Albisteak
Antzuolako bi proiektutako grabazioak gehitu ditugu
2014ko urt. 15a, 15:29
`Antzuolako toponimia´ eta `Larru ontzea Antzuolan´, bi proiektu berri gehitu ditugu egun hauetan Ahotsak.com-en, Antzuolako Udalaren eta Badihadugu Euskara Elkartearen elkarlanari esker. 32 grabazio berri katalogatu dira guztira, Antzuolari dagokion orrian.
_newslist.jpg)
Eibarko ondarearen laburpen-bideoa ikusgai
2014ko urt. 7a, 13:07
Eibarko ondarea biltzen duen erreportaje laburra sortu berri dugu dagoeneko. Herriko irudiak eta hiztunen testigantzak tartekatzeaz gain, garaiko argazki zaharrak ere bildu ditugu bideo honetan. Sarean duzue dagoeneko ikusgai.
Zaraitzuko grabazio interesgarri bat jaso dugu
2013ko abe. 20a, 10:43
Jaurrietako (Zaraitzu) Rafael Krutxagaren grabazioa jaso genuen duela hilabete inguru. Aitzol Asurmendi zegamarrak egin zion elkarrizketa 1988an eta Beñat Garmendiak helarazi digu. Milesker biei!
Herri desberdinetako bideoak ikusgai
2013ko abe. 19a, 11:18
Ahotsak proiektuan bildu dugun materialarekin hamaika dira eginiko multimedia dokumentuak. Baina oraingoan pieza desberdinekin gatozkizue: herri desberdinetan bilduta dugun ahozko ondarea eta gaur egungo herri horietako parajeekin, bost minutu inguruko erreportaje laburrak osatu ditugu.
Ramon Labaien, kultura eta politika uztartu zituen gizona
2013ko abe. 16a, 10:06
Ramon Labaieni gaur emango diote azken agurra, Tolosan. Bere bizitzako hainbat pasadizo entzun daitezke, bere ahotik, Ahotsak.com-erako egin genion elkarrizketan. Eusko Jaurlaritzako Kultura kontseilari eta Donostiako alkate izana, gizon estimatua zen oso.
2014 urteko egutegia
2013ko abe. 12a, 16:40
2014 urteko Ahotsak.com mahai-gaineko egutegia atera dugu argitara. Ale bat nahi? Ale ba!
Ahotsak-en parte hartu duten elgoibartarrak omendu genituen
2013ko abe. 10a, 17:09
Joan den asteazkenean, abenduaren 4an, Badihardugu Elkarteak eta Elgoibarko Udalak omenaldi beroa egin zieten Ahotsak-en parte hartu duten elgoibartarrei, beraien partaidetzagatik eskerrak emateko.
Gaur eta bihar ere Euskararen Eguna direlako!
2013ko abe. 4a, 19:03
Atzo gogoz eta indartsu ospatu genuen gure eguna, euskaldunon eguna, euskararen eguna. Baina euskarak 365 egunez behar gaitu. Hizkuntz-biziraupenaren irakasgairik onena hiztunek eskaintzen digutenez, daudenek zein ez daudenek, utz ditzagun azalpen eta lekukotzak euren esku!
Hondarribiko Ahotsak proiektuaren aurkezpena egin dugu
2013ko abe. 4a, 15:06
Hondarribiko Ahotsen aurkezpena egin zuten atzo. Proiektuan parte hartu dutenei eskerrak emateko ekitalditxoa izan zen: herritarrak udaletxera gonbidatu, eta grabazioen kopia bana eman zieten. Ilusio handiz hartu zuten. Ekitaldirako prestatutako bideoa ere ikusgai duzue.
'Euskararen kate hautsiak', Euskal Memoriaren liburua
2013ko aza. 29a, 16:41
Euskararen jazarpena da lanaren ardatza. Euskararen historia xehe-xehe aztertu du David Anautek: sorrera, bilakaera eta bidean aurkitutako oztopoak. Ahozko lekukotasunak ere baliatu ditu: Ahotsak.com webguneko hainbat testigantza agertzen da liburuan.
'Basarri'k ehun urte, bizirik balego
2013ko aza. 27a, 10:28
Iñaki Eizmendi 'Basarri'ri 80ko hamarkadan egindako bi elkarrizketa entzuteko aukera dago Ahotsak.com webgunean. Haren jaiotzaren urtemuga aitzakia polita izan daiteke haren pentsaera eta bizimodua gogoratzeko.
80 urte, lehenengo bozkatik
2013ko aza. 20a, 16:22
Emakumeek gizonezkoen pareko boto eskubidea lortu zuten Hego Euskal Herrian, duela 80 urte, azaroan. Ordura arte emakume ezkonduek eta "emanzipatu gabekoek" ezin zuten bozkatu.
Arakaldoko lehen elkarrizketa
2013ko aza. 19a, 16:10
Bizkaian, Nerbioi Ibarreko Arakaldoko herrira hurbildu ginen atzo. Bertan, Milagros Gineari egin genion elkarrizketa.
Irlandako ahotsak sarean, grabazio historikoak entzungai
2013ko aza. 4a, 14:52
Doegen proiektua Interneten jarri dute, mende hasieran egindako grabazioak: ipuinak, kantuak, otoitzak... aspaldiko ahotsak, eta haiekin batera desagertutako gaelikoko hainbat dialekto.
Nork esan du Halloween euskal ohitura zaharra ez denik?
2013ko urr. 31a, 09:09
Azken urteotan gero eta ezagunagoa bihurtu da Halloween jaia gure artean. Ameriketatik "inposatzen" ari diren ospakizuna ere badela entzun izan dugu maiz, guztiok sinetsi arte. Baina kontrakoa dirudien arren, Arimen Gaua ospatzeko ohitura ondo errotutako tradizioa da Euskal Herrian, eta oinarri-oinarrian, film amerikarretan ikusten ditugun irudietatik ez oso urruti. Halaxe kontatu digute gure hainbat lekukok!
Bruselan izan gara, ahotsak.com aurkezten Batasuneko ordezkarien aurrean
2013ko urr. 30a, 08:30
Euskadiren Europar Batasuneko Ordezkaritzan egon ginen joan zen astean, Langunek antolatutako informazio saioan. Etxepare Euskal Institutua eta Elhuyar fundazioa izan genituen bidelagun.
"81 amama" dokumentalaren aurkezpena, urriaren 17an
2013ko urr. 15a, 09:17
"81 amama" dokumentala aurkeztuko dute Donostian, Doka Kafe Antzokian. Euskal emakumearen inguruan eraikitako iruditegiari buruzko proiektua da, amama-biloben arteko harremana aztertzen duena.
Lehendabiziko transkripzioak Lapurdin
2013ko urr. 11a, 14:55
Lapurdiko hainbat bideoren pasarteak ikusgai zeuden arren, ez genuen oraino bakar baten transkripziorik egin. Lehendabizikoak Biriatun, Donibane Lohitzunen eta Hazparnen bildu hiru elkarrizketatik eginak dira.
Arratiako bailarako herri guztietan egin ditugu elkarrizketak
2013ko urr. 8a, 08:53
Arratia bailarako Lemoako lehenengo elkarrizketa egin genuen orain aste bi. Beraz, Lemoako elkarrizketa honekin, Arratiako herri guztietan izan gara jada. Mertxe Iturrioz Etxebarria eduki genuen hizlari, berba garbiko andrea eta hiztun ona.
Arantzazuko (Bizkaia) lehenengo elkarrizketak
2013ko urr. 2a, 11:38
Arratia bailarako Arantzazuko lehenengo elkarrizketak egin genituen uztailaren 15ean. Herrian dagoen Andreen Elkartera hurbildu ginen eta bertan eman genuen arrastia. Alde batetik, Matilde Artetxe eta Maria Lourdes Etxebarria elkarrizketatu genituen; eta bestetik, Karmen Ordeñana Agustina Iza dimoztarrarekin batera.
