Korrika-apustuak eta ahari jokoak

Pasarteak jarraian erreproduzitu

Hizlaria(k): Ugarte Lopetegi, Manuel

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ZUM-009-014 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Apusturako zaletasuna izan da Oikian. Korrika-apustuak ere izaten ziren. Bere lehengusuak bat jokatu zuen eta galdu. Harri-jasotzailerik ez da izan herrian. Ahari-jokoak, ordea, bai. Bere lehengusu batek badauzka oraindik jokorako ahariak eta garai batean oso ahari ona izan zuen. Aizarnazabaldik etorri zen ahari-jokoen zaletasuna.

« Aurrekoa Hurrengoa »

Auzoa: Oikia
Proiektua: Zumaiako hizkera
Elkarrizketatzailea(k): Asier Sarasua Aranberri
Data: 2007(e)ko ekainaren 01a
Iraupena: 0:02:35
Erref: ZUM-009/014
Kodifikatzailea: Aintzane Agirrebeña
Gaia(k): Aisia » Kirola » Herri-kirolak

Transkripzioa

- Eta bestela holan, e, apostu kontuak eta…
- Probak.
- Harri-jasotzen ta…
- Proban hamen.
- Aizkoran eta proban, ta?
- Proban zeakin, e, hamen iriyakin-ta ta, Goiburu ta…
- Afiziyua?
- Apiziyua zeana, iriyakin-ta ta. Bai, jokuak eta leheno… Saltaka apustua´re akordatzen nauk! Bat jokau ziyan nere lehengusu batek. Oaiñ praille o dek, hor kanpuan dek. Ta zean, e, hor Otso Gaiñetikan Zuhaitzenea, kruzea. Ta bentaja eman zitxion bestiak, bestia zarra huan, morroi o hemen zeona, Aizarnazabalkua o izatez, o. Ta, bentaja haundiya eman zitxion. Ta zaharrak irabazi zian, azkenian. Juxtun, e! , baiñan zaharrak irabazi ziyan. Ta beste hola, zahar batzuk o, zeozer akordatzen nauk ni, hemen, hor, pixkat aurretikan, han, kruzea o, larehun bat metruan, o, jokau zuela, o. Zeozer bai. Baiño bestela…
- […].
- Bestela, zeaik ez. Harri-jasotzen-ta ta’re hemen ez dek izan…
- Ez da izan…
- Ez nauk akordatzen ni… Harri-jasotzailleik ez dakit Oikiyan izan…
- Ta ahari-jokuak eta?
- Ahari-jokuak bai.
- Ahari-jokuak bai.
- Ahari-jokua… Jesuskua ziok hor. Neure lehengusua, Jesuskua. Oaiñ´e bazeuzkak ahariyak.
- Bai, e?
- Ahari-jokua´re… Horrek euki ziyan ahari bat munduan baldin bazan!
- Haxe!
- Mundun baldin bazan! Kontraiyoikan gabe eon huan hua, ahari hua! Euki ziyan ahariya, ahari beltz bat… mekauen la letxe!
- Beltza?
- Bai, mutur beltzakin.
- Mutur beltza.
- Mutur beltza, mutur beltzakiñ huan. Berez zuriya zin hillia ta bai. […] euki ziyan harrek ahariya ona. Ta uaiñ´e bazeuzkak ahariyak, jokurako ahariyak bazezkak uaiñ´e.
- Eta hemen inguruan, e…
- […]…
- […] ta asko izaten zan?
- E?
- Afiziyua ta zeon?
- Ahari-jokua, bai, hor nere lagunak hittun. Lehen-leheno´re ba omen hittun ahariyak eta hola, zeozer zeatzen zittuenak, ibiltzen zittuenak. Baiño haek geo hor Aizarnazabal alde hortan-ta ta, hor gehio izan huan zea, ahari-apustu, apustu, zea gehio izan huan hor.
- Zaletasun gehio?
- Bai! Ta handikan etorritako zeak hittun ahariya, ahari-jokuak eta… Handikan hasitakuak, zea, lagun hoiek… Nere lagun hoiek´e zeautakuak.