Julitaren ama gaztetxotan Bilbon neskame bere amak emandako aholkuekin

Erdara ikastearren, Ambrosiak (Julitaren amamak), bere alaba zaharrena, Klaudia (Julitaren ama) Bilbora bota zuen neskame. Han, Zabalbide ondoan neskame zegoela, ez dakit zertzuk garbitzeko, mantak garbitzeko edo, Zabalbidetik gora ur goria eramaten ibiltzen zen Klaudia. Ambrosia ama noizik behin baten bisitan joaten zitzaionean, Klaudia alabak negar egiten zuen. Orduan amak ea pozik ez zegoen galdetzen zion Klauditxuri, eta deskontentu egonez gero, beragaz etxera itzultzeko esan. Eta Klauditxuk “Ez, ama, ni pozik nago, baina zeu ikusi eta negarrak urtetan dost”erantzuten zion amari. Amak aholku bat emanda utzi zuen alaba Bilbon neskame: ”Buruko orratz baltz bat topetan bazu be (topatzen baduzu ere), ugazabari emon (eman), berana (berea) da eta. Ez inorenik hartu, buruko orratz baltz bat ere ez, gero!”.