"Izatez bizkaitarra naiz eta lanbidez donostiarra"

Orozkoarra da Agurtzane. Kazetaritza ikasketak egiten zebilela, udaletxean itzultzaile lanpostua lortu zuen. Baina betidanik dantza eta antzerkirako gogoa izan duenez, lehenengo soldatarekin dantza klaseetan hasi zen Laudion. Oliteko jaialdi batean ezagutu zuen jendeak bizitza aldatu zion. 'Maskarada' antzerki taldearen "Gastibeltzaren karabinak" obrarako casting-erako deitu zioten baina ez zuten hartu. Handik gutxira lagun batekin Donostiako 'Antzerti' erakunderako probetan izena eman zuen eta hartu egin zuten. Erabaki zaila izan zen dena utzi eta 20 urterekin Donostiara etortzea. 1983. urtea zen. 1989an 'Hika Teatroa' sortu zuten. Familia ere Donostian sortu du. Haiek gipuzkoarrak dira baina berak bizkaitarra izaten jarraitzen duela dio.