Albisteak
Lehen Aberri Egunak gogoan
2015ko api. 5a, 12:03
Lehen Aberri Eguna 1932. urtean ospatu zen Bilbon. Lehen urte haietako eta osteko bizipenak jasota ditugu Ahotsak.comen.
78 urte Durango zaharra desagerrarazi zutenetik
2015ko mar. 31a, 12:23
Gaur 78 urte, 1937ko martxoaren 31n, Francoren aginduz Italiako Aviazione Legionariako hegazkinek Durango bonbardatu zuten. Armada faxistako hegazkin italiar eta alemaniarrek Bizkaiko herri hau bonbardatu zuten eta 336 hildako eragin zituztela uste da. Ahotsak.comen horren lekuko izan zirenen testigantzak ditugu.
Memoriaren Astea, Amasa-Villabonan
2015ko mar. 27a, 09:29
Gerrako kontuei buruzko webgunea eta dokumentala erakutsiko dituzte gaur Amasa-Villabonan, Aritza kultur elkartearen ekimenez. Gerrarekin lotutako liburua ere aurkeztu dute, Memoriaren Astearen barruan.
Ikasleei gerrako kontuak ezagutarazteko bideoak
2015ko ots. 26a, 11:30
Bost bideo labur prestatu ditugu, 1936ko gerrari buruzkoak, ikastetxeetan erabiltzeko. Ahotsak.eus proiektuko testigantzak erabili ditugu horretarako. Ikasgelan webgunean ikus daitezke bideoak.
Eskoriatzako Santa Ageda eta inauteriak, Interneten ikusgai
2015ko ots. 4a, 13:54
Atzo aurkeztu zituzten Zaldibar Antzokian Badiharduguk egindako bi ikus-entzunezkoak. Herritarrak oso pozik eta hunkituta, belaunaldi ezberdinetako testigantzak biltzen dituzten dokumentalekin.
Bideo emanaldia Eskoriatzako ohiturei buruz, bihar
2015ko ots. 2a, 14:00
Santa Agedari eta inauteriei buruzko ikus-entzunezkoak aurkeztuko dituzte, Badihardugu elkarteak egindakoak. 19:00etan da hitzordua, Zaldibar Antzokian.
Arrateko Gerra Zibilaren interpretazio zentroa urtarrilaren 31n zabalduko da
2015ko urt. 28a, 13:44
Gerra Zibilean, zazpi hilabetez, Eibar fronte bilakatu zen. Hiriguneak bonbardaketak eta tiroak jasan zituen, baina inguruko mendiak ere borrokaleku eta lubaki bihurtu ziren. Historia hau guztia jasotzen du Arraten larunbat honetan zabalduko den interpretazio zentroak. Erakusketaren barruan, eibartarren eta ingurukoen testigantzekin, Badihardugu Euskara Elkarteak sortutako ikus-entzunezkoa ikusteko aukera ere egongo da.
"Elorrixoko berbetia", paperean eta sarean kontsultagai
2014ko abe. 18a, 17:44
Asteartean, abenduaren 16an, Badihardugu Euskara Elkarteak prestatu duen Elorrixoko berbetia liburuaren aurkezpena egin zen Elorrioko Iturri Kultur Etxean. Egindako lana sarean ere ikusgai dago, Dijitalidadea enpresak atondu duen www.elotop.net/euskara webgunean.
Pasaiako Ahotsak proiektua aurkeztu genuen atzo
2014ko abe. 18a, 13:19
Pasaian 20 lagun elkarrizketatu ditugu, bertako euskara eta historia jasotzeko. Eta haiei guztiei eskerrak emateko ekitaldia izan zen atzokoa. Orotara Pasaiako 439 bideo pasarte ikus daitezke Interneten, eta baita aurkezpeneko bideoa ere.
Kanten Kantoia, euskal kanten webgunea
2014ko abe. 15a, 11:30
Euskal Herri osoko kantak biltzen dituen webgunea prestatu dugu: Kanten Kantoia. Ahotsak.eus proiekturako batutako altxorra Interneteko erabiltzaile guztien eskura dago jada.
"Felix Etxeberria, Parapango akuilua" biografia kaleratu dute
2014ko abe. 10a, 15:22
Ahotsak.eus-erako elkarrizketatu genuen Felix Etxeberria Parapan euskaltzaleari buruzko biografia kaleratu berri dute. Bere bizitzan zehar euskararen eta euskal kulturaren alde egindako akuilu-lana islatzen da bertan.
Atzo, Urnietako Ahotsen aurkezpena
2014ko abe. 3a, 15:34
Parte hartu duten guztiei eskerrak emateko ekitaldia izan zen. Urnietan 33 lagun elkarrizketatu ditugu, bertako euskara eta historia jasotzeko. Haien testigantzak, 666 bideo pasarte guztira, Interneten ikus daitezke, eta baita aurkezpeneko bideoa ere.
Ahotsak.EUS izango gara hemendik aurrera
2014ko abe. 3a, 10:41
Azken 6 urteotan gure izena eta marka izan dena (Ahotsak.COM), alde batera lagako dugu gaurtik aurrera. Baina baita pozik egin ere. Izan ere, hemendik aurrera, Ahotsak.EUS izango gara. Euskararen komunitatea sendotu eta zabaltzeko gogoz.
Arrasateko adizkiak liburuxka batean bildu ditugu
2014ko abe. 3a, 08:30
Deba Ibarreko aditz-taulen bildumako 12. alea kaleratu berri du Badihardugu Euskara Elkarteak: Arrasateko aditz-taulak. Durangoko Azokan egongo da salgai, Badiharduguren stand-ean.
Donostiako Ahotsak egitasmoko 138 lekukoei omenaldia San Telmon
2014ko abe. 1a, 10:40
“Euskara, etenik ez duen haria” izeneko ekitaldi ederra eskaini zien Donostiako Udalak, joan den larunbatean. Euskararen transmisioa posible egin dutelako, oztopo denen gainetik.
Mañukortaren bizipenak liburu batean bildu ditu Amurizak
2014ko aza. 27a, 08:00
Gregorio Larrañaga Mañukorta bertsolariaren bizitza jasotzen duen liburua prestatu du Xabier Amurizak. Gaur egingo dute aurkezpena Bilboko Laboral Kutxako prentsa aretoan, 11:00etan.
Francoren bisitak Donostiara
2014ko aza. 20a, 11:33
Gaur 39 urte Franco diktadorea hil zela. Donostian, Aieteko jauregian, izaten zeneko kontuak gogoratuko ditugu.
www.etxarrikoahotsak.com: Etxarri Aranazko ahozko ondarea sarean
2014ko aza. 7a, 16:28
Urria bukaeran aurkeztu zen Etxarri Aranazko ahozko ondarea jasotzen duen webgune berria, www.etxarrikoahotsak.com. Besteak beste, Euskal Herriko beste funts batzuetan bildutako ikusentzunezko materiala jaso da webgune honetan, esate baterako, Beleixe irratian, Nafarroako mediatekan, Navarchivon, eta Ahotsak.com proiektuan, Labrit Multimediarekin izandako lankidetzari esker. Horrela, urteetan zehar herrian jasotako lekukotasunak eta ahozko ondarea herritarren esku jarri da webgune bakar batean. Lekukotasunen zatirik handiena, azken 3 urteotan Labritek Etxarrin jasotako bideo-grabazioak dira, herriko hizkeraren eta ahozko ondarearen artxibo izango diren altxor zabala.
Elkarlanerako hitzarmena sinatu dugu Bedaioko Artubi Kultur Elkartearekin
2014ko aza. 3a, 09:47
Atzo, igandea, Bedaioko Artubi Kultur Elkarteak eta Badihardugu Euskara Elkarteak elkarlanareko hitzarmena sinatu genuen Bedaion bertan, urtero antolatzen duten azokan. Bedaioko ahozko ondarea jaso, gorde eta zabaltzea da, besteak beste, bi elkarteon asmoa.
Nork esan du Halloween euskal ohitura zaharra ez denik?
2014ko urr. 31a, 07:50
Azken urteotan gero eta ezagunagoa bihurtu da Halloween jaia gure artean. Ameriketatik "inposatzen" ari diren ospakizuna ere badela entzun izan dugu maiz, guztiok sinetsi arte. Baina kontrakoa dirudien arren, Arimen Gaua ospatzeko ohitura ondo errotutako tradizioa da Euskal Herrian, eta oinarri-oinarrian, film amerikarretan ikusten ditugun irudietatik ez oso urruti. Izen ezberdina, baina ospakizun berbera. Halaxe kontatu digute Ahotsak.com-eko hainbat lekukok!
