Hendaia

Hendaia Lapurdiko bosgarren udalerririk populatuena da, Txingudi eskuin aldean kokatua, Bidasoa ibaia itsasoratzen den lekuan, Lapurdi itsasegian. Hendaiako Kantonamenduko herri nagusia da. Udalerri hauek ditu mugakide: Hegoaldean, Biriatu; ekialdean, Urruña; mendebaldean, Irun (Gipuzkoa); eta, Txingudiren beste aldean, Hondarribia (Gipuzkoa). Irun eta Hondarribiarekin batera Txingudiko metropoli-eremua osatzen du, 90.000 biztanle dituena. Bertako berezko euskalkia lapurtera da.