Francoren bisitak Donostiara
2014ko aza. 20a, 11:33
Gaur 39 urte Franco diktadorea hil zela. Donostian, Aieteko jauregian, izaten zeneko kontuak gogoratuko ditugu.
Francisco Franco hil zela 39 urte bete dira gaur. Luzaro iraun zuen diktadurak. Franco 1939tik 1975era izan zen Espainiako estatuburu. Asko hitz egin daiteke Frankismo garaiko errepresio neurriez. Guk gaur Francok Donostian egiten zituen egonaldiak gogoratuko ditugu. Hiriko bizimodua nola aldatzen zen, udan Aieteko jauregira joaten zenean.
Hilabete egiten zuen Francok Donostian, batzuetan baita hilabete eta erdi ere. Ahotsak.com proiekturako jasotako testigantzetan, askok aipatzen dituzte Francoren bisitak. Jokin Muxika donostiarrak, esaterako, orduko giroa nolakoa zen azaltzen du: nola jakiten zuten Franco etorria zela eta zer gertatzen zen orduan.
Patxi Mugerzaren aita zen Franco zetorren aldiro kartzelara eramaten zutenetako bat, eta, horregatik, udan Donostiatik alde egiten zuten:
Donostiako ospakizunetan parte hartzen zuen Francok, estropadetan eta Salbean esaterako:
Franco Donostian zenean, bitxi-dendak itxi egiten ei zituzten. Zergatia azaltzen du Ramon Gerrak:
Ikastetxeetan ez ezik, Donostiako tabernetan ere Francoren argazkia jarri behar izan zuten. Jokin Muxikaren familiak taberna zuen Parte Zaharrean:
Argazkia: Franco 1962ko estropadetan (Paco Marin, www.guregipuzkoa.net)
Iruzkindu
Erantzuna emateko, sartu ahotsak.eus-eko komunitatera.
