Doktrina ikastea eskola baino garrantzitsuagoa

Transkripzioa

- Ta eskolan, zelan? Zu gerraostean egongo zinen eskolan…
- Bai, nik lau urte neukezan ordun. Ni bederatzi urtekin sartu nintzen eskolaa. Baiña ordungo, eskolie…
- Gitxi?
- Maestrie be zela-halakue ta inportantzixa handiik ez jakon /etxakon/ emoten ta.
- Eskoleari ez, ezta? Baina doktrina ikistea bai, inportantea izango zan.
- Dotriñie bai! Dotriñia, erderaz gaiñera, ikesi biher. Erderie, hori, zer zan bez guk, baiñe hantxe.
- Ez zendun jakingo zuk erderarik…
- Ze jakin? Eskola jun ta ixilik egon biher. Euskaraz berba eitten bada, kastigue eskolan. Ta erderaz jakin ez… Ixilik!
- Eskerrak gitxi joan zinela, ezta?
- Gitxi, bai. Itturretan, ba, hamasei-hamazortzi bat lagun edo ibiltten giñen eskolan.
- Ta neskak ta mutilek, danak batera?
- Danak batera, bai.
- Eta zenbat urte? Sartu bederatzigaz, ezta? Ta urten?
- Urten, hamaika urtekin.
- Urte bi eskolan…
- Baiña eskolaa jun, noz? Urte bi diarixo ibili ezkero, zeozer. Baiña ni juten nitzen astien baten, edo hamabostien baten. Ardixekin hara jun biher da, edo ardixek zainddu biher dabe /bidabe/, edo besti ein biher da /bida/… atxekixie beti etxien. Nik neuk eskolan…
- Ta ikesi zendun, zer ikasi zendun? Leiduten…
- Pixkat.
- Eskribidu be zeozer…
- Hoixe. Horrek ikesi nittun, leitzen ta eskribitzen ta horrek.
- Ta sumak edo?
- Horrek bai.
- Baite.
- Etxien be ba…
- Etxean be bai?
- Etxien be, beti, apur bat… asti handiik ez zan egoten. Beti egoten zan biherra, baiña arrebak eta…
- Erakutsi eutsuen?
- Jakiñe!

Egilea(k): Xabier Larrañaga Gisasola