Esteribar

Nafarroako iparraldean dagoen udalerria da, Mendebaldeko Pirinioetakoa. Agorreta, Antxoritz, Akerreta, Arleta, Errea, Ezkirotz, Eugi, Gendulain, Idoi, Ilarratz, Ilurdotz, Inbuluzketa, Iragi, Irotz, Irure, Larrasoaña, Leranotz, Olloki, Osteritz, Saigots, Sarasibar, Setoain, Urdaitz, Urtasun, Usetxi, Zabaldika, Zubiri (herriburu administratiboa) eta Zuriain herriek osatzen dute. Iparraldean Erregerena, Legua eta Kintoa mendiak ditu mugakide; ekialdean, Erroibar; hegoaldean, Lizoainibar, Eguesibar eta Uharte; eta, mendebaldean, Ezkabarte, Olaibar eta Anue ibarrak. Gaur egun herritarren ia %20 da euskalduna. Hala ere, ez da denboran oso urrutira joan behar berezko hizkera osoki zabalduta zegoen egoera aurkitzeko. Esteribarrera euskararen euskalkia den Hegoaldeko Goi Nafarreraren aldaera bat da eta bereziki ibarraren iparraldean gorde da bizirik, esaterako Eugin eta Iragin. Nahiz eta desagertzeko zorian izan euskara ibarreko kaleetan entzuten da berriz. Belaunaldi berriak hizkuntzaren berreskuratze prozesuan aiton-amonei erreleboa hartu diete.

  • Hizlariak: 10
  • Zintak: 10
  • Pasarteak: 30
  • Transkribatutakoak: 11
  • Audioak: 17
  • Bideoak: 13

Gipuzkoako aldundia Kutxa Eusko Jaularitza Bizkaiko aldundia