Albisteak

Euskal Herriko historiaurreko aurkikuntza nagusiak, bideo batean

mai. 25, 2016, 12:52 p.m.

Berriatuan aurkikuntza garrantzitsua egin dutela jakin genuen atzo: Atxurra kobazuloan animalien 70 grabatu baino gehiago aurkitu dituztela, duela 14.000 urte ingurukoak. Orain arteko aurkikuntza garrantzitsuenak ezagutu nahi dituenari Jesus Altuna arkeologoaren bideoa ikustea gomendatzen diogu. Ahotsak-en elkarrizketatu genuen, eta baita bideo bat prestatu ere, sei minutukoa, ikastetxeetan erabiltzeko.

Gehiago irakurri...

 

Donostian hitz egiten diren 46 hizkuntza jaso ditugu dagoeneko

mai. 23, 2016, 10:11 a.m.

Donostian hitz egiten diren hizkuntzak jasotzen egon ginen larunbatean, Katalunia plazan, Olatu Talkaren barruan. Jende asko gerturatu zen karpara, eta 15 elkarrizketa berri egin genituen 101 L proiekturako.

Gehiago irakurri...

 

Donostiako 101 hizkuntzak jasoko ditugu, larunbat honetan

mai. 19, 2016, 9:34 a.m.

Etzi Donostiako Katalunia plazan egongo gara, elkarrizketak egiten, Olatu Talkan. Ahalik eta hizkuntza gehien jasotzea da gure asmoa, eta Donostiako aniztasuna ezagutaraztea. Eman lekukotasuna zeuk ere!

Gehiago irakurri...

 

"Gipuzkoa anitz" dokumental laburra sarean ikusgai

mai. 16, 2016, 11:36 a.m.

Gipuzkoako aniztasuna erakusten duen ikus-entzunezkoa prestatu du Badihardugu elkarteak, jatorri desberdineko bederatzi lagunen testigantzekin. 15 minutuko iraupena du.

Gehiago irakurri...

 

Euskadi Irratiko 'Faktoria' saioan, GazteGara proiektuaz berbetan

mai. 12, 2016, 11:36 a.m.

Aste honetan Euskadi Irratian izan gara, Faktoria saioan. Aintzane Agirrebeña gure lankidea egon da bertan, Gazte Gara Gazte proiektuaz berbetan, eta proiektuan batzen ari garen hiztegiaren inguruko xehetasunak ematen. Mezularia saioan eta Euskadi Gaztean ere aipatu dute gaia. Hemen dituzue audioak entzungai.

Gehiago irakurri...

 

Hondarribian, 1.000 bideo pasarte ikusgai

mai. 11, 2016, 4:16 p.m.

Hondarribiko lekukoen 1.043 bideo pasarte ikus daitezke ahotsak.eus webgunean. Adineko 50 lagunek beraien bizimoduari buruz kontatutako pasarteak, hainbat gairi buruzkoak. 

Gehiago irakurri...

 

Euskararen transmisioa jomugan, seigarrenez

mai. 4, 2016, 5:52 p.m.

Eibarko Portalean izan zen Mintegia, atzo, eta hizketagaia urterokoa: euskararen transmisioa. Nola eragin euskararen erabileran? Erantzun nekeza duen galdera horri erantzun nahian aritu ziren bertaratutakoak.

Gehiago irakurri...

 

Gernikako bonbardaketa: 79 urteren ostean oraindik lekukoen gogo eta ahotsean

api. 26, 2016, 8:32 a.m.

1937ko apirilaren 26an Gernika-Lumoko hiribildua bonbardatu zuen Alemaniako Condor legioak Francoren aginduz. Herria suntsitu eta herritarren artean samina eta ezinegona sortu ostean, gutxi batzuek baino ez zuten lortu herrian bertan bizimodu berria egitea. Une latz haiek bizi izan zituztenen lekukotasunak jasotzeko aukera izan dugu Ahotsak.eus-en. Zoritxarrez, azken urte hauetan jasotako ahots horietako asko eta asko jadanik ez daude gure artean, baina urteotan egindako lanari esker beraien ahotsek bizirik diraute bonbardaketaren 79. urteurrenean.

Gehiago irakurri...

 

Zelan masturbatzen gara euskaldunok?

api. 18, 2016, 4:40 p.m.

Xabier Mendigurenek bota zuen galdera joan zen astean: ea zelan esaten diogun euskaldunok emakumeen masturbazioari. Kaixomaitia blogean ere atera zuten gaia, eta Twitterren agertu ziren zenbait forma (besteak beste, Xabier Mendigurenek berak proposatutako "tinbrea jo". Guk ere baditugu beste batzuk bilduta Gazte Gara Gazte proiektuko hiztegian, besteak beste, panderoa jo, txipiroia garbitu edo sagua klikatu. Eta zuk, nola esaten duzu?

Gehiago irakurri...

 

IRALEren Bizkaiera Bildumako grabazioak katalogatzen ari gara

api. 14, 2016, 3:42 p.m.

2014an hasi ginen IRALEren Bizkaiera Bildumako grabazioak katalogatzen. 1983tik 1993ra bitartean mendebaldeko euskararen hainbat hiztuni hartutako ahozko lekukotasunek osatzen dute bilduma handi hau. Pixkanaka ari gara grabazioak jasotzen eta datuak Ahotsak.eus-en txertatzen. Oraingoan, bi herri berritako informazioa gehitu dugu, gainera: Plentzia eta Gamiz-Fika.

Gehiago irakurri...

 

Gasteizko euskararen ahotsak: dokumentala sarean

api. 8, 2016, 9:47 a.m.

Gasteizko Ahotsak proiektua aurkeztu dugu, Oihaneder euskararen etxean. Gasteizko euskararen historia eta bizipenak jasotzen dituen dokumentala ere bai. Gaurtik aurrera ikus-entzunezkoa Interneten ere ikusgai duzue. 

Gehiago irakurri...

 

Gasteizko Ahotsak proiektuaren aurkezpena, etzi

api. 4, 2016, 11:11 a.m.

Crowdfoundingaren bidez finantziazioa lortuta, 13 elkarrizketa egin ditugu Gasteizen, euskarak sortzen dituen sentipenak jasotzeko. Eta testigantza horiekin ikus-entzunezko bat prestatu dugu. Oihaneder Euskararen Etxean aurkeztuko dugu etzi, apirilaren 6an. Zatoz proiektua ezagutzera!

Gehiago irakurri...

 

Zatoz Gasteizko Ahotsak egitasmoa ezagutzera, apirilaren 6an

mar. 21, 2016, 10:13 a.m.

Crowdfoundingaren bidez finantziazioa lortuta, 13 elkarrizketa egin ditugu Gasteizen, euskarak sortzen dituen sentipenak jasotzeko. Eta testigantza horiekin ikus-entzunezko bat prestatu dugu. Oihaneder Euskararen Etxean aurkeztuko dugu, apirilaren 6an. Zatoz proiektua ezagutzera!

Gehiago irakurri...

 

Gazte Gara Gazte: gazteak, aisialdia eta euskara lotzen dituen proiektua

mar. 10, 2016, 10:14 a.m.

Badihardugu Elkarteak urteak daramatza adineko lekukoen bizipenak jaso eta www.ahotsak.eus webgunearen bidez hedatzen. Orain, gazteek ere badute euren lekua. Gazteak, aisialdia eta euskara lotzen dituen proiektua jarri dugu abian: Gazte Gara Gazte. Euskal Herri osoko gazteak elkarrizketatu ditugu, euren aisialdiaren berri jasotzeko. Euren testigantzak eta gaika sortutako hainbat ikus-entzunezko aurki daitezke webgunean. Irain, birao eta bestelako esamoldeekin osatutako gazte hiztegia ere martxan da!

Gehiago irakurri...

 

"Eskutitzak" antzezlanaren aurkezpena eta mahaingurua ostegunean Azkoitian

ots. 29, 2016, eguerdia

Larunbatean, martxoaren 5ean, Eliasek eta Arandiak zuzendutako Eskutitzak antzezlana taularatuko dute Azkoitian. Lana girotzeko, 1936 urteari eta transmisioari buruzko mahaingurua egingo da ostegunean; garai horretan kokatzeko, Ahotsak proiekturako herrian jasotako hainbat testigantza ikusiko dira ekitaldian.

Gehiago irakurri...

 

Rekording proiektua aurkeztu da gaur, Donostiako lekuekin lotutako soinu-ibilbidea

ots. 26, 2016, 5:30 p.m.

Webgunea eta audio-gida dira proiektuaren emaitzak. Eskuko telefonoan aplikazioa jaitsita, Donostiako hainbat lekutan testigantzak eta fikziozko lanak entzuteko aukera dago. Ahotsak.eus webguneko grabazioak dira memoriarekin lotutako soinu-ibilbide horren abiapuntua.

Gehiago irakurri...

 

Nesken parte-hartzea Eskoriatzako Santa Ageda festan

ots. 4, 2016, 11:19 a.m.

Iritsi da Santa Ageda bezpera. Eskoriatzan neska-mutilak irtengo dira kantu-eskean eta dantzan. Lehen mutilek bakarrik hartzen zuten parte. Orain, guztiek. Bilakaera hori nola gertatu den erakusten duen bideo laburra prestatu dugu.

Gehiago irakurri...

 

5.000 lekuko, Ahotsak.eus webgunean. Eskerrik asko guztioi!

urt. 27, 2016, 9:13 a.m.

Kopuru borobila lortu dugu aste honetan: 5.000 hiztun. Euskal Herriko 5.000 pertsonaren grabazioak daude une honetan Ahotsak.eus webgunean.

Gehiago irakurri...

 

Basauriko "azken euskaldunen" testigantzak sareratu ditugu

urt. 25, 2016, 10:05 a.m.

Basauriko euskararen transmisioa etenda ikusi zuenean, Basauriko "azken euskaldunen" berbak jasotzen jardun zuen Jon Arretxek 1990eko hamarkadaren hasieran. "Basauriko euskara" azterlana eta "Basauriko azken euskaldunak" ikus-entzunezkoa izan ziren bilketaren emaitzak. Orduko grabazioak Ahotsak-en katalogatu ditugu. Arretxek "Azken euskaldunak" aipatzen zituenean, Basauriko hizkera erabiltzen zuten azken lekukotasunez ari zen, jakina; harrezkero jaio da (eta jaioko da) euskaldunik Basaurin!

Gehiago irakurri...

 

Urretxuko Lekaio Elkartearen grabazioak Ahotsak-en

urt. 7, 2016, 6:24 p.m.

Urretxuko Lekaio Kultur Elkarteak 2008tik 2014ra bitartean egindako hainbat grabazio katalogatu ditugu Ahotsak.eus-en. Katalogatutako hizlari gehienak Urretxukoak dira, baina badira Zumarragako lekukoak ere. Guztiek antzinako bizimodua eta ohitura zaharrak dituzte hizpide.

Gehiago irakurri...

 

Emaitzak: 510 | Orriak: 1 2 3 4 5 6 7 8 ... 25 26

Gipuzkoako aldundia Kutxa Eusko Jaularitza Bizkaiko aldundia