Albisteak
"Behin bazen Eskiula" CD berria
2010ko abe. 21a, 17:35
Eskiulako eskola publikoko ikasleek hainbat ipuin eta istorio jaso dituzte euskaraz, frantsesez, biarnesez eta portugesez. CD batean bildurik argitaratu dituzte
Helburua, belaunaldien arteko transmisioa. Xiberoko Botzaren webgunetik jaso dugu albistea
Arratiako hiztegia argitaratu dute
2010ko abe. 21a, 13:24
Durangoko azokaren bezperan aurkeztu zuten egileek, Juan Rekaldek eta Angel Larreak, Arratiako hizkera jasotzen duen liburu mardula: Arratia inguruko hiztegia – Geure Berbategie proiektua. Urteetako lana, ondo dokumentatua, aberatsa eta Arratiako azpieuskalkia ezagutzeko ezinbesteko lanabesa.
Legazpiko lekukoei eskertza
2010ko abe. 20a, 11:36
Joan zen ostiral arratsaldean ekitaldi hunkigarria egin zen Legazpin. Azken urtean 35 herritar elkarrizketatu ditugu, Burdinola Elkartearen laguntzarekin batera, eta gure eskertza adierazi genien. Gainera, bakoitzari bere grabazioaren kopia bana banatu genien.
Azpeitiko Ahotsak proiektuko lekukoak omendu ditugu
2010ko abe. 9a, 09:00
Abenduak 3a Euskararen Nazioarteko Eguna zela aprobetxatuz, ekitaldi polita izan genuen ostiral arratsaldean Azpeitian. Azpeitiko Ahotsak proiektuaren barruan orain arte egindako lanak aurkeztu eta, batez ere, parte hartzaileak omendu nahi izan genituen. Azpeitiko Udala eta Badihardugu Elkartearen arteko lankidetza-hitzarmen bati esker, 2009. urtean jarri genuen martxan proiektua eta ordutik hona 70 lekuko inguru elkarrizketatu ditugu, herriko hizkera eta memoria historikoa biltzeko. Materiala lantzen dihardugu orain eta 2011n bukatuko da proiektua, jasotakoa Ahotsak.com webgunean ikusgai egongo delarik.
Ahotsak.com Widgeta: itsatsi zure herriko edukia zure webgunean
2010ko abe. 2a, 10:21
Ahotsak.com webgunearen helburu nagusienetako bat hedapena da. Ahozko ondarea jasotzeaz arduratzen gara, baina jasotako horri ahalik eta hedapenik handiena eman nahi diogu. Horretarako garatu genuen orain dela hilabete batzuk APIa. Eta orain Widgeta ere erabili dezakezue. Ti-ta, kode-puska bat kopiatu eta zure herriko edukia zure webgunean erakutsi dezakezu. On egin!
Emaiguzu botua Buber sarietarako
2010ko aza. 19a, 15:20
Urtero bezala, aurten ere hementxe dira Buber sariak. Euskal webgunerik onenak aukeratuko dira eta horien artean egon nahi dugu. Lagunduko diguzu?
Enpresarean, enpresa euskaldunen topagunea Facebooken
2010ko aza. 10a, 11:31
Enpresarean taldea orain dela egun gutxi jaio da Facebooken. Ekimen honen helburua euskaraz lan egiten duten enpresen arteko harremanak sendotzea da eta pixkanaka-pixkanaka elkar ezagutzea. Horrela, elkarlanak edo proiektu handiagoak elkarrekin gauzatu, gastuak partekatu, esperientziak, jakintza, komuneko baliabideak, hornitzaileak edo bezeroak ezagutu. Hau da, euskara enpresa munduan suspertu eta euskarazko enpresen aktibitatea ere sustatu.
Mari Tere Gantxegi eibartarrak saria jaso du
2010ko aza. 10a, 09:23
Ahotsak.com proiekturako elkarrizketa egin genion Mari Tere Gantxegik saria jaso berri du Eibarren. Giza Balioen saria jaso du Markel Olano Aldun Nagusiaren eskutik.
Ahotsak.com SELICUP jardunaldietan
2010ko urr. 29a, 12:46
Joan zen astean jardunaldi interesgarria izan zen Mallorcan, bertako unibertsitateak (UIB) antolatuta. SELICUP jardunaldiak izan ziren, herri ondareaz eta kulturaz, eta hantxe izan ziren Ahotsak.com proiektuko kideak, entzule ez ezik, baita hitzaldia ematen. Euskal Herrian egiten ari garena nazioartean erakusten.
Azkoitiko Ahotsak - Aurkezpena eta omenaldia
2010ko urr. 28a, 10:06
Atzo iluntzean ekitaldi polita izan genuen Azkoitian. 2008. urteaz geroztik, Azkoitiko udalaren eta Badihardugu Elkartearen arteko lankidetza-hitzarmen bati esker, herriko 40 lagun inguru elkarrizketatu dira euren lekukotasuna jasotzeko. Herriko hizkera eta memoria historikoa bildu dira eta materialik gehiena sarean dago, Azkoitiko Ahotsak orrialdean. Atzo, proiektua aurkezteaz gain, eskertza eta omenaldia egin zitzaien proiektuan parte hartu duten azkoitiar guztiei eta senideei.
Ahotsak.com proiektuaren informazioa hainbat hizkuntzatan
2010ko urr. 15a, 12:08
Egunetik egunera Ahotsak.com webgunea osatzen eta berritzen dihardugu. Aste honetan beste urrats txiki bat eman dugu eta gure bilketa-programaren informazioa gaztelaniaz eta ingelesez ere irakurri daiteke. Laster baita frantsesez ere. Laburpen txiki bat, behinik behin, kanpotarrek ere informazio apur bat izan dezaten.
Arrasateko euskararen inguruko ikastaroa
2010ko urr. 7a, 09:41
Arrasateko AED elkarteak atzo jakinarazi zuenez, herriko euskara ikasteko eta hobetzeko ikastaroa antolatu dute datozen asteotarako. Era guztietako ikasle eta herritarrentzat dago pentsatuta.
Indian hizkuntza "berri" bat topatu dute
2010ko urr. 6a, 09:01
Ikertzaileek hizkuntza berri bat identifikatu dute Indiako urruneko herrialde batean. "Koro" du izena eta desagertzeko arriskuan dago.
Bildutako testigantzak hezkuntzan erabiltzeko pausoak
2010ko urr. 5a, 11:46
Ahotsak-eko elkarrizketak hezkuntzan erabiltzeko proiektu pilotoa jarri dute abian Eskoriatzan eta Aretxabaletan
"Gipuzkoa 2.0 elkarlanean" mintegia Donostian
2010ko ira. 29a, 19:22
Izenburu abstraktu samarra zuen Gipuzkoako Diputazioak gaur goizean Miramongo Teknologia Elkartegian antolatu duen mintegi-gosariak: "Euskal edukiak eremu globalean". Euskara sarean hedatzeko ahalegina egiten ari diren kultur eragile zenbait zeuden gonbidatuta, tartean gu, Ahotsak.com.
Legazpiko Artzain Eguna
2010ko abu. 30a, 09:49
Legazpiko Artzain Egunean omenduko dute Jesus Zufiria Yarza artzain oñatiarra.
3.000 grabazio Ahotsak.com-en
2010ko uzt. 13a, 09:12
Hiru mila grabazioren muga gainditu dugu egunotan. Arrasateko Kontxi Etxebarria Axpe lekukoari egindako elkarrizketa da hiru milagarrena.
Bizkaiko hainbat grabazio zahar jaso ditugu
2010ko eka. 28a, 15:25
1985eko uztailean HABEko "Alfabetatzerako Langaiak. Bizkaieratik Baturantz" liburuaren prestaketarako egindako hainbat grabazio lortu ditugu. Bizkaiko hainbat herri eta auzotan burutu ziren: Lekeition, Gernika-Lumon, Bernan eta Bernagoitin (Amorebieta-Etxano), Gatikan, Arrietan, Munitibarren, Ziortza-Bolibarren, Zeanurin, Abadiñon, Oromiñon (Iurreta), Bermeon eta Mendexan, besteak beste.
Garixak eta artuak gorde, subak eta zapuak erre!
2010ko eka. 23a, 10:14
Gauaren etorrerarekin batera, San Juan suak piztuko dira Euskal Herriko bazterretan. Ohitura zaharra dugu gurean hau; herriz herri urtetan ospatu izan da San Juan bezpera, baita San Juan eguna ere. Badauzkagu testigantzak jasota.
'Ahoa bete hots' jardunaldiak
2010ko eka. 18a, 15:12
Ahozkotasunari buruzko jardunaldiak egingo dituzte Mintzola zentroan, Villabonan, uztailaren 22an, 23an eta 24an. Prentsaurrekoa eman dute gaur goizean, nondik norakoak azaltzeko.
