Albisteak

Hika ikasteko eskuliburua

2009ko abe. 4a, 09:40

Dagoeneko kalean dago hikaren erabilerari buruzko lehenengo eskuliburua: Mintza hadi, lagun!. Ritxi Lizartzak idatzi du, azken 10 urteetan eman dituen ikastaroetan pilatuko esperientzian oinarrituta, eta Maramara Taldeak argitaratu. Hika erabiltzeko proposamen teorikoaz gain, adibide bibliografiko ugari bildu ditu, baita irakurle-ikasleentzako dozenaka ariketa ere.

Gehiago irakurri...

 

Zumaiako Ahotsak aurkeztu dugu

2009ko abe. 2a, 23:32

Atzo arratsaldean Zumaian izan genuen ekitaldia. Ekitaldi gozo eta hunkigarria. Azken urteotan herrian egin den bilketa aurkezteaz gain, lekuko guztiei euren laguntza eskertu zitzaien. Azken batean, aurkezpena baino gehiago omenaldia izan zen atzokoa.

Gehiago irakurri...

 

Andres Agirianok (Eskoriatza) 103 urte bete ditu

2009ko aza. 30a, 18:20

Gaur bete ditu urteak Andres Agirianok, Ahotsak.com proiektu honetan ditugun lekukotasunen artean, nagusienak. 103 urte bete ditu Andresek. Oraindik ere sasoian dago. Zorionak, Andres!

Gehiago irakurri...

 

Gipuzkoako Aldundiak eta Kutxak Gipuzkoako egitasmoa gauzatzen lagunduko dute

2009ko aza. 17a, 11:19

Ahotsak.com proiektua Gipuzkoan ahalik eta azkarren amaitu eta helburuak betetzeko, diru laguntza akordioa sinatu dute Gipuzkoako Foru Aldundiak eta Kutxak Badihardugu elkartearekin. Bi erakundeek, 240.000 euro bana jarriko dituzte, datozen hiru urteetarako.

Gehiago irakurri...

 

Gernika-Lumoko ahozko ondarea batzeko proiektua abian

2009ko aza. 16a, 12:13

Gernika-Lumoko Udalak herriko ahozko ondarea jasotzeko, antolatzeko eta hedatzeko proiektua burutu asmoz, Badihardugu Euskara Elkartearekin hitzarmena sinatzea onartu du. Aurten hasi eta 2012ko abendura bitartean gauzatuko da proiektua.

Gehiago irakurri...

 

Azkue Fundazioa aurkeztu dute

2009ko aza. 4a, 11:08

Gaur arratsaldean aurkeztuko dute AZKUE fundazioa, euskara modu berritzailean, Internet eta teknologia berriak erabiliz, bultzatzeko ekimena. Ahotsak.com ataria tartean izango da.

Gehiago irakurri...

 

Aditz-taulen gidaliburua aurkeztu dute Soraluzen

2009ko urr. 19a, 08:00

Ostiralean aurkeztu zuten Soraluzeko aditza jasotzen duen liburuxka. Egoitz eta Arianne Unamuno izan dira egileak eta Badihardugu Euskara Elkarteak argitaratu du. 

Gehiago irakurri...

 

Soraluzeko ahotsak 2010era arte

2009ko urr. 7a, 12:54

Soraluzeko Udalak eta Badihardugu Euskara Elkarteak Soraluzeko ahotsak proiektua 2010eko abendura arte luzatuko duen hitzarmena sinatu dute.

Gehiago irakurri...

 

Elgoibarko toponimia jasotzeko beka

2009ko uzt. 4a, 22:51

Elgoibarko Udaleko Euskara Sailak aste honetan jakinarazi duenea, "Gotzon Garate" izeneko toponimia beka deialdia kaleratu berri du. Beka honen helburua Elgoibarko toponimia jaso, aztertu eta finkatzea izango da.

Gehiago irakurri...

 

Mutrikuko lehenengo bideoak sarean

2009ko eka. 25a, 17:22

Azken hilabeteetan grabazioak egiten jardun ondoren, aste honetan sareratu ditugu Mutrikuko lehenengo grabazioak. Interneten argitaratu ditugun aurreneko lekukoak Joseba Andoni Andonegi eta Gregorio Arreitunandia dira.

Gehiago irakurri...

 

Twitter kontua

2009ko eka. 12a, 10:54

Ahotsak.com proiektuan garrantzi berezia ematen diegu teknologia berriei. Ahozko tradizioa eta memoria historikoa bildu, baina teknologia berrien bitartez hedatu. Horixe gakoa. Twitter erabiltzen ere hasi gara.

Gehiago irakurri...

 

Ahotsak.com proiekturako langile bila

2009ko eka. 8a, 16:10

Ahotsak.com egitasmoak 3 langile behar ditu proiektuan lan egiteko. Hasiera batean urtebeterako kontratua litzateke, baina luzatzeko aukerarekin. Interesatuta daudenek ekainaren 26ra arteko epea dute euren eskaera bidaltzeko.

Gehiago irakurri...

 

Donostiako hizkera eta ahozko ondarea

2009ko api. 28a, 19:55

Euskararen Udal Patronatuak eta Badihardugu Euskara Elkarteak sinatutako hitzarmenari esker, hiriko ahozko ondarea jaso, landu eta zabalduko dute Donostiako Ahotsak izeneko ekimenaren bitartez.

Gehiago irakurri...

 

ETBrako elkarrizketa grabatzen

2009ko api. 10a, 22:28

Joan zen asteazkenean Elgetan izan ginen Lostin.tv webguneko lagunekin. ETBrako elkarrizketa bat egin ziguten Ahotsak.com proiektu honen inguruan.

Gehiago irakurri...

 

Gerra Zibileko lekukotasunak sarean

2009ko mar. 24a, 10:58

Udaberri Galdua proiektuan 1937ko loreak argitaratzen hasi dira. Berrogeitamar pertsona elkarrizketatu ondoren banaka banaka bideoak editatzen eta argitaratzen hasi dira. Gerra Zibilaren lekukoen aurpegiak, hitzak eta kontakizunak agertzen dira blog pedagogiko horretan. Aurrera ta zorte on!

Gehiago irakurri...

 

Mutrikuko kantak biltzen

2009ko mar. 6a, 12:09

Mutrikuko Guraso Elkartearen ekimenez, herriko kanta zaharrak biltzen dihardute azken hilabeteetan. Joan zen astean afari-merienda parea ere egin zituzten eta han bildutakoa sarean dago dagoeneko.

Gehiago irakurri...

 

Etnografia ikastaroa UNEDen

2009ko ots. 24a, 10:19

UNED Bergara Zentru Elkartuak Internet bidezko "Etnografia: Bizitza-istorioak egin eta hauen azterketa" ikastaroa antolatu du. Ikastaroak ikerkuntza biografiko-narratibo bat egiteko metodologian eta lan tresnetan sakontzea du helburu.

Gehiago irakurri...

 

GoiTB telebistan Ahotsak proiektuaz

2009ko urt. 28a, 10:12

Astelehen arratsaldean GoiTB telebistan izan ginen Ahotsak.com webguneaz hitz egiten. Elgetako proiektuaren aurkezpena aitzakia hartuta, egitasmoaren berri eman genuen: helburuak, orain arteko lana, eta abar.

Gehiago irakurri...

 

Elgetako proiektuaren aurkezpena

2009ko urt. 27a, 22:12

Joan zen ostiralean, urtarrilaren 23an, aurkeztu zen Elgetako Ahotsak proiektua eta omenaldia egin zitzaien proiektuan parte hartu duten elgetarrei.

Gehiago irakurri...

 

Ordiziako ahozko ondarea ikusgai

2008ko abe. 19a, 06:52

Joan zen astean aurkeztu zen Ordiziako udaletxean herriko ahozko ondarea biltzeko egindako proiektua: Ordiziako Ahotsak. Ordiziako udalaren eta Badihardugu elkartearen elkarlanaren ondorioz, herriko 36 lagunen lekukotasuna jaso eta sailkatu da.

Gehiago irakurri...

 
Gipuzkoako aldundia Kutxa Eusko Jaularitza Bizkaiko aldundia