Albisteak
Ahotsak-en bildutako hitzak Mihiluzeko "Tribuaren berbak" proban
2012ko eka. 20a, 12:10
Ekainaren 18ko Mihiluzeren saioan, ahotsak.com-en bildutako hitzak jolas bihurtu ziren. Gure eskerrik beroenak Mihiluzeko lantaldeari, euskararen alde egiten duten lan ederrean guri ere parte hartzen utzi izanagatik!
Ahotsak-en hitzaldia nagusien euskararekiko jarreraz
2012ko eka. 20a, 11:06
Hiztunetik hiztunera, euskararen bizipenek ezarritako bidetik mintegian hitzaldia emango dute Ahotsak-eko bi kidek. Mintegi hori ekainaren 27an, 28an eta 29an izango da, Donostiako Miramar Jauregian, EHUko udako ikastaroen barruan.
Euskarazko ahozko ondarearen bilketaz jardunaldia
2012ko eka. 18a, 14:07
Joan zen astean Jardunaldi interesgarriak izan ziren Burlatan (Nafarroa) Euskarabideak antolatuta. Euskarazko ahozko ondarea biltzeaz arduratzen garen hainbat erakunde, elkarte, ikerlari eta irakasle bildu ginen, "Euskarazko funtsen bilketa tratamendua eta difusioa" izeneko jardunaldietan. Hona hemen kronika txikia.
"Durangoko ahotsak" proiektua aurkeztu dugu
2012ko eka. 12a, 16:17
Joan zen larunbatean Durangoko San Agustin Gunean bildu ginen azken urteotan Durangon egindako lana aurkezteko. Hantxe elkartu ginen Ahotsak-eko kideak, proiektuan parte hartu duten lekukoekin, senideekin eta Udaleko ordezkariekin. Durangoko ahotsak proiektuaren emaitzak aurkeztu genituen, baina batez ere, proiektuan parte hartu duten 40 durangarrei eskerrak eman nahi izan genizkien.
Xarriton, Haritxelar, Larre eta Davant, Iparraldeko lau euskaltzain beteranoren ahotsak entzungai
2012ko eka. 8a, 16:32
Iparraldeko lau euskaltzain eta idazle beteranoren elkarrizketak ipini ditugu entzungai: Piarres Xarriton (Hazparne 1921), Jean Haritxelar (Baigorri 1923), Emile Larre (Baigorri 1926) eta Jean Louis Davant (Ürrüstoi-Larrabile 1935). Elkarrizketa luze eta mamitsuak laurak.
Karmele Esnal andereñoa joan zaigu
2012ko mai. 31a, 16:43
Atzo hil zen Karmele Esnal, 79 urte zituela. Bizi osoa euskararen alde eman ostean, agur esan digu. Bai euskarak, bai haren ikasle izateko aukera izan genuenok asko zor diogu andereño Karmeleri. 2010ean egin genion elkarrizketa ahotsak.com-en, eta aukera izan genuen bere ahotik entzuteko horrenbeste urtean bildutako esperientziak.
Jesus Gutierrezen hitzaldia sarean
2012ko mai. 30a, 14:07
Eibarko bonbardaketaren 75. urteurrena oroitzeko Jesus Gutierrez historialariak Eibarko Coliseoan emandako hitzaldia Interneten jarri dugu.
Bizitza historiak jasotzeari buruzko ikastaroa online
2012ko mai. 30a, 09:44
"Bizitza historiak: gizarte zientzietan duen erabilera" online ikastaroan parte hartu dugu. Eusko Ikaskuntzako Asmoz Fundazioak laugarren aldiz antolatu du, ahozko testigantzekin lanean dabiltzan ikertzaileei metodologia berriak ezagutarazi eta tresnak emateko helburuarekin.
Ahotsak.com "Gerrako umeei" Southamptonen egindako omenaldian
2012ko mai. 21a, 14:06
Maiatzaren 21ean, baina orain dela 75 urte, Habana itsasontzia Santurtziko portutik Southamptonera iritsi zen ia 4.000 umerekin. Joan zen asteburuan, maiatzaren 12 eta 13an, omenaldia egin zieten Erresuma Batura erbesteratu zituzten ume horiei, eta Ahotsak.com bertan egon zen.
"Internet eta hizkuntza aniztasuna" mintegia Bilbon, EHUren Unesco Katedrak antolatuta
2012ko mai. 19a, 13:46
Joan zen ostegunean, maiatzaren 17an, EHUren Munduko Hizkuntza Ondarearen UNESCO Katedrak antolatuta, Internet eta hizkuntza aniztasunaren sustapena aztertzeko mintegia ospatu zen Bilbon. Hainbat herrialde eta hizkuntzatako ordezkariak izan ziren hizlari, eta Ahotsak-eko ordezkariak ere hantxe izan ginen. Hona hemen mintegi interesgarri horretako kronika txikia.
Eibarko bonbardaketaren urteurreneko ikuskizuna Goitbn
2012ko mai. 10a, 09:34
Apirilaren 26an Maialen Lujanbio bertsolaria eta Juan Pinilla flamenko kantaria Eibarren izan ziren, bonbardaketaren 75. urteurrena oroitzen. Ikuskizun berezia egin zuten, lekukoen testigantzak lagun zituztela. Goitb telebistakoek erreportaje polita egin dute horri buruz, eta sarean dago ikusgai.
Eibarko udalarekin lankidetza hitzarmena izenpetu dugu
2012ko mai. 10a, 09:31
Atzo iluntzean, maiatzaren 9an, lankidetza-hitzarmena izenpetu zuen Badihardugu Euskara Elkarteak Eibarko Udalarekin. Hitzarmen horren barruan, besteak beste, ahozko ondarea jaso eta zabaltzeko egitasmoa ere burutuko da, Euskal Herriko Ahotsak proiektuaren barruan. Gogoan izan Eibarko ikastetxeetan ere lanean ari garela, herritarrei jasotako lekukotasunak ikasgelan ere erabil ditzaten.
Bizkargi mendiko borroka: Burdinazko Gerrikora hurbiltzeko erasoa
2012ko mai. 9a, 11:10
Duela 75 urte, gaurko egunez, frankistak Bizkargi mendia erasotzen hasi ziren. Handik bi egunera gaina hartua zuten. Baina zazpi egun iraun zuen borrokak, eta ehunka hildako utzi zituen.
Gernika: "Zerua goian eta lurra behean"
2012ko api. 26a, 09:28
1937ko apirilaren 26an, Alemaniako Condor legioak Gernika-Lumoko hiribildua bonbardatu ostean, gutxi batzuek baino ez zuten lortu herrian bertan bizimodu berria egitea. Herriaren berreraikitzearen eta bizimodu berri haren sorreraren berri eman digute bertako hainbat lekukok.
Gernika: Etxekoen berri barik, ezinegona nagusi
2012ko api. 26a, 09:27
Ezinegonak hartu zituen herria, baita inguruak ere, Gernika-Lumoko bonbardaketaren ostean. Babeslekuetatik irten eta...: "Non daude gureak?", "Nora joango gara?", "Zer egingo dugu?"...
Gernika: "Handik hiru ta handik beste hiru... errefujixora!"
2012ko api. 26a, 08:16
1937ko apirilaren 26an Gernika-Lumoko hiribildua bonbardatu zuen Alemaniako Condor legioak Francoren aginduz. Herria suntsitu eta herritarren artean samina eta ezinegona sortu ostean, gutxi batzuek baino ez zuten lortu herrian bertan bizimodu berria egitea. Une latz haiek bizi izan zituztenen lekukotasunak jasotzeko aukera izan dugu Ahotsak.com-en eta egunotan, 75. urteurrena gogoratuz, horietako batzuen berri emango dizuegu 3 atal desberdinetan.
Eibarko bonbardaketa gogoratzeko ikuskizuna: bertsoa, poesia eta lekukoen ahotsa
2012ko api. 23a, 12:40
Ostegunean, apirilak 26, Maialen Lujanbio bertsolariak eta Juan Pinilla flamenko kantariak ikuskizun berezia eskainiko dute Eibarren, bonbardaketaren 75. urteurrena gogoratzeko. Coliseo antzokian izango da, 20:30ean. Artista bien lana girotzeko eta historiaren haria gidatzeko, Ahotsak.com proiekturako Eibarren jasotako lekukotasunak ere entzun eta ikusi ahal izango ditugu. Sarrerak 7 euro.
Jesus Gutierrez historialariaren hitzaldia, Eibarko bonbardaketaren 75. urteurrenean
2012ko api. 23a, 10:05
Eibar bonbardatu zuteneko 75. urteurrena dela eta, hitzaldia emango du Jesus Gutierrez historialariak apirilaren 25ean, arratsaldeko 7etan, Portalean.
Eibarko bonbardaketaren 75. urteurreneko egitaraua, Ahotsak ere partaide
2012ko api. 16a, 14:09
Datorren apirilaren 25ean 75 urte beteko dira gudaloste frankistak Eibar bonbardatu zuenetik. Gertakizun haiek gogoan, hainbat ekitaldi antolatu dira Eibarren, eta Ahotsak.com proiekturako jasotako lekukotasunek ere bere tartea izango dute, eibartar nagusienek ondo gogoan baitute 1937ko udaberri hartan gertatutakoa.
Elgoibarko Makina Erremintaren lekukoen ahotsak jasotzeko ekimena martxan
2012ko api. 13a, 09:15
Elgoibarko Makina Erremintaren Historizaleen ekimena jarraituz, Makina Erremintaren Museoa eta Institutuaren babesarekin, eta Ahotsak.com-en laguntzarekin, Elgoibarko industriaren sortzaile eta bultzatzaile izan direnen ahotsak jasoko dituzte proiektu batean.
