Albisteak
Txillardegi gogoan, haren esanak sarean
2012ko urt. 19a, 17:19
Jose Luis Alvarez Enparantza "Txillardegi" idazle, hizkuntzalari eta politikaria herenegun eguerdian hil zen, Donostian. Haren testigantza jasotzeko aukera izan genuen Ahotsak-en duela urte bi, eta denon eskura dago sarean.
Bertsozale elkarteak mende laurden
2012ko urt. 19a, 10:20
Bertsozale Elkarteak 25 urte beteko ditu aurten. Ibilbideko ilusioak, eztabaidak eta urratsak kontatzeko, liburua eta dokumentala plazaratu dituzte: Beste larogei urtian.
Soraluzeko toponimia jasoko du Udalak
2012ko urt. 19a, 10:06
Soraluzeko Udalak (Gipuzkoa) jakinarazi duenez, lantalde bat jarri du martxan herriko toponimia jasotzeko eta, bide batez, herriko ondare linguistikoa aztertzeko.
Bou Nabarrako azken marinela hil da
2011ko abe. 23a, 13:08
Matxitxakoko borrokan, Eusko Gudarosteko Bou Nabarra gerra-ontzia hondoratu egin zen. 34 lagun hil ziren, eta 20 irten ziren bizirik; haietako azken marinela aste honetan hil da: Juan de Dios Telletxea, Ibarrangeluko arrantzalea.
On Jose Migel Barandiaran gogoan
2011ko abe. 23a, 08:05
Aste honetan 20 urte bete dira on Jose Migel Barandiaran (Ataun, 1889-1991) hil zenetik. Hogeigarren urteurrena gogoratzeko hainbat ekimen, bideo eta artikulu ikusi ahal izan ditugu egunotan eta guk ere gure aportazio txikia egin nahi genuen, nola ez, horietako batzuk webgune honetara ekarriz.
Urdulizko toponimiari buruzko ikerketa aurkeztu da
2011ko abe. 22a, 18:55
Agustin Egaña Abad ikertzaileak urtebete baino gehiago darama Urdulizko toponimiaren mapa egiten. Urdulizko Udalak sustatutako bekari esker egindako ekimena da, eta Uribe Kostako Mankomunitateko Euskara Zerbitzuaren eta Euskaltzaindiaren laguntza jasotzen ari da.
Ahotsak.com hezkuntzan erabiltzeko proiektua aurrera doa
2011ko abe. 22a, 10:20
Astelehen goizean Aretxabaletako eta Eskoriatzako euskara teknikariekin bildu ginen Aretxabaletan, hezkuntzako proiektuari buruzko balantzea egiteko.
Ahotsak eta Aranzadi, memoria historikoari adi
2011ko abe. 20a, 07:36
Aurreko astean Aranzadiko Mikel Errazkinekin (argazkian) bildu ginen, Villabonan, Mintzola ahozkotasunaren zentroan. Hezkuntzan memoria historikoa lantzeko proiektu bana daukagu abian. Garrantzitsua iruditu zitzaigun elkar ezagutu eta elkarlanerako bideak aztertzea.
Bergarako Toponimiaren webgune berria aurkeztuko da
2011ko abe. 9a, 10:18
Datorren astean, abenduaren 14an, Bergarako Mapa eta Toponimia webgunea aurkeztuko dira. Hainbat urtez egindako lanaren ondorio dira.
Mendaroko lekukoei eskerrak emateko ekitaldia
2011ko abe. 5a, 11:06
Joan den ostiralean, abenduaren 2an, Euskararen Nazioarteko Egunaren ospakizunen barruan, omenaldia egin zitzaien Mendaroko Ahotsak proiektuan elkarrizketatuko lekukoei.
Memoro.org, mundu zabalean memoria jaso eta hedatzen
2011ko aza. 29a, 16:47
Eusko Kultur Fundazioak eta Labrit multimediak deituta, memoro.org proiektuaren aurkezpena izan zen atzo Iruñean. Hainbat herrialdetan abiatu den proiektua da, memoria jaso eta transmisioari bide emateko.
Alex Artzelus Mujikaren Nafarroako eta Zuberoako grabazioak
2011ko aza. 25a, 09:41
Alex Artzelus Mujika (Azpeitia 1992) euskal filologiako ikasle gazteak hainbat grabazio egin ditu azken hiru urteetan udako oporrak aprobetxatuz. Euskara galzorian dagoen ekialdeko eskualdeetan ibili da kamara hartuta. Gero, ahotsak.com-en esku jarri ditu grabazioak, 52 denera. Horietako batzuk ikusgai daude dagoeneko eta beste batzuk ipiniz joango gara poliki-poliki.
Bittor Kapanagaren hitzaldi interesgarri baten audioa eta transkripzioa gure webgunean
2011ko aza. 15a, 10:43
Bittor Kapanaga Otxandioko jakintsuak hitzaldia eman zuen Bergarako UNEDen 1995eko otsailean Euskararen historia zikloaren barruan. Ia bi ordu iraun zuen hitzaldia transkribatu eta editatu dugu eta pdf formatuan eskura jarri. Hitzaldiaren audioa ere entzungai dago mp3 formatuan.
Hitzaldia Mondragon Unibertsitatean
2011ko aza. 13a, 18:19
HUHEZI Humanitate eta Hezkuntza Zientzien Fakultatean (Mondragon Unibetsitatea) hiitzaldia ematen egon ginen duela gutxi, Jon Caballero irakasleak gonbidatuta. Izan ere, aurten lehen aldiz, "Kultur ondarearen transmisioa" ikasgaia ematen ari dira Lehen Hezkuntzako graduan (Magisteritza) eta Ahotsak.com proiektuaz eta ahozko ondarearen bilketaz, oro har, hitzaldia eman zuen Idoia Etxeberria lankideak.
"Ahozko corpusak esparru elebidunetan" jardunaldietan izan gara
2011ko aza. 11a, 15:22
Joan zen ostegunean, azaroaren 3an, Eusko Ikaskuntzak jardunaldi aberasgarriak antolatu zituen Deustuko Unibertsitatean, Bilboko campusean: Ahozko corpusak esparru elebidunetan. Hainbat hizlarik eman zuten beren jardunaren berri, eta Ahotsak-eko kideak ere han izan ginen. Hemen laburpena.
Rosario Kortabarriak (Oñati) 103 urte bete ditu
2011ko aza. 10a, 10:40
Urriaren 7an bete zituen urteak Rosario Kortabarriak, Ahotsak.com proiektu honetan ditugun lekukotasunen artean, nagusienak. 103 urte bete ditu Rosariok eta oraindik ere sasoian dago. Zorionak!
"Ahoa bete hots" Jardunaldietan izan gara
2011ko aza. 8a, 09:23
Mintzola Fundazioaren zentroan, Villabonan, ahozkotasunarekin lotutako jardunaldiak egin berri dituzte. Ahoa bete hots, azaroaren 2tik 4ra. Ahozkoaren eta idatziaren arteko harremana izan da aztergai, eta Ahotsak-eko kideak ere bertan izan gara. Hona hemen laburpen txiki bat.
Eibarko ahozko ondarea ikastetxeetan
2011ko urr. 28a, 09:51
Eibarko Udalak eta Badihardugu Euskara Elkarteak Eibarko ikastetxeetan martxan jarriko den proiektu baten berri eman zuten atzo: "Eibarko ahozko ondarea ikastetxeetan". Egitasmo honen helburua da, Ahotsak.com webgunean ditugun testigantzak ikastetxeetan erabiltzea, herriko haur eta gazteei antzinako bizimoduaren berri emateko, aldi berean hainbat gai landuz: herriko historia, memoria historikoa, aspaldiko ohitura eta bizimodua, bizikidetza, Eibarko euskara, belaunaldi arteko transmisioa, ahozkotasuna, oroimenaren garrantzia,...
Euskal Herriko Ahozko Corpusen Diagnosia
2011ko urr. 27a, 13:18
Gaur, urriak 27, Ikusentzunezko Ondarearen Munduko Eguna ospatzen da
mundu osoan, UNESCOk izendatuta. Ospakizun hori aprobetxatuta,
Mintzola Fundazioarekin elkarlanean garatzen ari garen proiektu baten berri eman nahi dizuegu: "Euskal Herriko Ahozko Corpusaren Diagnosia".
Azpeitian hitanoa landu eta bultzatzeko egitasmoa abian da
2011ko urr. 26a, 09:22
DBH-ko 3. eta 4. mailetako ikasleei zuzendua dago eta azaroan hasiko dira ikasgeletan lantzen. Leloa ere badu Azpeitian hitanoa landu eta bultzatzeko egitasmoak: Arin-arin hika egin!
