Goizean ogiak banatu eta arratsaldean eskolara

Pasarteak jarraian erreproduzitu

Hizlaria(k): Mardaras Arrieta, Antonio

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan MJA-001-004 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Gutxi joan zen eskolara. Baserrietara ez zen biderik egoten, eta hamar urterekin hasi zen ogia saltzen baserririk baserri astoarekin, anaia eta bera asto banarekin. Arratsaldeetan joaten zen eskolara. Egunean hiru pezeta irabazten zuten, eta amak diru hori derrigor behar zuen.

« Aurrekoa Hurrengoa »

Proiektua: Euskal Herriko Ahotsak
Elkarrizketatzailea(k): Andere Gonzalez
Data: 2012(e)ko azaroaren 28a
Iraupena: 0:01:54
Erref: MJA-001/004
Kodifikatzailea: Arantza Bilbao
Gaia(k): Familia eta harremanak » Lagunartea eta familia » Umetako lanak , Ohiturak eta bizimodua » Hezkuntza » Eskola

Transkripzioa

–Eskolara, Jataben berton, edo…
–Bai, Jataben berton. Eskolara, gitxi joan naz; ta joan banintzen segun maistrok esaten otsen amari ba leiten ikesiko nauen nik ondo; joan banintzen. Bueno oin bere defenditen naz, ezta? baia… Ta ordun baserrittara ez zan egon kamiñorik; kamiño jenerala eon zana Mungitik Plentzira eon zana bakarrik. Eta hamar urte ein barik hasi nintzen astoaz panaderu haittara baserritara, anaia eta biok. Bai, eta gero atsaldetan eskolara, baia gure amak eskolara botateko interesa eukitten euen baia goixien geure beharrak [eukitten genduzen], eta ezin joan. Esan bai maistroak eskolara gehitxuau ia zeaittik ez gaittun botaten ba, baia ezin bota ba, ezin bota, ba. Egunean hiru pezeta irebazi.
–Panadero moduen?
–Panaderuek, bai. Hillean hamazortzi hogerleko, ta geure enbidiez jente asko. Ta orduen eskolara, interesik ez zan egoten eskolarako bere. Ta guk ume-umetan, anaia eta biok asto banagaz; asto bat eukitten gendun beti eurretik etzean, eta gero bigarrena erosi behar zan. Eta bigarrena erosi, hemeretzi hogerleko pagata, bigarren astoa; hemeretzi hogerleko, hilkeko sueldue eta hogerleko bat gehau.
–Hori dana asto baten.
–Asto baten.
–Mesedie eingo eban?
–Eta bai, derrigor behar gendun ta, bigarrena derrigor behar zan.

Egilea(k): Arantza Bilbao