Aretxabaleta (Gipuzkoa)

Baserrian irakurtzen ikasten

Baserrian irakurtzen ikasten Ez da Miren Gazteluren kasua, baina izan dira euskal izena izateagatik arazoak izan dituzten euskaldunak. Gerra denboran kaletik alde egin eta Goroetako baserri batean igaro zituzten hilabete batzuk. Baserri berberera jo zuten Aretxabaletako maisu-maistrek, eta hantxe ikasi zuen irakurtzen.

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu: ahotsak@ahotsak.eus

Tamaina:
Ez da Miren Gazteluren kasua, baina izan dira euskal izena izateagatik arazoak izan dituzten euskaldunak. Gerra denboran kaletik alde egin eta Goroetako baserri batean igaro zituzten hilabete batzuk. Baserri berberera jo zuten Aretxabaletako maisu-maistrek, eta hantxe ikasi zuen irakurtzen.

Transkripzioa

-Zenbat urterekin joaten ziñen eskolara?
-Eskolara? Ba ikusi eizu. Ez nauen suerte ona euki. Gu egon giñen gerra denporan, gerrie izen zan bittartien, hor Koruetako basarri baten.
-Basarri baten bizi ziñen zu?
-Ez, bizi hemen, baiña kaletik alde eindda, gerra denboran alde eindda, ba egon gitzen hiru edo lau hillabete egon giñan Koruetako basarri baten egon giñan. Baserri haundi bat, oso baserri ederra ta dotoria gaiñera; orduen gerra denporan zera, zela esaten da, “cuarto de baño”, horrek eta danak eukien. Atera eizu kontue zelako baserri edarra dan. Oin be pantanuak hartu auen baserrixa ta gorago eindda dauke baserrixa. Baiña hango baserri bi zien, zaharra ta barrixa, eta zaharreko arkuakin, sarrerako arkuen harrixakin indda dauke goixen etxeko sarreria. Eta baserri hartan gu bakarrik ez, beste batzuk be bazien gordeta. Gordeta ez, nunbaitten egon bihar, alde eindda herrittik ba zerak ziela, bonbok edo zerak zielako ta. Erezen, bai tokau be, Atxabaletako maistro-maistria, andra-gizonak zien, eta bere seme bat eukien, eta semia. Ba egunero eukitten gauen eskolia, klasia, ikasteko guk gaztiok. Gero nire anaiak eta…
-(…)
-Bai, bai, danok junto giñan-ta, eta danok etxe baten zela junto gengozen, ba orduen aprobetxauaz han euela umiok danok ala! Goixien-edo, ez naz akordetan goixien edo arratsaldien neu ez naz akordetan, baiña eskolia eukitten gauen, esaten dana. Eta orduantxe hantxe ikasi nauen nik irakurtzen.

Egilea(k): Juan Martin Elexpuru (Badihardugu Euskara Elkartea)

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia