Albisteak
Zer da autobiografia? Bideo honetan adibide batzuk batu ditugu
2020ko eka. 3a, 15:20
Ahotsak.eus proiektuan kontakizun autobiografiko asko jasotzen ditugu, adinekoak zein gazteak elkarrizketatzen ditugunean. Horietako batzuekin osatu dugu bideoa, autobiografiari buruz.
Gerraosteko antzerkiari buruzko bideoa ikusgai: tradizioa vs modernotasuna
2020ko mai. 25a, 15:33
Euskarazko antzerkigintzari buruzko bideoa ikusgai dugu, Ahotsak.eus proiektuan jasotako testigantzekin osatua. 60ko hamarkadako giroa da jasotzen duena: bi belaunaldi, bi pentsakera, antzerkia ikusteko bi modu.
Zenbateraino aldatu da bertsolaritza Txirritaren garaitik hona? Ikusi bideoa!
2020ko mai. 18a, 09:33
Bertsolaritzaren garapenari buruzko bideoa ikusgai dago, Ahotsak.eus proiektuan jasotako testigantzekin. Hiru bertsolarik egindako ekarpenen berri ematen du: Txirrita, Basarri eta Xabier Amuriza.
Zeinekin egin daiteke hika? Ikusi Oñatiko testigantzekin prestatu dugun bideoa!
2020ko mai. 5a, 09:34
Ingo xonau! proiektuaren asmoa Oñatiko noka biziberritzea da. Horretarako, garrantzitsua da hika zeinekin erabil daitekeen jakitea. Bideoa prestatu dugu, Oñatin elkarrizketatutako herritarren testigantzekin.
Agur Kontxi Belandiari, Galdakaoko euskaltzale amorratuari
2020ko api. 29a, 07:00
Atzo hil zen galdakaoztar guztientzako oso maitatua izan den eta izango den "amama Kontxi", Kontxi Belandia Lekue. Herri guztietan dugu erreferentziazko pertsonaren bat, horixe izan da Galdakaon Kontxi. Guztiz ohikoa izan da Kontxi eragileekin elkarlanean ikustea, auzolanean, saltsa guztietako perrexila zen. Betiere, euskararen erabileraren sustapena helburu zuela.
Aitona-amonei jasotako zortzi ipuin, kontalarien ahotan: ikusi bideoak!
2020ko mar. 25a, 10:02
Ahotsak proiekturako elkarrizketatutako adinekoek hainbat ipuin kontatu dizkigute urteen joan-etorrian. 8 ipuin aukeratu, eta bi ipuin-kontalariri eman dizkiegu, Ameliri eta Joxe Mari Karrereri, nork bere bertsioa egin dezan. Bideo horietako batzuk ikusgai jarri ditugu Kontu eta Kanten Kantoia webgunean, berrogeialdian entretenimendua izan dezazuen!
Nola sortu ziren euskal kantagintza berria eta Ez Dok Amairu? Ikus bideoa!
2020ko mar. 23a, 11:21
60ko hamarkadan aldaketa handiak izan ziren euskal kantagintzan. Ez Dok Amairu kultur mugimendua da horren erakusle. Bilakaera horri buruzko bideoa gertatu dugu, Ahotsak.eus proiektuan jasotako testigantzekin.
Euskararen Transmisioari buruzko mintegi berezi eta jendetsua, atzo Eibarren
2020ko mar. 12a, 15:45
Eta Kitto! euskara elkarteak X. Mintegia antolatu zuen atzo Eibarren, eta 21 solaskide igo ziren oholtza gainera. Hainbat ikuspuntutatik heldu zioten euskararen erabileraren eta sozializazioaren gaiari.
Matxitxakoko itsas gudariak gogoratu dituzte, 83. urteurrenean
2020ko mar. 5a, 10:22
Duela 83 urte, 1937ko martxoaren 5ean, Canarias ontzi frankistak Euzkadiko gobernuko Bou Nabarra gerra-ontzia urperatu eta suntsitu zuen. 34 lagun hil eta 20 irten ziren bizirik. Guztiak gogoan izan zituzten ostiralean, Itsas Gudarien Egunean.
Azkoitiko Ahotsak proiektuari jarraipena emango diogu
2020ko ots. 26a, 11:37
Hamar urteren ostean, Azkoitiko Ahotsak proiektuari jarraipena emango diogu, Azkoitiko Udalaren laguntzaz. 2008-2010 bitartean 33 herritarren ahotsa jaso genuen. Orain, urtean 10 lekuko elkarrizketatzea aurreikusten da. Dagoeneko hasi gara elkarrizketa berriak egiten eta baita pasarteak sareratzen ere.
Lasarte-Oriako Ahotsak proiektua aurkeztu genuen atzo
2020ko ots. 12a, 12:19
2009. urtetik hona 23 herritar elkarrizketatu ditugu Lasarte-Orian, Ahotsak.eus proiekturako. Material guztia landuta eta sarean dago, eta parte-hartzaileei omenaldi xumea egin zitzaien atzo arratsaldean, udaletxean. Ekitaldiko aurkezpen-bideoa sarean dago ikusgai.
Oñatin Hikalaguna antolatzeko bilera, ostiralean
2020ko ots. 11a, 13:23
Hikalaguna eduki nahi? Aukera ederra daukazu orain, Oñatin. Etorri ostiraleko bilerara! Hika ikasi eta erabiltzeaz gainera, jende interesgarria ezagutzeko aukera izango duzu.
Bergarako euskararen historia soziala jasotzeko egitasmoa abian
2020ko ots. 6a, 10:16
Badihardugu elkarteko kideok 15 elkarrizketa egingo ditugu, gerraostetik 80ko hamarkada bitarte Bergaran euskalgintzan egindako lanen testigantza jasotzeko. Elkarrizketok landu, eta Ahotsak.eus proiektuan ipiniko ditugu, urte bukaerarako.
Badihardugu Elkartea Ahotsak.eus proiekturako langile bila
2020ko ots. 3a, 09:43
Badihardugu Euskara Elkartean Ahotsak.eus proiekturako langile bila gabiltza. Hizkuntzalaritza edo euskal ikasketak egin izana hobetsiko dugu eta euskalkien ezagutza aintzat hartuko da. Interesatuek otsailaren 15a arteko epea izango dute kurrikulumak bidaltzeko.
Gasteizko euskararen historia ezagutzen, Oihaneder Euskararen Etxean
2020ko urt. 31a, 09:58
Gasteizko Euskararen Ahotsak proiektua aurkeztu genuen asteazkenean. Asmoa: Gasteizko berreuskalduntze-prozesuari buruz jasotako 33 testigantzak ezagutarazi eta iritzi-trukea sustatzea. 50 bat lagun elkartu ziren, eta giro polita sortu zen.
Gasteizko Euskararen Ahotsak: aurkezpen-topaketa, urtarrilaren 29an
2020ko urt. 27a, 12:12
Etzi, asteazkenean, da hitzordua, 19:00etan Gasteizko Oihaneder etxean. Asmoa: Gasteizko berreuskalduntze-prozesuari buruz jasotako 33 testigantzak ezagutaraztea eta iritzi-trukea sustatzea.
Rufino Arrola eta `Fasio´ trikitilari bizkaitarren lekukotasunak sarean
2020ko urt. 24a, 10:15
Bizkaiko trikitiaren historian garrantzia handia izan duten bi soinulariren testigantzak sarean daude ikusgai: Rufino Arrola `Andrakako errementaria´renak eta Bonifazio Arandia `Fasio´renak. IRALEko irakasle eta ikasleek jaso zuten haien lekukotasuna laurogeigarren hamarkadan.
Oñatin zergatik joan da galtzen emakumeen hitanoa? Bideoa sarean!
2019ko abe. 16a, 10:20
Ingo Xonau! proiektua aurkeztu genuen larunbat goizean, Oñatin. Hika dakiten emakumeen argazkia atera, Lazarraga lorategian, eta ondoren ekitaldia egin genuen Santa Ana antzokian. Emanaldian erakutsitako bideoa sarean ipini dugu gaur!
Kristina Mardaras Sedrun, bertsolari txapelketetako puntuazioaz hizketan
2019ko abe. 13a, 10:27
Gipuzkoako Bertsolari Txapelketako finala jokatuko da bihar (larunbata) Donostia Arenan. Kristina Mardaras Sedrunek bertsolari txapelketetan epaileek erabiltzen duten puntuazio sistemari buruz egindako gogoeta ekarri dugu gaurkoan.
‘Ingo xonau!’ egitasmoaren aurkezpena, larunbatean: Oñatiko noka biziberritzen
2019ko abe. 12a, 10:34
11:00etan noka dakiten emakume guztien argazkia aterako dute, Lazarraga lorategian, eta ondoren ekitaldia egingo dute, 11:30etan Santa Ana antzokian: proiektuaren aurkezpena eta bideo-emanaldia. Ikusi bideo-aurrerapena!
