Familia Gabonetan batzen zen

Pasarteak jarraian erreproduzitu

Hizlaria(k): Aiarzaguena Aranzibia, Isabel

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ZAL-012-004 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Osaba askotan gaixotzen zen eta sarritan euren etxean egoten ziren izeko-osabak eta lehengusina. Gabonetan afaltzeko batzen zen familia, eta batzuek bertan egiten zuten lo. Normalean, ume bik elkarrekin egiten zuten lo, ohe berean.

« Aurrekoa Hurrengoa »

Proiektua: Zaldibarko ahotsak
Elkarrizketatzailea(k): Ainhoa Etxazarra
Data: 2013(e)ko ekainaren 19a
Iraupena: 0:01:39
Erref: ZAL-012/004
Kodifikatzailea: Ainhoa Etxazarra
Gaia(k): Erlijioa » Ohiturak eta bizimodua » Eliza giroko ospakizunak » Gabonak , Familia eta harremanak » Lagunartea eta familia » Etxeko giroa

Transkripzioa

-Lehen egoten ziren igual etxean be bai izeko ta osaba, igual solteruek eta holan?
-Bueno, nik ez dot ezautu izeko-osaba solteruik, baiña osaba bat asko egoten zan gaixoik eta andra-gixonak eta umie sarri egoten zien, lehengosiñe, ama zan hangue, nere amen aiztie ta… sarri, eitten ebezan tenporadak, etxien.
-Gizona gaixorik egonda… klaro.
-Bai, bai.
-Eta familie lehen noz batzen zan? Gabonetan eta oingo moduen? Diñot familia handie e?
-Bai, bai, bai. Beti. Bai, beti batzen gintzezan.
-Gabonetan? Ze egunetan? Gabonetako ze egunetan?
-Ba iguel bixetan be e?
-A bai? Baia geubean edo bazkalduteko?
-Ez, gabien. Baiñe, klaro, hori zan gu txikixek gintzezenien, orduko izeko-osabakin. Ya gu hasi gintzezenien ez.
-Ta non bizi ziren eurik ba? Nondik etorten ziren?
-Ba Zaldiberren, Eiberren, bai.
-Eta gero lo etzean? Zuon etzean?
-Ba batzuk bai ta /tte/ beste batzuk ez.
-Ta zelan konponduten zintzien ba hainbeste jente!
-Ba beittu, umiek sartzen gintzezan amamen gelan, ohien alde batera ta bestea, ta amamaz beste hiru bat eta han umiek. Ta beste hiru gela euezan…
-A bueno, behintzet… ezta? Ta umeak eiten zenduen lo alkarregaz normalean?
-Normalien bai. Bi beti jeneralien alkarraz.
-Ta bakotxak bere ohian edo biok ohi baten?
-Ez, ez. Bi baten ta beste bat beste baten. Mutillek beste baten beti, beste gela baten.
-Eta neskak alkarregaz ezta?
-Bai. Oge biko gela bat, baten… ohe baten bi ta bestien bat.