Albisteak
Arantxa Urretabizkaia idazle eta kazetariak Anton Abbadia Saria jaso zuen atzo
2019ko abe. 3a, 16:04
Ahotsak.eus proiektua izan zen iazko sariduna, eta epaimahaian egotea egokitu zaigu aurten. Ekitaldi ederra egin zioten atzo arratsaldean Urretabizkaiari, Gipuzkoako Foru Aldundian.
15-17 urteko ikasleei Interneten euskaraz zer duten erakusten, XARE jardunaldietan
2019ko aza. 26a, 09:26
XARE egitasmoan parte hartzen ari gara, Gazte Gara Gazte proiektuarekin, euskarazko kultura digitala sustatu eta ezagutarazteko. Durangon izan zen lehen saioa. Bihar Gasteizera goaz eta abenduan Donostiara.
Leon Bilbao Arteako albokari ezagunaren bideo-pasarteak sarean
2019ko aza. 7a, 09:48
1989an IRALEko irakasle eta ikasleek Leon Bilbao albokariari egindako elkarrizketa landu eta sareratu dugu. Hala, duela 30 urte grabatutako harribitxia ikusteko eta entzuteko aukera dugu orain. Guztira 20 bideo-pasarte jarri ditugu ikusgai.
Joxepa Zumalde araoztarra joan zaigu gaur, 100 urterekin
2019ko urr. 31a, 16:39
Otsailean elkarrizketatu genuen, Ahotsak proiekturako, Oñatiko hitanoari buruzko "Ingo Xonau!" egitasmoan. Aurretik ere hainbat testigantza emandakoa da, besteak beste, gerrako kontuei buruz.
Aitziber Garmendia: "Umetan Txiribiton izan nahi nuen, gizona eta potoloa"
2019ko ira. 26a, 09:59
Aitziber Garmendia aktore zaldibitarra elkarrizketatu dugu, Gazte Gara Gazte proiekturako. Ikusi haren testigantzekin prestatu dugun bideoa!
Patziku Perurena, arbasoen bizimodua aztertzen
2019ko ira. 24a, 10:35
Bordarien sorrera eta bilakaera Leitzan eta Areson (1427-1925) izeneko ikerketa-lana kaleratu du Patziku Perurenak. Duela zenbait urte Ahotsak.eus-erako egin genion elkarrizketan ere aipatu zizkigun bordarien inguruko kontuak. Baina baita beste kontu interesgarri ugari ere.
Dylan Inglis gazte euskalduna elkarrizketatu dugu: ikusi bideoa!
2019ko ira. 13a, 17:02
Erresuma Batuko 21 urteko gazte honek primeran hitz egiten du euskaraz. Azken Korrikan parte hartu du eta uda honetan Euskarabentura espedizioko begiraleetako bat izan da. Elkarrizketa egin diogu, eta bideo bat prestatu dugu haren testigantzekin.
Degurixako azken artzaina joan zaigu: Joxe Bixente Etxabe
2019ko ira. 11a, 09:21
Gerra aurreko eta osteko hainbat kontu esan zizkigun Ahotsak.eus proiekturako elkarrizketatu genuenean. Bideo-pasarte guztiak sarean daude, ikusi nahi dituenarentzat.
Gazteen hizkuntza-praktikak hizpide EHUko ikastaroetan, Donostian
2019ko ira. 3a, 10:36
EHUk antolatutako "Gazteak eta eleaniztasuna" ikastaroan parte hartu dugu. Gazte Gara Gazte proiektua aurkeztu genuen atzo arratsaldean, Donostian.
Gorrotxategi gozogilea joan egin zaigu, baina haren testigantzak sarean daude
2019ko eka. 13a, 17:47
Joxe Mari Gorrotxategi, Tolosako gozogile ezaguna, gizon jantzia bezain xamurra. Herenegun hil zen, 90 urterekin. 2010ean elkarrizketatu genuen, Ahotsak.eus proiekturako, eta hari jasotako bideo-pasarteak gure webgunean ikus daitezke.
Ezagutu Elbira Zipitria andereñoaren ibilbidea, gaur, bere urteurrenean
2019ko mai. 28a, 10:46
Elbira Zipitriaren urtemuga da gaur. Aukera polita izan daiteke haren ibilbidea ezagutzeko. "Elbira Zipitriaren Ibilbidea" prestatu dugu eta erabilgarri dago sarean. Orain ikus-entzunezkoa gertatzen ari gara, Ahotsak.eus proiektuko testigantzekin.
Oñatiko 50 emakume baino gehiago elkarrizketatuta, Ingo Xonau! proiekturako
2019ko mai. 8a, 10:42
Otsailean jarri genuen abian Oñatiko hitanoa biziberritzeko proiektua, Ingo Xonau!, eta noka jasotzeko elkarrizketak egiten aritu gara oraintxe arte. Horiek lantzen joan, ikus-entzunezko bat gertatu, ikerketa-diagnostikoa egin... lana bide onetik doa baina hasi besterik ez da egin!
Bihar, San Markos eguna: opila jateko eguna
2019ko api. 24a, 13:02
Apirilaren 25ean, San Markos opilak jateko ohitura aspaldikoa da. Amabitxiek eta aitabitxiek besoetakoei oparitzen dizkiete. Sasoi batean etxean egiten zituzten; gaur egun erosi egiten dira. Ahotsak.eus proiektuan Garizuma eta Pazko garaiko opilei buruzko hainbat testigantza ditugu jasota.
'Gasteizko Euskararen Ahotsak': bideoak sarean eta elkarrizketa berriak
2019ko api. 4a, 10:12
2015ean hasitako proiektuari jarraipena emanez, beste 15 elkarrizketa inguru ari gara grabatzen egunotan Gasteizen. Besteak beste, Pedro Elosegi musikari eta politikaria, Irati Anda eskalatzaile eta bertsolaria edo Miel A. Elustondo idazlea elkarrizketatu ditugu. Gainera, 2015ean egindako grabazioak landu eta bideoak sareratu ditugu.
Elbira Zipitriaren Ibilbidea aurkeztuko dugu, Donostiako Emakumeen Etxean
2019ko mar. 15a, 14:26
Datorren asteazkenean, martxoak 20, Donostiako Ahots Morea proiektua aurkeztuko dugu Donostian, Emakumeen Etxean. 19:00etan izango da hitzaldi-aurkezpena, eta Elbira Zipitria andereñoari buruzko ibilbidearen berri emango dugu.
Gazteak eta migratzaileak euskarara hurbiltzeko gakoak, Euskararen Transmisioaren IX. Mintegian
2019ko mar. 13a, 10:22
Euskararen transmisioa hizpide, Eta Kitto!-ren IX. mintegian, atzo goizean Eibarren. Badihardugu elkarteko kideok ere parte hartu genuen, hezkuntzan egiten ari garen lana ezagutarazteko.
Felisa Eizagirre zarauztarrak 105 urte bete ditu
2019ko ots. 26a, 17:14
Felisa Eizagirre zarauztarrak 105 urte bete zituen otsailaren 11n. Zorionak! 23 urtetatik Irunen bizi da. Gor-haizea dauka, baina indartsu dago. 2011n elkarrizketatu genuen, eta hark kontatutakoak ikusteko aukera dago Ahotsak.eus webgunean.
Durango 1936 Elkartearen grabazioak katalogatu ditugu
2019ko ots. 11a, 09:37
2017an Durango 1936 Kultur Elkartearekin sinatu genuen hitzarmenaren harira, 56 grabazio berri katalogatu ditugu Ahotsak.eus-en. Gerra zibilean eta gerraostean bizitakoak kontatzen dituzte lekuko guztiek elkarrizketa horietan.
Jon Lopategi bertsolaria hil da, erreferente bat bertsolaritzan
2019ko ots. 8a, 10:19
Euskal Herriko zein Bizkaiko txapeldun izandako bertsolaria, frankismo sasoiko ikurretako bat izan zen. Egundoko lana egin zuen bertsolaritza eguneratzeko eta zabaltzeko, besteak beste bertso-eskolen bitartez. Ahotsak.eus proiekturako elkarrizketatu genuen, eta hark kontatutakoak sarean daude.
Migel Gallastegi hil da, inoizko pilotaririk onenetakoa
2019ko urt. 4a, 12:22
Eibarko pilotari handia joan zaigu, 100 urterekin. Ahotsak.eus proiektuan Gallastegiren hainbat bideo pasarte ikus daitezke. 100 urte bete zituenean, bideo txiki bat ere gertatu genuen Migel zoriontzeko.
