Albisteak
Agur Jose Andres Azpiri 102 urteko gudariari
2014ko api. 30a, 10:49
Jose Andres Azpiri 1911. urtean jaio zen Xemeingo (gaur egun Markina-Xemein) Plazakola auzoko Torretxun eta 103 urte betetzear zela esan digu agur. Espainiako Gerra Zibilean gudari izandakoa eta azken mendeko historiaren lekuko zuzena.
Gernikako bonbardaketa 77 urteren ostean
2014ko api. 26a, 11:31
1937ko apirilaren 26an Gernika-Lumoko hiribildua bonbardatu zuen Francoren aliatua zen Alemaniako Condor legioak. Ehundaka herritar hil eta zauritu ziren arratsaldeko laurak aldera hasi ziren erasoetan. Une latz haiek bizi izan zituztenen lekukotasunak jasotzeko aukera izan dugu Ahotsak.comen.
"Bizkaia desegingo dut"
2014ko api. 25a, 09:51
Mola jeneralak "Bizkaia desegingo dut" esan omen zuen 1937ko udaberrian. 162.000 bonbaz hornituta zihoazen 138 hegazkin faxistek Bizkaiko 40 herritik gora bonbardatu zituzten: Durango, Abadiño, Bilbo, Galdakao, Zeanuri, Dima, Elorrio, Zaratamo, Erandio, Zornotza, Gernika... Gerra Zibilari eta bonbardaketei buruzko ehundaka pasarte jaso ditugu urteotan Ahotsak.com-en. Gaurko egunez, duela 77 urte, bonbardatu zituzten Erandio, Elorrio eta Zaratamo.
Ahozko ondarea lantzeko eta hedatzeko hitzarmena Markina-Xemeinen
2014ko api. 16a, 11:29
Markina-Xemeingo Udalak eta Badihardugu euskara elkarteak beste urtebeterako hitzarmena sinatu zuten atzo.
"Larre motzean" dokumentala, bihar Donostian
2014ko api. 15a, 14:17
Giza Eskubideen XII. Zinemaldian aurkeztuko dute. Filmean Ahotsak.com-eko lekukotasunak ere agertzen dira.
Gaur 83 urte Eibarren II. Errepublika aldarrikatu zela
2014ko api. 14a, 11:51
1931ko apirilaren 14ko goiz hartan, II. Errepublika artean aldarrikatzear zegoela, eibartarrak lehendabizikoak izan ziren Errepublikako bandera udaletxeko balkoian eskegitzen.
Bizikleta gainean, lehenaldira itzulia
2014ko api. 10a, 12:06
Euskal Herriko errepideetan txirrindularitza nagusi den aste honetan, garai bateko bizikletak eta lasterketak ekarri nahi ditugu gogora.
Julian Ezeiza ‘Aterpe’ bertsolaria hil da
2014ko api. 4a, 09:20
Astelehenean, martxoaren 31n, Julian Ezeiza "Aterpe" bertsolari hernaniarra hil zen, Balantxan, jaio zen baserrian bertan, laurogeita lau urte zituela. Ahotsak.com-erako egin genizkion elkarrizketen lagin txiki batekin eman nahi genioke gure agurra.
II. Mundu Gerrako goma-fardoak Kantauri itsasoan
2014ko api. 3a, 08:56
Duela 71 urte, 1943. urteko apirilaren 3an, II. Mundu Gerra puri-purian zegoela, Kantauri itsasoko arrantzaleek arrantza mota berezi bat ezagutu zuten: kautxuzko fardoak. Ahotsak-comen hori ezagutu zutenen bizipenak jaso ditugu.
'Derioko ahotsak' aurkezpen-bideoa
2014ko api. 2a, 09:22
Tximintx euskara elkartekoek Derion egindako elkarrizketen aurkezpen-bideoa prestatu dute eta dagoeneko ikusgai dago gure webgunean.
Ahotsak.com Euskadi Irratiko Faktoria saioan
2014ko mar. 27a, 16:50
Faktoria saioan egon ziren Badihardugu elkarteko bi kide aurreko astean, Miramonen. Ahotsak.com proiektuari buruz hitz egin zuten. Entzun nahi?
Iñaki Azkuna, Durangon euskarari eutsi ez ziotenen adibide
2014ko mar. 26a, 16:18
Euskararen transmisioaren etena etxean bertan bizi izan dute hainbat familiak. Horren adibide ditugu Euskal Herriko, Hego zein Ipar, zonalde eta familia euskaldunetako hainbat seme-alaba. Horietako bat da zendu berri den Iñaki Azkuna Urreta, Bilboko alkate jauna. Jaiotzez durangarra, bertako familia euskaldun batekoa, egoerak egoera zoritxarrez bere ama-hizkuntza galtzera eroan zuena.
"Lan eta lan, emakumea Bergaran" liburua eta dokumentala sarean
2014ko mar. 17a, 13:48
Bergarako emakumeak lanarekin izan duen harremana du oinarri azterlanak. Martxoaren 1ean liburua eta dokumentala aurkeztu genituen, Bergarako udaletxean. Sarean daude biak jada, interesa duen ororen eskura.
'Kili-kili' aldizkariaren aita hil da
2014ko mar. 14a, 07:28
Jose Antonio Retolaza euskaltzale eta komikigile aitzindaria hil da. Frankismo puri-purian, Bizkaiko haur eta gaztetxoek euskarazko irakurgaiak, denbora-pasak, lehiaketak, etab. izan zitzaten ezkutuko lan handia egin zuen, hurrengo hamarkadetan ere Bizkaiko eta kanpoko etxe eta txoko askotan 'Kili-kili' aldizkaria ezinbesteko tresna bihurtu baitzen.
Ahotsak proiektuaren inguruko informazioa italieraz
2014ko mar. 12a, 08:29
Euskal Herriko Ahotsak proiektua Euskal Herrian bertan gauzatu arren, gure mugetatik haratagoko zabalkundea duenez, garrantzitsua iruditzen zaigu proiektuari buruzko informazioa beste hainbat hizkuntzatan ere eskaintzea. Oraingo honetan gure bilketa-programaren informazioa italieraz jarri dugu.
Sondikan elkarrizketatutako hiztun bakarra joan zaigu
2014ko mar. 10a, 08:50
Pantxi Sangroniz Mentxaka 1913. urteko urrian jaio zen Sondikan eta zapatuan hil zen 100 urte zituela. Bera da orain arte Ahotsak.com-en elkarrizketatutako sondikatar bakarra.
Rosario Kortabarriak agur esan digu 105 urterekin
2014ko mar. 6a, 14:21
Astelehenean, martxoaren 3an, agur esan zigun Rosario Kortabarria oñatiarrak. 106 urte beteko zituen urrian. Bere hitzak gogoratuz gure atsekabea adierazi nahi diegu sendikoei.
Garizumak garai batean zuen indarra eta garrantzia
2014ko mar. 5a, 08:29
Inauterien osteko asteazkena Errauts Eguna dugu, garizumaren hasiera, Elizarentzat garai sakratua. Ostegun Santu Eguna bitartean Pazko jaietarako prestaketak hasteko sasoia da. Duela gutxira arte eguneroko bizimoduak aldaketak izaten zituen aldi horretan: jatorduak, jolasak, aisialdia....
Inauteriak denboran zehar
2014ko ots. 28a, 10:24
Askotan entzun izan dugu garai bateko inauteriak, aratusteak edo karnabalak oso ezberdinak zirela: mozorrotzeko era, giroa, debekuak... Gai honekin lotutako hainbat eta hainbat pasarte jaso ditugu urteotan Ahotsak.com-en.
"Lan eta lan, emakumea Bergaran" liburuaren aurkezpena, larunbatean
2014ko ots. 24a, 17:47
Bergarako emakumea eta lana. Horixe da Badihardugu elkarteko kideek aztertu duten gaia. Larunbat eguerdian liburua eta ikus-entzunezkoa aurkeztuko dituzte, Bergaran.
