Eibartarren Ahotan proiektua 1999ko udan hasi zen martxan ahozko ondarea jasotzeko asmoarekin, eta lan horretan dihardu harrezkero Eibarko Udaleko Egoibarra batzordeak, Udal Artxiboarekin laguntzarekin. Proiektuaren helburua bat bakarra, baina zabal eta sakona: Eibarko lekuko nagusiekin hitz egin eta antzinako ipuin eta kontuak bideoz jasotzea. Ohiturak, bizimodua, sinesmenak, lanbide zaharrak.... Herriko historia eta etnografia sakonean aztertzeko aukera paregabea, eskualdeko memoria historikoaren eta ondare kulturalaren berreskurapenean beste pauso bat emanez. Ego Ibarra Batzordearen egitasmo hau aitzindari izan da Euskal Herrian ahozko ondarea jasotzeko asmoak eta metodologia zehazteko orduan. Egitasmo honen baitako eduki guztia Eibartarren Ahotan webgunean ikusi daiteke; edukiaren egiletza eta jabetza Eibarko Udalarenak dira.
