Eibar (Gipuzkoa)

Baldintza egokiak II. Errepublika aldarrikatzeko

Oraindik ezin da online kontsultatu pasarte hau. Behar baduzu, jarri gurekin harremanetan edo etorri gure biltegira.

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AB-106-004 kodeko bideoa nahi duzula aipatzea: ahotsak@ahotsak.eus

Eibar herri liberala; errepublikaren aldeko saiakerak 1930eko abendutik martxan zeuden. 1930eko abenduan, Jacan, Galán eta Hernández altxatu egin ziren eta Eibarren greba orokorra egin zen hiru egunez. Errepublika aldarrikatzeko baldintza egokiak ematen ziren Eibarren: "Casa del Pueblo"a, sindikatuak, "Agrupación Socialista", "Juventud Socialista"... herriak garbi zuen bere nahia zein zen. Liburutegi garrantzitsua. Bandera errepublikanoaren ondoan, Galán eta Hernández-en argazkiak jarri zituzten.

Jatorrizko proiektua

Grabazio honen materiala ondorengo proiektuaren baitan jaso eta landu zen. Bertan aurkituko duzu jatorrizko materiala eta informazioa: Eibarko udalaren materiala - Eibartarren Ahotan - Egoibarra

Transkripzioa

- Hori ba, ze goizeko zazpietan, Eibarkoak guztiz ausartak, balienteak izan ziñeten eta Republika jarri zenuten, ta oker ez baldin banago, "Casa del Pueblo"ra joan ziren Toribio Etxebarria eta zure lagun bat -Lukas Alberdi- ta Bilbora hots egin zuen Toribio Etxebarriak eta esan zuen: “Bueno, zer pasatzen da Bilbon?”. Ta Bilbotik: “Ba hemen ez da ezer pasatzen”. Ta: “Nola ezetz?”, hori nola..., konta ezazu nola izan zen. Gogoratzen zera?
- Bueno, hori holaxe da, baiña baloria eukitzeko Republika baten alde banderia etaratzeko, motibuak egoten dia. Ta Eibar izan da herri bat, ba, dizienbrian ya Republikian atzetik asko ebizen Espaiñian, baiña dizienbrian 13an Jacan, Galán ta García Hernández sublebau zian ta Eibarren huelga jenerala egon zan. Hiru egunian egon giñan huelga jeneralian! Ta gero, horregandik aparte, indarra eukitzeko halako dei batek, ba, zera egon bihar da, historixan, herriko historixa barruan herrixak ze desio euki leikian egon bihar da, ta Eibarrek ekan "Casa del Pueblo" haundi bat, ekan sindikatuak, ekazen agrupaziño sozialistia, juventud sozialistia, eta beste entidade deportibo batzuek "Casa del Pueblo" barruan. Horrekiñ esan gura dot, ba, herrixak, ondo definiduta eguan ze gogo ekan ta ze organizaziñotzuk aberasten zittuan bere bultziakin. Bibliotekia be, 2000 bolumenekua ekan.
- Apirillaren 14ean, goizeko zazpietan, gainera, bandera republikanoaren ondoan, oker ez banago, García Hernández eta Fermín Galán, Jacan fusilatutakoen bi argazkiak ere jarri zenittuzten, ez, Benigno?
- Bai.
- Eta bandera zer zan, momentuan fabrikatutakoa, momentuan jositakoa ala aurrez preparatuta zegoena?
- Bueno, batzuk aurrez preparauta egongo ziran, dudarik be ez dago! Baiña horrek trapuok preparatzia ez da gatxa. Horrek trapuok aurrera eruatia izaten da gatxa, preparatzia ez.

Egilea(k): Eukene Lamariano , Oier Narbaiza

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia