Eibar (Gipuzkoa)

Espeleologia lanak

Oraindik ezin da online kontsultatu pasarte hau. Behar baduzu, jarri gurekin harremanetan edo etorri gure biltegira.

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AB-084-006 kodeko bideoa nahi duzula aipatzea: ahotsak@ahotsak.eus

Espeleologia lanak. Espeleologiarako materiala. Mapak egiten ibilitakoa. Eliza askotako planoak egin izan ditu.

Jatorrizko proiektua

Grabazio honen materiala ondorengo proiektuaren baitan jaso eta landu zen. Bertan aurkituko duzu jatorrizko materiala eta informazioa: Eibarko udalaren materiala - Eibartarren Ahotan - Egoibarra

Transkripzioa

– Beraz, hor dago arlo oso bat. Nik oraindik gehiago ikutuko nituzke zenbait espeleologo bezala, adibidez zertzuk erabiltzen zenituzten. Gaur gauzak oso aurreratuta daude: pilak eta denak oso aurreratuta daude. Zuen garaian karburoa zen.
– Bai, kobetan, karburua. Bueno, guretako… Oiñ be ez neuke lagako, ze karburuak segurantza bat dauka. Inkonbeniente batzuk be bai, baiña baitta segurantzia. Karuburuak argixa zabaldu egitten dau. Eta lurra be ikusi egitten dozu. Eta linterniak foko bat emoten detsu. Gure sasoian baziran! Nik erabilli dot mendixan eta badaukat mendixan erabiltzeko. Guk illunian urten izan dogulako Alpietan eta: gabian, goixeko lau eta erdiak edo bostetan mendira eta illunian zoiaz, baiña argi zerakiñ. Eta han edurrak eta emoten detsu zera, grietarik badago. Baiña harpian, ez. Han harpian karburuak emoten detsu argi bat, zabala, lurra be ikusten zoiazena eta tetxua be bai. Eta asko hobia da. Linternak erabiltzen genduzen, nik bestian esaten netsun moduan: mendirako erabiltzen neban. Baiña bestela guk eruaten gendun karburua, bat. Gure prebisiñua… Ze harpietan arriesgua daukazu argi barik [gelditzeko]. Argixa da jana baiño lehenago.
– Inportanteena argia.
– Orduan eruaten gendun karburua. Kantinplora bat urakin. Karburo gehixago ipiñi bihar bazan be, egin bihar zan zegozer. Baiña karburua batetik. Bestetik, linternia. Bat gitxienez, boltsilluetan. Eta bestetik kandela eta posporuak. Kandela eta posporuak gomazko boltsa baten barruan sartuta –plastikua hasi baiño lehen–, humedaderik… ez bustitzeko. Hori izaten zan azken rekursorako, zegozer pasauta be. Eta hori dana. Horretan, gaiñera, oso estrikto edo oso zehatza zan Arkaute, esate baterako. Gu hasi eta gero Gesaltzan, handik urtebetera edo etorri zan ha handik, Belgikatik, hasi zan gurekiñ eta berak zera egitten eban, harek rebista pasau: “Aber, erakutsi linternia. Erakutsi kandelia”. Bestela ez etsan sartzen lagatzen, oso gogorra zan horretan. Eta errezoia eukan: seguridade guztia aurretik hartu. Halan be, etorriko dira zerak, eragozpenak.
– Lehen mapak aipatu ditugu. Egin zenituzten hainbeste mapa, oraindik batek baino gehiagok erabiltzen dituenak.
– Bai, bai. Aranzadiko artxibuan, gaiñera, asko egon da guk egindakua. Ni mapagintzan ibilli nintzan. Bueno, Eibar eta inguruko harpiak, ezagunak ziranak, hórrek danok, mapak egin nittuan, ez eguazen mapak eta mapak egin nittuan. Gero, mapak egitteko be…
– Teknika behar zen.
– Bai, eta noberak egindako aparatuekin. Nik erabiltzen neban beste lagun batek eta nik egindakua: kartaboi bat, kartaboia esaten dana, baiña metalian; mira batekin, disko erdi, graduauta, eta jartzen gentsan tripode baten gaiñian, argazkixak etaratzeko tripodiaren gaiñian, baiña egitten gendun tetxua hartzeko. Emoten eskun, batetik, edozein tokittan inklinaziñua. Emoten etsun zenbat gradoko inklinaziñua. Eta, gero, distanziatik etaratzen zendun alturia. Eta holan ibiltzen giñan mapak egitten: perfekto-perfektuak ez dira izango, baiña bai noziño prinzipala… Ez noziño prinzipala segurantza guztiakin; korrekziño gitxi bihar daben mapak. Eta mapa asko tokau jaku egittia. Eta hori politta zan: mapak egittia bera be politta. Ni gero nere profesiñuan ohittuta nenguan proiektuak egitterakuan dibujogintzan.
– Hori kasik esan liteke Euskal Herrian. Galdera bat egin behar dizut…
– Gero elixenak be egin dittut pilla bat [plano], bobedak… Eta oin be egitten dihardut. Nik egin dittut ezagutzen ez ziran elixa gotikuak: platereskua, gotiko itxuria oindiok… Bobedak eta. Baiña bueno, Angiozargua edo Usurbilgua –ez dana publikau–, baitta be Oiartzungua. Hórrek eginda dittut. Hamengua . Hamenguak badittu hiru edo lau plano, ezagutzen dittut, baiña nik esaten detset hamengo batzueri: karikaturak dira. Oso txarrak. Eta Usurbilguak ez eukan eta elixa gotikua oso interesantia da. Eta nik bai daukat publikau barik. Baiña publikauta daukat Elgetakua, Angiozarkua –monografia egin nebanian han–. Besteren bat be egongo da ‘Hoja del Lunes’-en egiñ artikulua eta gero liburua pasatzerakuan hor egin nittuan hiru liburu hango artikuluen bildumiakin. Eta hor publikau dittut dibujo batzuk, ermittenak eta zerak.

Egilea(k): Eukene Lamariano , Oier Narbaiza

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia