Donostia (Gipuzkoa)

Antzerkian, euskararen alde

Antzerkian, euskararen alde <p><em>Euskal Iztunde</em> taldea bukatu zenean, <em>Antzerti</em> sortu zen. Euskal antzerki profesionala egin nahi zuten, eta orduan erretiratu zen Jon. <em>Troiarrak</em> antzezlana: papera erdaraz ez zuen egin nahi izan, bera euskararen alde lan egiteagatik zegoelako antzerkian.</p>

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu: ahotsak@ahotsak.eus

Tamaina:

Euskal Iztunde taldea bukatu zenean, Antzerti sortu zen. Euskal antzerki profesionala egin nahi zuten, eta orduan erretiratu zen Jon. Troiarrak antzezlana: papera erdaraz ez zuen egin nahi izan, bera euskararen alde lan egiteagatik zegoelako antzerkian.

Transkripzioa

Gero, antzerkia, taldea… Euskal Iztunde taldea bukatu zanean, Maria Dolores jubilatu zan, ta /da/ prestatu zuen ya Antzerti taldea. Ta Antzerti taldea ba… hor zenbiltzenak profesional jokatzeko, euskal antzerki profesionala in nahi zuen. Eta nik esaten nun ez nula… nik ez nun profesionalki hontatik bizi nahi. Nik ein deten pittiña beti euskeraren alde izan da. Euskera ta euskera ta euskera. Eta hor hasi zian ba euskera ta erderaz ta in behar zala. Ordun prestatu zuen… “Troyarrak”. “Troyarrak”, eta Iñaki Beristainek euskeratu zun, eta Esteban Polls, katalan bat etorri zan antzerki hua zuzentzea. Ordun eee… han geundela, ba nei Menelaun papera eman zian, eta euskeraz, euskeraz antzerkia in behar, zertu behar gendun Vitoria Eugenian. Eta bueno, batzuk hasi zian esanaz, alegia, erderaz ere ikasi behar zela. Eta nik esan nieten itezkeotan nik euskeraz bakarrik ingo nula, ez nula erdeaz ein… erderaz eingo. Ta Esteban Polls horrek esan zian: “Eres peor que los catalanes”. Ta nik esan nion: “Ba baleike, baiñan…”. Ta hoi, ensaiyo batea jun giñan, eta gehiyenak, gehiyenak edo danak papera genekanak, erderaz hasi zian, eta nik, nere papera iritsi zanian, euskeraz ein nun. Ta taldeko bateonbatek esan zidan: “Eta zuk zergatik ez dezu erderaz ikasten papera?”. Eta nik esan nion: “Ni honea euskeraren alde ta euskal antzerkiari pixkat launtzeko etorri naiz, eta ez dakat zergatik erderaz ikasi beharrik”. Hasarretu zitzaidan pixkat, eta esan niyoten: “Bueno”. Zuzendariari, Esteban Pollsei esan nion: “Ez bazaizu ondo iruitzen nik erderaz ez ikastea, papera beste norbaiti emaiyozu. Badao denbora, garaiya dao, eta billa zazu beste bat”. Eta esan zian /esantzian/ ezetz. Eta ordun nik papera ez nun erderaz ikasi.

Egilea(k): Idoia Etxeberria (Badihardugu Euskara Elkartea)

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia