Ana Mari Lezertua Sustaeta
Mutriku (Gipuzkoa) (1940)
Biografia
Mutrikuko "Katu kalian" (Ifar kalean) jaio zen, lau ahizpatan bigarrena. Gurasoak ere biak mutrikuarrak zituen. Aita eta aitona marinelak ziren, eta senarra ere marinela izan zuen. Marinel-familien bizimoduaren inguruko azalpenak eta diruz gaizki nola ibiltzen ziren kontatzen du. "Katu kaleko" bizimodua eta neska gaztea zenean egiten zituzten antzerkiak dakartza gogora. Antzerkirako eta kanturako zaletasun handia zuen. Eskolan udaletxean bertan zegoen eskola publikoan ibili zen, maistra nafar batekin, eta oinarri-oinarrizko ikasketak egin zituen. Zortzi urterekin eskabetxerian hasi zen lanean, antxoei burua kentzen. Gerora, Egaña fabrika ezagunetik eskaintza egin zioten, eta hara joan zen lanera. Bertan intsigniak pintatzen zituen eskuz. Ezkondu artean, Egaña lantegian jardun zuen lanean. Senarra ere marinela zuen, eta, batzuetan, harekin batera joaten zen itsasora. Beste batzuetan, berriz, arraina saltzen ibiltzen zen kalean, arrainak otarran hartuta. Hiru seme-alaba izan zituzten. Seme-alabak pixka bat koskortu zirenean, haien ikasketak ordaintzeko marinelaren soldatarekin nahikoa ez zela-eta, adineko pertsonak zaintzen hasi zen, udaletxeko langile moduan, eta sei-zazpi urte egin zituen lan horretan.
Zintak
| # | Kodea | Data | Iraupena | Proiektua | Elkarrizketatzailea(k) |
|---|---|---|---|---|---|
| MUT-026 | 2011 | Euskal Herriko Ahotsak | Aintzane Agirrebeña | ||
| MUT-092 | 2022 | Mutrikuko gerra zibilaren memoria | Nerea Arrizabalaga |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute
