Xebastiana Agirre Telletxea
Lezo (Gipuzkoa) (1927)
Biografia
Lezoko Kale Nagusiko Hondargain etxean jaio zen. Aita etxe horretakoa zuen; ama, berriz, nafarra zen, jostuna. Lehendabiziko urteetan aiton-amonekin bizi izan ziren. Ama gazterik hil zen eta aita ataundar batekin berriro ezkondu zen; orduan aitona-amonak utzi eta beste etxe batera joan ziren bizitzera, han beste seme bat izan zuten. Baratzea zuten etxe ondoan, baita animalia batzuk ere. Txerrikumeak hazten zituzten gero Errenteria-Oreretako harakin bati saltzeko. Aita lanbidez mekanikoa zen, itsasontzien motorrak konpontzen zituen. Zazpi urtera arte Agustina Lizarazu andereñoarekin ikasi zuen Xebastianak euskaraz; gero ordea, zazpi urtetik aurrera, herriko eskola publikoan ikasi zuen gaztelaniaz. Eskola utzi zuenean, Errenteria-Oreretako legamia-fabrikan hasi zen lanean. Josten ere ikasi zuen, eta galtzak egiten zituen etxean kanporako. Elias Salaberria, Lezoko pintore famatuaren bizilaguna zen Xebastiana eta askotan egoten zen pintorearen estudioan. Eliasek pintatutako euskal senar-emazteen koadrorako Xebastiana izan zen emakumea pintatzeko modeloa beste mutil gazte baten ondoan. Pintorearen aurrean jarri eta modelo egoteko arratsalde batzuk libratzeko baimena eskatu behar izan zuen fabrikan. 1945. urtean ezkondu zen Xebastiana Errenterian bizi zen nafar batekin. Bi seme-alaba dituzte. Oso kantuzalea da.
Zintak
| # | Kodea | Data | Iraupena | Proiektua | Elkarrizketatzailea(k) |
|---|---|---|---|---|---|
| LEZ-002 | 2009 | Euskal Herriko Ahotsak | Idoia Etxeberria - Edurne Zabala | ||
| LEZ-029 | 2009 | Euskal Herriko Ahotsak | Edurne Zabala |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute
