Albisteak
Gernika-Lumoko ahotsak - Aurkezpena eta omenaldia
2012ko aza. 28a, 10:39
Datorren barikuan, azaroaren 30ean, Gernika-Lumoko ahotsak egitasmoa aurkeztuko da. Proiektuan parte hartu duten lekukoei esker ona adieraziko die Udalak eta proiektuaren egileek.
Memoria historikoaren lanketa, gizarte zientzietan
2012ko aza. 20a, 12:51
Memoria historikoarekin lotutako mintegia egin zuten ostiralean Ikastolen Etxean, Donostian: Sharing European Memories nazioarteko mintegia. Anoetako ikastolan eta Donostiako Santo Tomas lizeoan egindako proiektuak azaldu zituzten. Baita Europako beste herrialde batzuetakoak ere: Italia, Norvegia, Polonia, Eslovenia eta Erresuma Batua.
Euskara, ahozko kultur sorkuntzan - Ahoa bete hots
2012ko aza. 9a, 16:45
Ahozko kultur sorkuntzari buruzko jardunaldiak egin dituzte azken hiru egunotan, Villabonan: Ahoa bete hots jardunaldiak. Euskalkiak, batua eta errejistroa izan dituzte aztergai; antzerkian, bertsolaritzan, kantagintzan eta ipuingintzan.
Euskarabildua: euskara eta teknologia berriak hizpide
2012ko urr. 22a, 10:04
Euskarak sarean presentzia izan dezan zer egin daitekeen, horixe izan zuten hizpide ostiral goizean Euskarabildua jardunaldietan, Donostiako KM kulturunean.
"Eibarko euskara" ikastaroa
2012ko urr. 17a, 09:20
Badihardugu Euskara Elkarteak antolatuta, Eibarko Udalaren eta Udal Euskaltegiaren laguntzarekin, "Eibarko euskara" ikastaroa antolatu da Eibarren azarorako. Izena emateko epea urriaren 31ra bitartean egongo da zabalik. Herriko euskararen ezaugarri nagusiak aztertuko dira, eta hitanoari ere lekutxoa emango zaio.
Munitibarko ahotsak proiektua aurrera
2012ko urr. 16a, 08:00
Egunotan Munitibarko ahotsak proiektuko elkarrizketak egiten gabiltza. Jadanik bertako 10 herritar elkarrizketatu ditugu.
Areatzako lehen elkarrizketa
2012ko urr. 15a, 16:47
Arratia bailarako Areatzako lehen elkarrizketa egin genuen lehengo eguaztenean. Maribel Gorostizagoiza izan genuen lagun: jakintasun handiko kontalari aparta.
Luis Katarain, "Gazta zati bat"eko izarra entzungai
2012ko urr. 15a, 11:01
Gazta zati bat filmea herriz herri dabil aretoak betetzen. Erabakitzeko eskubidea du gaia, Idiazabalgo herria protagonista, eta Luis Katarain artzaina bihurtu da dokumentaleko izarra. Hemen ikus dezakegu 2012 urtarrilean Ahotsak-eko Itziar Pildainek egindako elkarrizketa.
Barrikako lekukotasunak
2012ko urr. 9a, 12:50
Bizkaiko kostaldeko Barrika herriko lehen elkarrizketak daude Ahotsak.com atarian.
Eako ahotsak proiektua martxan dago jadanik
2012ko urr. 4a, 12:51
Pasa den udan, herriko boluntarioekin martxan jarri zen Eako ahotsak proiektuarekin buru belarri dabiltza Bizkaiko kostaldeko udalerri honetan.
Ahotsak Eibarko ikastetxeetan
2012ko urr. 3a, 11:06
Lehen Hezkuntzan eta Haur Hezkuntzan Ahotsak.com webguneko testigantzak erabiltzen ari dira, Eibarko lau ikastetxetan. Ikasturte honetan jarraipena emango diote iaz hasitako proiektuari.
Euskararen osasun digitala
2012ko ira. 28a, 12:47
Europan egin duten ikerketa baten arabera, euskarak ez du babes nahikoa teknologia berrietara behar bezala egokitzeko. Europako 30 hizkuntza aztertu dituzte, eta bederatzi dira babes egoki samarra dutenak. Gainerakoak digitalki iraungitzeko arriskuan ei daude.
"Arrasate 1936: Emakumea, gerra eta errepresioa" dokumentala aurkeztu da
2012ko ira. 18a, 17:21
"Arrasate 1936: Emakumea, gerra eta errepresioa" izeneko dokumentala aurkeztuko dute gaur arratsaldean Arrasateko Amaia antzokian. Intxorta 1937 Kultur Elkarteak egin du ikus-entzunezkoa eta aurkezpen ekitaldia ere hark antolatu du. Gerra eta gerraostea sufritu zuten emakume arrasatearren testigantzak jasotzen ditu bideoak.
Berriz 1936 gogoratzen
2012ko ira. 11a, 21:30
Duela 75 urte, 1937ko irailaren 11n Berrizko hainbat herritar fusilatu zituzten, baita orduko alkatea zena ere. Horren baitan sortutako elkarteak egindako grabazioak jaso ditugu Ahotsak.com-en.
Abuztuaren 31ren osteko egunak: ahotsak proiektuaren aurrekari?
2012ko ira. 4a, 10:03
Ostiralekoa egun berezia izan zen Donostiako hiriarentzat. Ostiraleko egunez, duela 199 urte, tropa espainol, ingeles eta portugesek su eman zioten hiriari, eta kale bakarra utzi zuten zutik; hain zuzen, zorigaiztoko gertaera haren oroimenez, Abuztuaren 31 izenaz ezagutzen dugun kalea. Atzo, hiriak hautsa kendu zion historiari eta, kandelen argitan, hura protagonista bihurtu.
143 arrantzale itsasoak irentsi zituenekoa
2012ko abu. 12a, 08:00
Mende oso bat pasatu da Kantauri itsasoan bizi izan den gertakizun beltzenetik. 1912ko abuztuaren 12tik 13rako gau hartan, gure kostaldeak inoiz ezaguturiko enbatarik handienak astindu edarra eman zien Bizkaiko portu garrantzitsuenetako arrantzaleei: 143 arrantzale hil ziren.
Gerrako umeak elkarrizketatuta
2012ko abu. 7a, 10:16
Ego Ibarra batzordeak Badihardugu Elkartearekin izenpetu zuen hitzarmenaren lehenengo urratsa bete da: Gerrako umeen aurreneko 10 elkarrizketak eginda daude.
Ahotsak.com proiektuak 2 langile behar ditu
2012ko uzt. 19a, 13:49
Ahotsak.com proiektuak bi langile behar ditu Euskal Herriko hizkera eta ahozko ondarea biltzeko eta lantzeko. Filologia ikasketak egin izana hobetsiko da eta baita gida-baimena izatea eta euskalkien ezagutza sakona. Abuztura bitartean curriculumak jasoko ditugu eta lanaldia irailean hasiko litzateke.
Euskarazko funtsen kudeatzaileen topaketako aurkezpena sarean
2012ko uzt. 17a, 11:01
Ekainaren 7an jardunaldi interesgarriak izan genituen Burlatan (Nafarroa), Euskarabideak antolatuta. Euskarazko ahozko ondarea biltzeaz arduratzen garen hainbat erakunde, elkarte, ikerlari eta irakasle bildu ginen, "Euskarazko funtsen bilketa tratamendua eta difusioa" izeneko jardunaldietan. Lehenago ere mintzagai izan genituen eta jardunaldien laburpena egin genizuen. Oraingoan, Euskarabideak egun horretako aurkezpen guztiak sareratu ditu, ondorio eta laburpenarekin batera.
Euskal hiztunen konplexuak eta kezkak
2012ko eka. 28a, 11:03
Ahotsak-eko Juan Martin Elexpuru eta Idoia Etxeberria kideek hitzaldia eman zuten atzo, Donostiako Miramar jauregian. EHUko udako ikastaroetan, bihar amaituko den Hiztunetik hiztunera, euskararen bizipenek ezarritako bidetik mintegiaren barruan.
