Albisteak

Basauriko "azken euskaldunen" testigantzak sareratu ditugu

urt. 25, 2016, 10:05 a.m.

Basauriko euskararen transmisioa etenda ikusi zuenean, Basauriko "azken euskaldunen" berbak jasotzen jardun zuen Jon Arretxek 1990eko hamarkadaren hasieran. "Basauriko euskara" azterlana eta "Basauriko azken euskaldunak" ikus-entzunezkoa izan ziren bilketaren emaitzak. Orduko grabazioak Ahotsak-en katalogatu ditugu. Arretxek "Azken euskaldunak" aipatzen zituenean, Basauriko hizkera erabiltzen zuten azken lekukotasunez ari zen, jakina; harrezkero jaio da (eta jaioko da) euskaldunik Basaurin!

Gehiago irakurri...

 

Urretxuko Lekaio Elkartearen grabazioak Ahotsak-en

urt. 7, 2016, 6:24 p.m.

Urretxuko Lekaio Kultur Elkarteak 2008tik 2014ra bitartean egindako hainbat grabazio katalogatu ditugu Ahotsak.eus-en. Katalogatutako hizlari gehienak Urretxukoak dira, baina badira Zumarragako lekukoak ere. Guztiek antzinako bizimodua eta ohitura zaharrak dituzte hizpide.

Gehiago irakurri...

 

Nafarroa Behereko grabazio berriak katalogatu ditugu

abe. 16, 2015, 10:01 a.m.

Alex Artzelus filologo gazteak 2014 bukaeran eta 2015ean zehar Nafarroa Beherean egindako hainbat grabazio berri txertatu ditugu Ahotsak.eus-en. Grabazio hauekin, gainera, herri berriak gehitu ditugu, besteak beste, Gamarte, Ahatsa-Altzieta-Bazkazane, Burgue-Erreiti eta Behaskane-Laphizketa.

Gehiago irakurri...

 

"OƱatiko euskeria" eta "Elorrixoko berbetia" lanak Durangoko azokan

abe. 4, 2015, 10:13 a.m.

Ateak ireki berri dituen Durangoko Azokan izango gara aurten ere. Ahotsak.eus-Badihardugu Elkartea stand-ean euskararen inguruko Euskal Herri osoko argitalpenak aurkituko dituzu. Animatu eta zatoz!

Gehiago irakurri...

 

Errenteriako Ahotsak: aurkezpena eta omenaldia

abe. 2, 2015, 6:06 p.m.

Atzo iluntzean ekitaldi polita izan genuen Errenterian. Adineko 40 herritar baino gehiago elkarrizketatu genituen herrian, eta jada material gehiena landuta eta sarera igota dago, Errenteriako Ahotsak orrialdean. Atzo, proiektua aurkezteaz gain, eskertza eta omenaldia egin zitzaien proiektuan parte hartu duten guztiei.

Gehiago irakurri...

 

Euskal Herriko Ahotsak, muga berrien bila: 300 herri eta 100.000 pasarte

aza. 27, 2015, 10:31 a.m.

Dena ez da kopuru eta zenbaki, baina urteetako lana fruituak ematen ari dela ikusteak poztu egiten gaitu. Aste honetan bertan, adibidez, zenbait marka sinboliko gainditu ditugu Ahotsak-en. Esate baterako, 100.000. pasartea katalogatu dugu; 300. herria gehitu dugu datu-basean; 30.000. bideoa sareratu dugu. Guztia ere hainbat lagun eta herritarren lankidetzari esker eta helburu bakar batekin: Euskal Herriko hizkerak eta ahozko ondarea guztion esku jartzea. Eskerrik asko eta zorionak!

Gehiago irakurri...

 

Maixus Rekalde, tratamentu medikoa euskaraz jasotzeko eskubideaz, "Gogoan izan" dokumentalean

aza. 11, 2015, 5:52 p.m.

Maixus Rekaldek Alzheimerren gaitzari aurre egiteko tratamendua euskaraz jasotzeko eskubidearen alde nola egiten duen jaso dute Gogoan izan dokumentalean. Hizkuntza Eskubideen Behatokiak egin du. 2011. urtean elkarrizketatu genuen Maixus bere 5 ahizparekin batera, Euskal Herriko Ahotsak proiekturako.

Gehiago irakurri...

 

Irrati tailerra Donostian, adinekoen testigantzetan oinarrituta

aza. 3, 2015, 10:29 a.m.

12-15 urte bitarteko gaztetxoek irratigintzan jarduteko eta irudimena lantzeko aukera izango dute, Donostiako Casares Irratian, azaroko hiru asteburutan. Donostiako adinekoen testigantzak izango dira tailerraren oinarria. 

Gehiago irakurri...

 

Agur Amale Arzelusi

urr. 1, 2015, 4:40 p.m.

Amale Arzelus euskaltzalea herenegun hil zen, Donostian, 91 urterekin. Umetan irrati esataria eta antzezlea izan zen, eta gero andereño isilpeko ikastoletan. 

Gehiago irakurri...

 

Ahotsak.eus proiektuak ikus-entzunezkoen ediziorako teknikaria behar du

ira. 23, 2015, 3:03 p.m.

Esperientzia izatea ezinbestekoa da. Ikus-entzunezkoen arloko ikasketak egin izana hobetsiko da.  Lanaldia urrian hasiko litzateke.

Gehiago irakurri...

 

101 L proiektuak Donostia-2016ko diru laguntza jaso du

ira. 18, 2015, 9:20 a.m.

Donostiako hizkuntzak jasotzen jarraitu ahal izango dugu, Donostia2016-ko Energia Olatuak programari esker. Donostiako (eta Euskal Herriko) aniztasuna ezagutu eta ezagutarazteko. Proiektuan zehar landu nahi diren gaiak ondorengoak dira: eleaniztasuna, kultur aniztasuna, inmigrazioa, eta elkartasuna.

Gehiago irakurri...

 

Bergarako Ipintza institutuko ikasleen transkripzioak sareratu ditugu

ira. 10, 2015, 8:21 a.m.

Bergarako Ipintza institutuko ikasleek Bergarako eta Antzuolako hainbat pasarte transkribatu zituzten iazko ikasturtean, Mendebaldeko euskara lantzeko. Guztiak www.ahotsak.eus-en daude ikusgai.

Gehiago irakurri...

 

Euskal hizkerak eta dialektoak gaur egun (EHUko Uda Ikastaroak)

uzt. 1, 2015, 10:59 a.m.

Joan zen astean euskalkien inguruko mintegia izan zen Donostian, EHUk urtero antolatzen dituen Udako Ikastaroen baitan. Euskal hizkeren eta dialektoen inguruko ikerketak zertan diren aipatu zen. Hizlarien artean gu ere izan ginen, Asier Sarasuaren eskutik, "Euskal Herriko Ahotsak" proiektu hau aurkezten.

Gehiago irakurri...

 

Abian da Gasteizko Ahotsak egitasmoa

eka. 26, 2015, 9:49 a.m.

Crowdfoundingaren bidez finantziazioa lortuta, 13 elkarrizketa egin ditugu Gasteizen. Jasotako testigantzekin, ikus-entzunezkoa prestatzea da hurrengo pausoa. 

Gehiago irakurri...

 

19 hizkuntza jaso ditugu, egun bakarrean, Donostian

eka. 15, 2015, 8:41 a.m.

Maiatzaren 30ean hasi ginen Donostiako hizkuntzak jasotzen, Olatu Talkan. Arrakastaz abiatu zen 101 L proiektua. Jende mordoa hurbildu zen Bulebarrean jarri genuen karpara, testigantza ematera. 

Gehiago irakurri...

 

Agurra Emile Larre euskaltzainari

eka. 3, 2015, 5:45 p.m.

Larunbatean zendu zen, Kanbon. Eta atzo azken agurra eman zioten bere jaioterrian, Baigorrin. Larre euskaltzain eta idazlea 2010ean elkarrizketatu genuen, eta hark esandakoak entzungai daude Ahotsak.eus webgunean. 

Gehiago irakurri...

 

Ahotsak-eko testigantza bat, ETB2ko "Todos los apellidos vascos" saioan

eka. 2, 2015, 4:45 p.m.

Iñaki Gabilondo kazetariari buruzko saioan Begoña Gabilondo azkoitiarraren testigantza agertzen da, Ahotsak proiekturako jasoa. Bart eman dute Euskal Telebistan.

Gehiago irakurri...

 

Hernaniko institutuko ikasleek hainbat pasarte transkribatu dituzte

eka. 1, 2015, 9 a.m.

Hernaniko institutuko 2. Batxilergoko ikasleek, euskalkiak lantzeko lan modura, hainbat pasarte transkribatu dituzte. Nafarroako eskualde ezberdinetako grabazioak izan dira landutakoak. Dagoeneko sarean daude ikusgai gehienak.

Gehiago irakurri...

 

Donostiako 101 hizkuntzak jasoko ditugu, Olatu Talkan

mai. 29, 2015, 1:46 p.m.

Bihar Donostiako bulebarrean egongo gara, elkarrizketak egiten, Badihardugu, Afrik Euskadi eta Nasledie elkarteak. Ahalik eta hizkuntza gehien jasotzea da gure asmoa, eta Donostiako aniztasuna ezagutaraztea. Eman lekukotasuna zeuk ere!

Gehiago irakurri...

 

Euskararen transmisioa hizketagai, bosgarren urtez

mai. 26, 2015, 5 p.m.

Eta Kitto euskara elkarteak mintegia antolatu du euskararen transmisioari buruz gogoeta egiteko. Atzo izan zen, urtero legez, Eibarko Portalean. Hainbat alorretako adituek hitzaldiak eman zituzten, eta Gaizka Garitano futbol entrenatzaileak bere esperientzia kontatu zuen.

Gehiago irakurri...

 

Emaitzak: 512 | Orriak: 1 2 3 4 5 6 7 8 9 ... 25 26

Gipuzkoako aldundia Kutxa Eusko Jaularitza Bizkaiko aldundia