Albisteak
Lekarozko institutuko ikasleen grabazioak Ahotsaken
2017ko mar. 20a, 09:48
Lekarozko institutuko "Euskalkiak eta kantagintza" ikasgaiko ikasleek Maitane Maritorena irakaslearen gidaritzapean hainbat grabazio egin dituzte Baztanen eta inguruetan. Ahotsak-en katalogatu ditugu guztiak.
Piarres Xarriton joan zaigu
2017ko mar. 17a, 13:03
Hazparneko idazle, politikari eta euskaltzaina zendu da, 95 urterekin. Ahotsak.eus proiekturako elkarrizketatu genuen, 2010ean.
Zaraitzuko euskararen webgunea
2017ko mar. 14a, 10:34
Zaraitzuko euskararen nondik norakoak ezagutu nahi dituenarentzat, 'Zaraitzuko euskara' bloga.
Testigantza interesgarriak, emakumeen garai bateko bizimoduari buruz
2017ko mar. 8a, 09:10
Egun aproposa da lehen emakumeak nola bizi ziren ezagutzeko. Adinekoek kontatu dizkiguten pasarteekin prestatutako bideoak ikustera gonbidatzen zaitugu!
"Zumaia eleaniztuna" dokumentala, sarean ikusgai
2017ko mar. 2a, 09:32
Atzo aurkeztu genuen dokumentala, Zumaiako Alondegian. Herritar ugari hurbildu zen hitzaldi-emanaldira, eta proiektuak oso harrera beroa izan zuen.
"Zumaia eleaniztuna" dokumentalaren aurkezpena, asteazkenean
2017ko ots. 27a, 11:17
Etzi, martxoaren 1ean, hitzaldi-aurkezpena egingo dugu Zumaiako Alondegian, 101 L proiektuari eta Zumaiako hizkuntzei buruz, eta "Zumaia eleaniztuna" dokumental laburra ikusteko aukera izango da. Zatoz!
Ahotsak eta EKEren arteko hitzarmena, ahozko ondarearen inguruko elkarlana bideratzeko
2017ko ots. 21a, 08:54
Joan zen ostiralean, otsailaren 17an, Uztaritzen izan ginen Ahotsak-eko kideok Euskal Kultur Erakundeak bertan duen egoitzan. Bi taldeok ahozko ondarea jaso, zaindu eta hedatzeari dagokionean antzeko helburuak ditugula ikusirik, elkarlana bideratzeko hitzarmena sinatu genuen.
Kandelario Eguna
2017ko ots. 2a, 09:17
Otsailaren 2a Kandelario Eguna da, hainbat errito edo usadioren eguna. Batez ere kandelak bedeinkatu izan dira larrialdi egoeretan txar guztiak aldendu asmoz.
Musikari gazteak elkarrizketatuta, "Gazte Gara Gazte" proiektuan
2017ko urt. 26a, 10:55
Unaik bateria jotzen du. Zuhaitzek Vanpopel taldea sortu zuen. Elizagoien ahizpek erromeriak alaitzen dituzte. Imanolek literatura eta rap-a nahasten ditu. Josu eta Ekhi Emepebost taldeko kideak dira. "Gazte Gara Gazte" proiektuan estilo ezberdineko hainbat musikari elkarrizketatu ditugu. Mundu horretan nola abiatu ziren eta gaur egun nondik nora dabiltzan kontatzen digute gazteek bideo honetan.
Letra karaktereen banaketa euskarazko ahozko corpus batean
2017ko urt. 25a, 10:08
Zeintzuk dira euskaraz gehien erabiltzen ditugun letra edo hizkiak? Zein da euskaldunok maiztasun handienarekin darabilgun kontsonantea? Ahotsaken bildu dugun ahozko corpusa aztertu dugu (2 milioi hitz) eta hemen dituzue datu guztiak. Laburbilduz: A da letrarik ugariena (totalaren %16,53); N kontsonanterik usuena (%8,53); eta F gutxien darabilguna (%0,21).
Angulak, haragia baino merkeago!
2017ko urt. 19a, 10:36
San Sebastian bezpera heldu zaigu eta honekin batera donostiarrek hain maitea duten danborrada. Ohiturari jarraituz, taldekideak afaltzeko elkartuko dira eta batzuek angulak dastatzeko aukera izango dute. Ba al zenekien garai batean merke-merkeak zirela eta noiznahi jaten zirela?
Teknologia berriak, "Gazte Gara Gazte" proiektuan
2017ko urt. 16a, 10:00
Nolakoak dira gazteen arteko "harreman teknologikoak"? Zein aplikazio erabiltzen dituzte gehien? Gazte Gara Gazte proiektuko webgunean, gazteen interesekoak izan daitezkeen gaiak harturik prestatu ditugun hainbat ikus-entzunezko aurki daitezke. Tartean, teknologia berriei buruzko hauxe.
Parada baserria, Polentinoseko dukeak ateratako argazkien artean
2017ko urt. 11a, 10:48
Aurelio de Colmenares y Orgaz (Madril, 1873-1947), Polentinoseko dukea, argazkilaria ere bazen. Euskal Herriko hainbat txoko erretratatu zituen. Garai bateko Altzako 33 toki identifikatu dituzte Altzako Historia Mintegiko lagunek.
Agur Bitoriano Loiola "Ospas" trikitilariari
2017ko urt. 2a, 10:15
2016arekin batera agur esan digu Bitoriano Loiola Ospas soinujoleak. Gaztetan ikasi zuen soinua jotzen, bere kontura, eta bizitza osoa pasa du bazterrak alaitzen. Soinu hots artean agurtu zuten familiakoek eta lagunek, abenduaren 30ean.
101 L proiektuaren webgunea prest!
2016ko abe. 19a, 17:47
Euskal Herriko aniztasuna jaso eta ezagutarazten ari gara. 97 hizkuntza jaso ditugu, 160 pertsona baino gehiago elkarrizketatuta. Jasotako testigantzak 101l.ahotsak.eus webgunean jarri ditugu.
Europako hizkuntza aniztasunaren foroa, Donostian
2016ko abe. 16a, 15:57
Europako hizkuntza gutxituak aztergai, atzo eta gaur Donostiako Kursaalean. Hainbat adituren esperientziak eta iritziak ezagutzeko aukera ari gara izaten.
Ean eta Mutrikun elkarrizketatutako lekukoei omenaldia asteburuan
2016ko abe. 5a, 09:55
Euskararen Egunaren bueltan, bi aurkezpen-omenaldi izan ditugu asteburuan: ostiralean Mutrikun elkarrizketatutako lekukoak omendu ziren eta larunbatean, berriz, Eako Ahotsak proiekturako elkarrizketatuak. Guztira 47 lekukok jaso dute omenaldia.
Gaurtik abenduaren 6ra Durangoko Azokan
2016ko abe. 2a, 08:39
Gaur zabalduko ditu ateak 51. Durangoko Azokak eta bertan izango gara aurten ere. Badihardugu Elkartea-Ahotsak.eus stand-ean euskararen inguruko Euskal Herri osoko argitalpenak aurkituko dituzu. Animatu eta zatoz!
"Hizkuntzak Biziberritzeko Estrategiak" aditu tituluan, Ahotsak proiektua aurkezten
2016ko aza. 18a, 10:03
Aste honetan Eskoriatzan egon gara, HUHEZIren fakultatean, Garabidek antolatzen duen Hizkuntzak Biziberritzeko Estrategiak aditu tituluan parte hartzen duten ikasleei gure egitasmoa erakusten, Euskal Herriko Ahotsak proiektua, hain zuzen ere. Guretzat plazer bat izan zen bertan izatea eta hainbat herrialdetatik etorritako ordezkarien iritziak jasotzea.
Agur Imanol Urbieta haur-kanten sortzaileari
2016ko ira. 30a, 09:07
Herenegun hil zen Imanol Urbieta musikari, pedagogo eta sortzaile zarauztarra, 83 urte zituela. Zarauzko Salbatore Mitxelena ikastolako lehenengotariko irakaslea izan zen. Ran Rober Ran, MacMikel, Txoria nintzela... Dozenaka haur-kanta sortu zituen, 40 urtetik gorako ibilbidean. Ahotsak.eus-en 2008an egindako elkarrizketaren zatiak aurki daitezke.
