Janaria: ze barazki eta lekari izaten zituzten.

Pasarteak jarraian erreproduzitu

Hizlaria(k): Olaizola Alkorta, Manoli

Zer jaten zuten baserrian. Urte guztian izaten zuten tomatea. Asko izaten zuten eta enboteilatu eta saldu ere egiten zuten. Barazki ugari izaten zuten: eskarola, ilarrak... Gosaltzeko taloa eta esnea. Artoa eta babarruna hartzen zituzten soroan. Ganaueri

« Aurrekoa Hurrengoa »

Proiektua: Zarautz Hizketan - Zarauzko euskara eta ahozko ondarea
Elkarrizketatzailea(k): Fernando Muniozguren - Miren Zabaleta
Data: 2005(e)ko urtarrilaren 26a
Iraupena: 0:02:50
Erref: ZAR-018/021
Kodifikatzailea: Aintzane Agirrebeña
Gaia(k): Ohiturak eta bizimodua » Elikadura » Jatekoa eta edatekoa , Baserria » Baserriko lanak » Herrira saltzera, erostera , Baserria » Baserriko lanak » Baratzea eta soroa

Transkripzioa

- Ze jaten zan etxian garai hartan, baserriyan, zuen baserriyan, ze jaten zan? Ze, hor Urdaneta aldean ta eon gea ta egunero babarruna jaten omen zuten hor.
- Gurian 'e bai.
- A, zuek 'e bai?
- Aurrena zopa, berdura, itxian ona iten gendun berdura, ta babarruna, hoiek beti izango zian. Ta babarrunak izango zun o zeziña, o txerrikiya o zerbait, eta, hua haiekin. Ta beste batzutan haragi pixkat [...], baiña jeneralian jayian bakarrik salda, orduan fideo iten zan. Baiña gaiñuntzian baatxui zopa, zeozen zopa in, o berdura... ta egunero babarruna. Ta geo gaiñian o tomatia, urte guztiyan eukitzen gendun tomatia.
- Urte guztiyan?
- Bai, porke tomatia iten zan saltzeko, ta geo [...] ta [...] plaza eaman, ta bestia enbotellatu ta itxian. "Y luego aquello aguantaba todo el año".
- Ordun, baatzan ze jenero hartzen zenuten, epokaz? Esate bateako, udaberriyan...
- Letxuak, eskarolak, azelgak, danetik, bainak, illarra, patata, patata asko iten gendun. Patata 're urte guztirako izaten gendun. Asi ke gosia ez gendun pasa. Nik, esango bagenduke gosia pasa gendula, gezurra! Jan nahi genduna ez, e!
- Babarruna 're bai, ordun?
- Bai, ta nei ez zitzaten gustatzen. Ez zait gustatzen. Baiño izango zan zerbait, berdura o... jateko. Jateko ez, jarriko zien. Taluak eta esnia afaitan ta gosaitan igual.
- Ta ordun barazkiya ugari?
- Baazkiya ugari.
- Etxean jan ta saldu baita.
- Saldu bai. Etxian nola iten zan barazkiya beti izate gendun, sasoyan sasoieko gauza.
- Ta gero udan ze iten zan, udan ze barazki?
- Udan? Ba, oaintxe bezela, igual.
- Ta, eskarola 're bai, ordun, garai hartan, eskarola 're bai, e?
- Eskarolak 'e bazian.
- Lorea ta erabiltzen al zenuten?
- Ez, behiñ 'e ez gendun loreik in. Geo karduak 'e baita. Hori gero.
- Eta ganauentzat? [...].
- [...] eta belarra. Eta geo, artua ta babarruna iten zian, soruan, eta artua, eta geo han arbiya iten gendun eta erremolatxa sartzen gendun tartian, ta hua 're ganauantzat.
- Ta artua?
- Artua, iriña iten genduna taluak iteko, ta gaiñontzekua ganauantzat.