2024ko abe. 9a, 10:51
Badiharduguk Durangoko azokan antolatutako ekimenak primeran joan ziren: bai ostiraleko hitzaldia eta baita larunbateko Hikadromoa ere. Azokan guztira 200 ekimen egon arren, harrera beroa izan dute.
Badiharduguk hitanoari buruzko hitzaldia emango du gaur Durangoko azokan
2024ko abe. 6a, 10:01
Badiharduguk hika ikasteko Appa Hi! aplikazioaren bertsio berriak aurkeztuko ditu eta baita hitanoari buruzko webgune berria ere: hika.ahotsak.eus. Fernando Oiartzunek, berriz, Ahotsak.eus webgunera igo berri diren Leitzako hikako grabazioak izango ditu hizpide. Gaur izango dira hitzaldiak, 19:20an hasita Kabia gunean, Durangoko azokako areto nagusian.
Gaurtik abenduaren 8ra bitartean Durangoko azokan egongo gara
2024ko abe. 5a, 13:20
Gaur zabaldu ditu ateak 59. Durangoko Azokak eta bertan izango gara aurten ere. Ahotsak.eus-Badihardugu elkartea stand-ean euskararen inguruko Euskal Herri osoko argitalpenak aurkituko dituzu. Animatu eta zatoz!
"Berriketa Plaza" egin zuten atzo Bergaran, euskara berbagai hartuta
2024ko abe. 4a, 10:56
Euskararekin lotutako bizipenak jasotzea izan zen atzo Euskararen Egunean Bergaran antolatu zuten "Berriketa Plaza" izeneko ekimenaren helburua.
Appa Hi! lehiaketa egin dute Oñatiko DBH4ko ikasleek, Euskararen Egunean
2024ko abe. 3a, 15:10
Euskararen Egunean hitanoari keinua egin diote gaur Oñatin. Institutuko, Txantxiku ikastolako eta Elkar Hezi ikastetxeko DBH4ko 120 ikaslek Appa Hi! lehiaketan hartu dute parte eta oso giro polita sortu da.
Zumaiako euskararen historia soziala jasotzen duen ikus-entzunezkoa aurkeztu dugu
2024ko aza. 29a, 12:08
Frankismo garaian Zumaian euskalgintzan izandako mugimendua jasotzen du 'Xirrikituak zabaltzen' dokumentalak. Zumaiako Udalak eta Badihardugu Euskara Elkarteak elkarlanean sortutako ikus-entzunezkoa atzo aurkeztu zen Aita Mari aretoan.
Euskal Herriko I. Hikadromoa egingo da Durangoko azokan, abenduaren 7an
2024ko aza. 25a, 12:01
Euskal Herriko hainbat tokitako hika eragileek osatzen duten ZirHika taldeak Hikadromoa antolatu du Durangon, Landako ikastetxean. Euskal Herriko hikazaleei parte hartzeko deia egin diete, elkarrekin hika egiteko, ondo pasatzeko eta hitanoa bizirik dagoela erakusteko.
Argentinako Corrienteseko Tamara Alegre guarania Ahotsak proiektua ezagutzera
2024ko urr. 29a, 11:56
Garabide Elkarteak antolatzen duen Hizkuntzak Biziberritzeko Estrategiak Aditu Ikastaroan parte hartzen ari den Argentinako Tamara Alegre guaraniaren bisita izan dugu Badihardugu elkartean. Euskal Herriko Ahotsak proiektua ezagutzera etorri da, Corrientesen antzeko ibilbidea hasteko asmoarekin.
"Hitanoaren egoera eskasa den arren, badago esperantzarako tarterik"
2024ko urr. 25a, 11:22
Hitanoa bezpizteko lanak izeneko hitzaldia eman zuen Idoia Etxeberriak, atzo arratsaldean Bergarako Olaso Dorrean. Badihardugu euskara elkarteko kidea da eta Oñatiko Ingo Xonau! egitasmoko koordinatzailea. Euskararen inguruko hitzaldi zikloaren parte izan zen.
Bizkaiko musikari tradizionalen pasarteak entzungai Getxo Folk-eko erakusketan
2024ko ira. 13a, 12:07
Dagoeneko martxan da 40. Getxo Folk jaialdia. Aurtengo egitarauaren barruan, Bizkaiko musikari tradizionalak erakusketa antolatu du Itxartu taldeak, Getxo Kulturarekin batera. Besteak beste, Patxi Bilbao, Juan Aiesta, Bonifazio Arandia eta Leon Bilbao musikari bizkaitarren pasarteak ikusi/entzun ahal izango dira bertan.
"Eibar 1960-1980: gozo eta mikatz" dokumentala prestatu du Badiharduguk
2024ko uzt. 4a, 09:10
Badihardugu Euskara Elkarteak "Eibar 1960-1980: gozo eta mikatz" gazteei zuzendutako dokumentala prestatu du Eibarko Udalaren Egoibarra Batzordearen eskariz. Ikuspegi ezberdinetatik, Eibarrren diktaduraren azken urteak eta trantsizioaren hasierakoak nola bizi izan zituzten ezagutzeko aukera ematen digu dokumental honek.
Appahi! aplikazioaren Azkoitiko bertsioa eta Hikagin inkestaren emaitzak aurkeztu ditugu
2024ko eka. 20a, 17:55
Azken urteetan Azkoitiko hitanoa biziberritu nahian dabil Azkoitiko Udala, Hike eizan! proiektuaren bitartez; Badihardugu Elkarteak ere proiektuarekin elkarlanean jardun du. Aurten Appahi! aplikazioari Azkoitiko atala gehitu diogu eta, horrez gain, hitanoaren egoera ezagutzeko Euskal Herri mailan egindako inkestan azkoitiarrek emandako erantzunak aztertu ditugu. Gaur aurkeztu ditugu lanaren emaitzak Azkoitian, Pleno Aretoan emandako prentsaurrekoan. Ekainaren 27an egingo den IV. Hike bertso saioaren berri ere eman dute.
Hika Eguna ospatuko dute larunbatean Oñatin, hirugarren aldiz
2024ko eka. 19a, 14:17
3. Hika Eguna antolatu du aurten ere Oñatin Ingo Xonau! taldeak, Udalaren babesarekin. Hika-poteoa, hika-bazkaria eta hika-erromeria ibiltaria izango dira, larunbatean.
Mexikoko Yucatango aktibista maiak Ahotsak proiektua ezagutzera
2024ko eka. 14a, 11:21
Ekainaren lehen hamabostaldian Mexikoko Yucatango 12 aktibista maia etorri dira Euskal Herrira euskararen biziberritzearen esperientzia bertatik bertara ezagutzera, Garabide Elkarteak bideratuta. Egonaldiak iraun duen bitartean, hainbat proiektu eta elkarte ezagutzeko aukera izan dute. Corpusa lantzen ari den lantaldea, grabazioak egiten ari da Yucatango penintsulan zehar. Ahotsak proiektuaren esperientzia partekatu dugu haiekin.
Giro polita Oñatiko hika ikastaroan
2024ko eka. 11a, 09:14
Atzo amaitu zen Oñatiko euskaltegian antolatutako hika ikastaroa. Aurreko ikastaroak emakumeentzat izan ziren. Oraingoa, berriz, mistoa. Plaza guztiak bete ziren. Irakaslea eta ikasleak pozik agertu dira ikastaroan sortu den giroarekin.
Ondarroako institutuko ikasleek egindako transkripzioak sareratu ditugu
2024ko mai. 31a, 09:41
Ondarroa BHIko Batxilergoko 1. mailako ikasleek Ahotsak.eus-eko hainbat pasarte transkribatu dituzte azken asteotan, Beñat Urkiza irakaslearen gidaritzapean. Dagoeneko webgunean ikus daitezke guzti-guztiak.
Ahotsak.eus-eko pasarteekin sortutako "Gerra Zibila Aramaion" ikus-entzunezkoa ikusgai
2024ko mai. 15a, 10:00
Julen Arriolabengoak (Aramaio, 1960), Ahotsak-eus-eko pasarteak erabiliz, Aramaion gerra nola bizi izan zen erakusten duen 35 minutuko ikus-entzunezkoa sortu du eta sareetan dago ikusgai jada.
