Euskalkiak

Manuel Larramendi jesuitak aipatu zituen lehen aldiz 1729. urtean euskal dialektoak, 'El Imposible Vencido' lanean. Harrezkero, hainbat adituk aztertu eta sailkatu dituzte euskal hizkerak eta euskalkiak.

Koldo Zuazoren sailkapena nagusitu da azken urteotan. Sailkapen hori abiapuntu hartuta, euskalkien inguruko ahalik eta informazio zabalena ematen saiatu gara: ezaugarriak, eremu geografikoa, intereseko webguneak,... eta, nola ez, hizkeren lekukotasunak entzuteko aukera.

Ekialdeko nafarra

Talde honetan sartu izan dira Zaraitzun eta Erronkarin hitz egin den euskara. Biak ere biak XX. mende hondarrean desagertu dira.

Erdialdekoa Gipuzkera

Gipuzkera edo Erdialdeko euskalkia izendatutakoa esangura handikoa gertatu da euskararen ibilbidean, bertan oinarritu delako, gehienbat, euskara batua.

Mendebalekoa Bizkaiera

Mendebaleko euskara edo Bizkaiera Euskal Herriko mendebalean hitz egiten dena da, Bizkaian ez ezik, baita Araban eta Gipuzkoa mendebalean ere.

Nafar-lapurtarra

Historian zehar Lapurdiko eta Nafarroa Behereko hizkerak bereizi egin diren arren, haien arteko aldea txikia da egun eta multzo berean sartu ohi dira.

Nafarra

Eremuz lur handia hartzen du euskalki handiz. Bere barnean daude Nafarroako hizkerarik gehienak, bazter batetik bestera alde nabaria dagoen arren.

Zuberotarra

Bi ezaugarri nagusi ditu xiberutarrak: batetik, gainerako euskalkien aldean oso berezia dela; bestetik, batasun eta berdintasun handia daukala eremu osoan.

Gipuzkoako aldundia Kutxa Eusko Jaularitza Bizkaiko aldundia