Eibar (Gipuzkoa)

Fraideen etorrera; Armeria Eskola

Oraindik ezin da online kontsultatu pasarte hau. Behar baduzu, jarri gurekin harremanetan edo etorri gure biltegira.

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AB-092-006 kodeko bideoa nahi duzula aipatzea: ahotsak@ahotsak.eus

Eskola Munizipalak. "Hermanos del Sagrado Corazón"; zuzendaria frantsesa zen (Hermano Luis). Fraideak Eibarrera etorri zirenean, umeen janzkeran ere eragin nabarmena izan zuten. Eskola munizipaletara tunikarekin eta abarketekin joaten ziren, baina fraideak etorri zirenetik, umeak dotoreago hasi ziren eskolara joaten. Armeria Eskolara joan zen ikastera eta handik Izarrera lanera.

Jatorrizko proiektua

Grabazio honen materiala ondorengo proiektuaren baitan jaso eta landu zen. Bertan aurkituko duzu jatorrizko materiala eta informazioa: Eibarko udalaren materiala - Eibartarren Ahotan - Egoibarra

Transkripzioa

- Beraz, hor dago beste zera bat, beste Eibar bat. E... zuk esaten duzun bezala: bata hemengo, bestea hango, bestea alde guztietako. Zuk, ze karrera egin zenuen? Zenbat estudiatu zenuen haurretan?
- Zenbat...?
- Estudiatu. Eskolan eta, zenbat ibili zinen?
- Bueno ni lehelengotik...
- Beno, garai hartan oso gutxi ibiltzen zan!
- Eskola munizipalian lehelengo. Han tokatzen jatan.
- Bai, bai, bai, baina...
- Gero frailliak etorri ziran. Hárek asko aldatu eben zera... Eibarko ohitturak umien artian. Lehen esan detsudan moduan, gu, Bidebarrixetakuok, juaten giñan Bidebarrixetara.
- Bai, bertakook.
- Estaziño aldekuak Estaziño kalian, alondigan; Untzagan Untzagakuak... Eta frailliak etorri ziranian, orduan juntau giñan bai behe aldekuak, bai erdikuak, kale guztietako mutikuak juntau giñan. "Hermanos del Sagrado Corazón" zan eskolia. Eta hárek jarri eben e... franse... bai, maixuak, hamenguak ziran, españolak ziran, baiña direktoria fransesa zan: Hermano Luis. Franses erakutsi eskuen.
- Bai, bai, bai.
- Eta orduan, e... Eibarko gaztiak, gauza ona be, alkarri pegau gentsagun, baiña gauza txarrak be bai, e!
- Elkarrekin denak nahastean, nahastu egin zen.
- Zelan, zelan influidu leike! Influenzia, zerak, eskola batek, umien jantzixan! Gu ume giñanian —umiak, eskola munizipalian—, tunikiakin juaten giñan. Tunikia zan!
- Bai, bai, bai.
- Gure jantzixa zan tunikia. Eta neguan jersixa barruan. Baiña... gure amak, frailliak etorri ziranian, pixkat dotoriago hasi ziran...
- ... janzten.
- Janzten. Konpletamente kanbixau zan gure jantzixa, eta zera...
- Oinetakoak lehen, zer izaten ziren? Espartzinak?
- Abarketia.
- Abarketia.
- Abarketia. Gero etorri ziran zapatillak. Sandaliak...
- Ba hori, moda handia zan. Geroagoko kontuak dira.
- Tunikia be desagertu egin zan. Edo jersixa —dotoriagua— edo marinerua, edo... en fin!
- Bai, bai, bai, bai. Beraz, Eibarren, berriketa guztia zeuk egin duzu.
- Bai... Kanbixau egin zan.
- Bai, bai, bai. Eta horietan ere, zu ibili zinen ikasten.
- Nik fraillietan egin nittuan hiru urte, Hermano Luisegaz, eta gero, ba, Eskola Armerixan sartu nintzan. Eskola Armerixan hiru urte egiñ eta lehelengotikan Amorebietara juan nintzan biharrera.
- Lanera.
- Bai. Izarrera. Eta Izarretik, Alfara.
- Alfa, Alfa. Hori beste historia bat da.
- Nik ez neban nahi Alfara juaterik.
- Ez?
- Ez. Zegaittik eze, Izarren ondo neguan. Bakarrik, amandako eta, arazo haundixa zan semia zapatuan etorri eta astelehenian juan eta... en fin! Baiña ni han lanian, ondo neguan, gustora! Eta banekixan Alfara "torno-revolver"era juan bihar nintzala biharrera. O sea, ya mekanikatik alde egitten neban, ezta?
- Bai, bai, bai, bai.

Egilea(k): Eukene Lamariano , Oier Narbaiza

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia