Goiko baserriak eta behekoak elkarri laguntzera joaten ziren

Hizlaria(k): Gabilondo Agirrebeña, Miren

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan SOR-011-015 kodeko bideoa nahi duzula aipatzea: ahotsak@ahotsak.eus

Txertatu audioa:

Auzolanean lan egiten zuten. Garia lehenago heltzen zen behean eta heldutakoan goiko baserrietakoak behera etortzen ziren laguntzera. Gero, goian heldutakoan berdin. Aittantxaboleta ingurura eta Pol-pol ingurura joaten ziren garotara, han zituzten sailak eta. Egurretara ere hara joaten ziren.

« Aurrekoa Hurrengoa »

Proiektua: Soraluzeko euskara eta ahozko ondarea
Elkarrizketatzailea(k): Egoitz Unamuno
Data: 2002(e)ko urtarrilaren 01a
Iraupena: 0:01:36
Erref: SOR-011/015
Kodifikatzailea: Aintzane Agirrebeña
Gaia(k): Baserria » Baserriko lanak » Mendiaren aprobetxamendua , Baserria » Baserriko lanak » Garia , Familia eta harremanak » Herriko giroa » Auzokoen arteko harremana

Transkripzioa

- Ta hor garixa ta zerok eta artua ta, hor akordatzen zara zu zela eitten zian, e... nik entzunda daukat, auzolanian edo eitten ziala zer batzuk eta?
- Bai, garixa heltzen zanian, etortzen zian goikuak behera: Lezasokuak be etortzen zian, Edurdungokuak be bai ta Asaliakuak be bai, porke behian lehenago heltzen zan garixa. Eta gero, goixan heltzen zanian, juaten giñan behekuak gora.
- Gora laguntzera?
- Bai. Ta lurra jasotzian ta be akordatzen naiz ni auzokuekin zela [...], zela trukatzen genduan ta gero garua ebagi bihar zanian ta be bai. Garua ebagi bihar zanian be, juaten giñan behekuak goraka. Horrekin akordatzen naiz.
- Ta garua zeuek nun ebaten zenduen, goixan?
- Aittantxaboletan daukau guk garo-sailla, ta bestia —han piñua dao sartuta, baiña—bestia Pol-pol onduan beste bat, beste sail bat.
- Lekutan dao!
- Pentseizu noraiño juaten giñan garotara... Ene! Udazkena izaten zan guretako txar-txarra. Goizian ganauekin urten bihar seiretan, bi jornada ekarteko, goizeko seiretan, ta gero... Izeten zan udazkena txarren-txarrena hemen beheko etxietarako, txarrena,baiña, e!
- Klaro, han goiko biajiak ein bihar ta...
- Bai, bueno!
- Ta egurretara be hara juaten ziñien?
- Bai, egurretara be bai. Aspaldixan ez, ezta? Baiña lehen ekarten genduan, han, piñuan gaiñekaldian txaria dao [...], ta han txaratik ekarten genduan egurra.

Egilea(k): Benan Oregi