Albisteak
Badihardugu Elkartearen 20. urteurrena kantuan ospatu dugu
2021ko ots. 4a, 10:14
20 urte pasatu dira Deba eskualdeko euskara bultzatzeko asmoz Badihardugu Euskara Elkartea sortu zenetik. Egoera berezi honetan urteurrena kantuan ospatzea pentsatu dugu. 2018an Abaddia Saria jaso genuenean Ainara Ortegak eskaini zigun kanta ederra abestuz bideo hauxe osatu dugu Badiharduguko kideok. Ea gustatzen zaizuen!
Hika ikastaroan izena emateko aukera, Oñatiko Jabetze Eskolan
2021ko ots. 2a, 10:19
Oñatin noka biziberritzeko dagoen beharra ikusita, Ingo Xonau! ekimenetik hika ikastaroak antolatu ditugu emakumeentzat, Jabetze Eskolan. Lehenengoa aste honetan bukatuko da. Bigarrenean izena emateko epea zabalik dago jada. Animatu!
Jon Plazaola: "Aittittaren bideari jarraituz, txiste kontalari izan naiz txikitatik"
2021ko urt. 20a, 11:48
Jon Plazaola aktore urretxuarra elkarrizketatu dugu, Gazte Gara Gazte proiekturako. Ikusi haren testigantzekin prestatu dugun bideoa! Gainera, elkarrizketako bideo-pasarte guztiak ipini ditugu sarean.
Oñatiko hitanoa biziberritzeko egitasmoa ikastetxeetara iritsi da: Ingo Xonau!
2021ko urt. 16a, 12:27
Bigarren Hezkuntzako Oñatiko hiru ikastetxeetan liburuxkak, esku-orriak eta txapak banatu dizkiete ikasleei, eta datorren astetik aurrera hika egiteko ahozko lanketak egingo dituzte, astean behin.
Kepa Errasti: "Ni euskeraz bizi naz eta euskeraz bizi dot dana"
2021ko urt. 13a, 08:49
Kepa Errasti aktore aretxabaltarrari elkarrizketa egin diogu, Gazte Gara Gazte proiekturako. Ikusi haren testigantzekin prestatu dugun bideoa! Gainera, elkarrizketako bideo-pasarte guztiak ipini ditugu sarean.
Nola hitz egiten dute gazteek? Tokian tokiko euskalkiak ezagutzeko bideoa
2021ko urt. 7a, 13:31
Ahotsak.eus proiektuaren helburuetako bat euskalkiak jasotzea da, herririk herri. Adinekoen jarduna ez ezik, baita gazteena ere. Prestatu dugun bideoan gazteak euskalkian hitz egiten agertzen dira, eta tokian tokiko berezitasunak ezagutzeko balio du.
70eko hamarkadako literaturari buruzko ikus-entzunezkoa sarean ikusgai
2020ko abe. 17a, 10:59
Ahotsak.eus proiektuan hainbat idazle eta literatur aditu elkarrizketatu ditugu, literaturaren historia ezagutzeko. Testigantza horiekin, 70eko hamarkadako literatur lanei buruzko bideoa osatu dugu, mugimendu handiko hamarkada euskal literaturan.
"Elgoibarren Aniztasuna Ikasgai" proiektuko bideoak eta ikasmateriala sarean erabilgarri, guztion eskura
2020ko abe. 1a, 09:49
Elgoibarko aniztasuna ezagutarazteko, hainbat jatorritako ikasle eta gurasoak elkarrizketatu ditugu herriko LHko bi ikastetxeetan. Testigantza horiekin bi ikus-entzunezko eta ikasgeletan erabiltzeko ikasmateriala gertatu ditugu. Sarean daude, interesa duenaren eskura!
"Eibarren Aniztasuna Ikasgai" proiektua aurkeztu dugu gaur eguerdian
2020ko aza. 25a, 17:03
"Eibarren Aniztasuna Ikasgai" proiektuaren helburua herriko aniztasuna ezagutaraztea da. Hainbat jatorritako ikasle eta gurasoak elkarrizketatu ditugu, zazpi ikastetxetan. Testigantza horiekin bi ikus-entzunezko gertatu ditugu, eta baita ikasgeletan erabiltzeko ikasmateriala ere. Sarean daude, interesa duenaren eskura!
Ahotsak.eus proiektuak Urrezko Kalabaza saria jaso du, Ahoz Aho jaialdian
2020ko aza. 19a, 09:51
Larunbatean izan zen ekitaldia, Tolosan, Euskal Narratzaileen V. Topaketan. Carles Garcia eta Iñaki Carretero narratzaileak eta Ahotsak.eus proiektua saritu zituzten, Urrezko Kalabaza banarekin.
Ahotsak.eus, Memoria Historikoaren egunarekin bat
2020ko aza. 10a, 09:58
Gerrako Ahotsak webgunea ezagutzera eta erabiltzera gonbidatzen zaitugu, Memoriaren Egunean.
"Oñatiko hika poltsikaran" liburuxka argitaratu berri dugu
2020ko aza. 3a, 16:21
Ingo Xonau! proiektuaren barruan, Oñatiko hika ikasteko oinarrizko informazioa eta aditz-taulak batzen dituen liburuxka plazaratu dugu, poltsikoan eramateko modukoa.
Hika ikastaroa emakumeentzat, azarotik aurrera, Oñatiko Jabetze Eskolan
2020ko urr. 22a, 11:03
Oñatin noka biziberritzeko dagoen beharra ikusita, Ingo Xonau! ekimenetik emakumeentzat hika ikastaroa antolatu dugu, Jabetze Eskolan. Zabalik dago izena emateko epea. Animatu!
Euskal literatura modernoaren hastapenei buruzko bideoa prestatu dugu
2020ko urr. 21a, 10:40
Zeintzuk izan ziren euskal literatura modernoko lehen lanak? Ahotsak.eus proiektuan hainbat idazle eta literatur aditu elkarrizketatu ditugu, literaturaren historia ezagutzeko. Testigantza horiekin, 60. hamarkadako literatur lanei buruzko bideoa osatu dugu.
Zer egin Oñatin noka modan jartzeko? Ezagutu herritarrek diotena!
2020ko urr. 14a, 10:27
Ingo xonau! proiektuaren asmoa Oñatiko noka biziberritzea da. Hori nola lortu daitekeen azaltzen dute elkarrizketatu ditugun hainbat herritarrek, prestatu dugun bideo honetan.
Zarauzko Lizardi institutuko ikasleek egindako transkripzioak sareratu ditugu
2020ko urr. 7a, 11:00
Zarauzko Lizardi institutuko 3. mailako ikasleek hainbat pasarte transkribatu zituzten iazko ikasturtean, erdialdeko euskara lantzeko lan modura. Guztiak www.ahotsak.eus-en daude ikusgai.
Koldo Zuazoren ibilbidea omendu dute Gasteizen eta bere lana jasotzen duen "Eibartik Zuberoara euskalkietan barrena" liburua aurkeztu da
2020ko ira. 23a, 09:45
Joan zen ostiralean, irailaren 18an, Koldo Zuazo EHUko irakaslea eta euskalkien ikertzaile sutsua omendu zuten Gasteizen haren lankide eta hurbilekoek. Ekitaldian Zuazoren omenez argitaratutako Eibartik Zuberoara euskalkietan barrena liburua aurkeztu zuten. Koldo Zuazo Badihardugu elkarteko kide eta sortzaile dugu eta gure esker ona ere adierazi nahi diogu. Zorionak Koldo!
Ahotsak.eus aurkeztu dugu Informazio eta Dokumentazio Kudeatzaileen VI. Bilkuran
2020ko uzt. 17a, 16:04
Atzo, osteguna, Informazio eta Dokumentazio Kudeatzaileen VI. Bilkura egin zen Eibarko Markeskua jauregian, Aldee Elkarteak eta Udako Euskal Unibertsitateak antolatuta. Aurtengoan Tokiko Bildumak izan dira hizpide eta Ahotsak.eus proiektuaren berri eman genuen bertan.
Oñatiko noka berreskuratzen: esperientziak biltzen dituen bideoa sarean
2020ko uzt. 8a, 10:37
Ingo xonau! proiektuaren asmoa Oñatiko noka biziberritzea da. Iaz, bide hori egin duten eta egiten ari diren hainbat emakume elkarrizketatu genituen. Orain, haien esperientziak ikus-entzunezko batean batu ditugu.
Euskalkiak: elkar ezin ulertu? Ikusi bideoa!
2020ko eka. 16a, 13:01
Euskalkiek euskara izugarri aberasten dute, baina zenbaitetan ez da erraza elkar ulertzea... Ala bai? Gazteen iritziekin osatutako bideoa daukagu sarean.
