Arabako euskara

Fondo honetan biltzen dira Ignacio Carrera Garmendia eta Imanol García Uriarte filologoek 2000 eta 2008. urte bitartean Arabako Legutio aldean egindako grabazioak (Legutio, Elosu, Ollerieta, Nafarrate, Urrunaga), baita Oletan (Aramaio udalerria) eta Zigoitiko zenbait baserritan egindakoak ere. Legutio aldeko grabazioetako batzuk 2005ean argitaratutako Legutiano aldeko euskara liburuan agertu ziren. Liburu horretan bertako hainbat euskaldunek emandako ahozko kontakizunen bidez, alor ezberdinetako informazioa azaltzen da (festak, sinesmenak, nekazaritza, gerra garaia, abereak eta landareak…) bi CD-tan. Grabazioen transkripzioak oharrez horniturik daude ulermena errazteko asmoz (aditza, lexikoa, toponimia…).

Halaber, fondo honek jasotzen ditu Xabier Barrutieta irakasleak 1984. urtean Urrunagan egindako grabazioak eta Xabier Aranburu euskara irakasleak 2010ean Maria Jesus Lopez de Bergara legutiarrari egindako bideoa.

Arabako euskararen informazioa osatze aldera, aipatu grabazioekin batera, Federico Barrenengoa Arberas jaunak 70. hamarkadan Aiarako Baranbio herrian eskuratutako testigantzak ere topa daitezke.

Arabako ahozko ondare gehiago ezagutu nahi izanez gero, ahotsak.com-en bertan Legutio eta Aramaioko hizkerak jasotzen dituzten hainbat grabazio ere aurki daitezke.

Zintak

#	Kodea	Data	Iraupena	Hizlariak
1	LEG-052	2002	75 min	Egino Lopez de Aretxaga, Fernando
2	LEG-053	2002	75 min	Egino Lopez de Aretxaga, Fernando
3	LEG-054	2002	75 min	Egino Lopez de Aretxaga, Fernando
4	LEG-055	2002	59 min	Egino Lopez de Aretxaga, Fernando
5	LEG-056	2004	75 min	Ugarte Ortiz de Zarate, Nemesio
6	LEG-057	2004	70 min	Saenz de Biteri Saenz de Biteri, Jose - Saenz de Biteri Saenz de Biteri, Migel
7	LEG-058	2007	82 min	Egino Lopez de Aretxaga, Fernando
8	LEG-059	2007	23 min	Egino Lopez de Aretxaga, Fernando
9	LEG-060	2007	65 min	Biteri Mendieta, Gregorio
10	LEG-063	2010	27 min	Lopez de Bergara Berriozabal, Maria Jesus
11	ZIG-003	2001	51 min	Beobide Garmendia, Eleuteria
12	ZIG-004	2000	60 min	Beobide Garmendia, Jose
13	ZIG-005	2000	60 min	Unzalu Mendia, Zeferino
14	ZIG-006	2001	51 min	Beobide Garmendia, Eleuteria