Alejo baserriko teilatua konpontzen eskilara eta guzti jausi

Haize Itzela izan zen orduan. Haizeak pinudiak eta bota zituen, Alejori ere bai. Berak izango zuen bakarrik orduan pinudia paraje hartan. Baina haizeak baserriko teilatua ere bota zion Alejori, eta eskilara luzea hartuta, teilatu hori behetik konpontzen zebilela, eskilarak laban egin, eskilara eta guzti jausi, eta bizkarrezurra apurtu zuen Alejok. Lehenengo klinikara eraman ei zuten. Penekin aieneka joan ei zen. Klinika ordaindu egin behar izaten zen, eta gero ospitalera eraman zuten. Ospitalean pozik zegoen, han behintzat argia pizteko era zeukalako. Baina hil egin zen.