Markina-Xemein (Bizkaia)

Elizan eta eskolan erdaraz

Elizan eta eskolan erdaraz <p>Apaiz gehienek erdaraz egiten zuten. Mutrikuko seme batek ere beti erdaraz. Mezak eta doktrina erdaraz, eskola bezala. Ez zieten euskaraz egiten uzten eta jo egiten zituzten. Maistra guztiak erdaldunak ziren. Munitibarrera joan ziren gerra denboran eta han egin zuen komunioa.</p>

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan MAR-009-027 kodeko bideoa nahi duzula aipatzea: ahotsak@ahotsak.eus

Tamaina:

Apaiz gehienek erdaraz egiten zuten. Mutrikuko seme batek ere beti erdaraz. Mezak eta doktrina erdaraz, eskola bezala. Ez zieten euskaraz egiten uzten eta jo egiten zituzten. Maistra guztiak erdaldunak ziren. Munitibarrera joan ziren gerra denboran eta han egin zuen komunioa.

Transkripzioa

- Baiña medikuai-ta, erderaz?
- Erderaz. Nik pentseten dot, don Domingok, euskeraz be, baekixen; ze, ha, basarri guztixetan ibiltten zan. Baiña nik pentseten dot, don Manuelek, entendidu ta hori eingo eban, Motrikoku zan-ta. Baiña, jakin ostontzien, nik ez dot pentsetan. Erderaz daki harek dana.
- Ta, orduen zuek mezatan-eta, elizako kontutan-ta, dana erderie ibillten zuen beti?
- Denpora askun, bai. Oin, ez, e. Oin, dana euskeraz baiña lehen-lehen, bai.
- Bai?
- Hombre!
- Ta, mezak eta?
- Erderaz, erderaz dana.
- Erderaz.
- Ta, eskolie be, erderazkue dakigu. Ez doskuen izten euskeraz eitten. Emoten oskuezan ederrak.
- A, bai? Euskeraz eittiarren-edo?
- Eurek ez ekixen-ta. Maestrak, ez ekixen ta harek ez eben nahi.
- Zuek, zuen artien be, ezin zenduen?
- Geure artien be, asko ez. Guk, hantxe ikesi gendun erderaz, derrigorrien ikesi genduen. Maestra danak erdaldunek, e! Ni neuk, ez dot pentsetan euki dotenik, maestra bat euskeraz dakixenik. Dana erderazkue. Bai, guk ez dogu Auki.
- Eta, dotriña kontuek?
- Ha be erderaz. Nik, ointxe ikesi dot neure artien euskeraz errezetan. Nik, bizi guztixen erderaz ein dot.
- Ta zeñegaz ikesi zendun dotriñie?
- Bueno, dotriñie be emoten oskuen maestrak. Baiña eskolie, Xemeiña be, juten giñen. Ni neuk, komunioie ein naban Munittibarren. Bai.

Egilea(k): Karmen Gisasola

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia