Abemariatako kanpai jotzea eta hil kanpaia

"Aramaitteko" (abemariatako) kanpai jotzea. Hori entzuterakoan askok errezatu egiten zuten edo etxera joan. Jai bezperatan, zapatuetan, bederatzi kanpai jo eta etxera joan behar izaten zuten. Baten bat hiltzerakoan ere, Amallon hil kanpaiak jotzen zituzten: gizonezkoei hiru hiruko eta andrazkoei hiru biko. Ramonek dio Markinan ez zela desberdintasunik egiten. Amallo auzoan elkarrizketa garaian ere jotzen ziren oraindik ere kanpaiak. Urtean behin bati tokatzen zitzaion kanpaiak jotzea. Umea hilez gero, ez zen kanpairik jotzen. Etxeren bat erretzen zenean, lehen kanpaik jotzen ziren, baina beraiek ez dute hori ezagutu.