Eskolan, eraztuna

Pasarteak jarraian erreproduzitu

Hizlaria(k): Gabilondo Etxaniz, Begoña

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AZK-045-012 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Eskola nazionalera joaten ziren gehienak. Azpeitian denetik zuten, baina Azkoitian ez zegoen aukera handirik. La Salleko fraideak etorri ziren gero. Neskak eta mutilak aparte eskolan. Eta dena erdaraz: eraztuna zuten, euskaraz egiten zuenari emateko; harekin geratzen zena, zigortuta. Hala ikasi zuten erdaraz.

« Aurrekoa Hurrengoa »

Proiektua: Azkoitiko ahotsak
Elkarrizketatzailea(k): Idoia Etxeberria
Data: 2010(e)ko otsailaren 16a
Iraupena: 0:01:44
Erref: AZK-045/012
Kodifikatzailea: Idoia Etxeberria
Gaia(k): Ohiturak eta bizimodua » Hezkuntza » Zigorrak , Euskara » Euskararen egoera , Ohiturak eta bizimodua » Hezkuntza » Eskola

Transkripzioa

- Guri “regla de tres” ta danak erakusten zizkun, pentsau, denbora hartan, gure aittek. Bai, holaxe.
- Ta zu eskolara nora juan ziñan?
- Hantxe, eskola bat zegon Axkoitiyen. Oso parregarri zan kontu hortan. Zan eskola nazionala eta gero beste bat mojana zan, baiñe ez holako... Eskola nazional... hara gehienak juten zien, gehienak. Ta gero bai, gero ipini zittuen. Ordun ba emen zan leheno moja frantses batzuek hor zeudenak, baiño herriyek ez ziyoben nunbait bat´e lagundu, ta... eskola aldetik ez zan behien´e behin´e izen ondo. Azpeitiye hurrien eon arren, beti mojak eta danak zeuzkeben han eskolak, baiño hor ez.
- Ta hor nazionaletan...?
- Nazionaletan danak, neska ta mutil, neska ta mutil, danak. Geo ein zittuen... ein zeben kolegiyo bat eta etorri zin marianistek. Marianistek uste det, hola, kuellodun haiek ze izeten die /izeteie/?
- La Salle?
- La Sallen etorri zien ta haiek [...].
- Eta zuek gelan neskak eta mutilak elkarrekin?
- Ez, ez, ez, mutillek zauden eskola bat eta gu bestie.
- Eta maistrak zer ziran bertakuak, ala…?
- Bai, gehienin euskaldunek, gehienin euskadunek, bai.
- Eta eukeraz ikasten zenuten?
- Bai, bai. Ez, ez, ez! eskolan dana erderaz.
- Dana erderaz?
- Ta, gaiñea, eukitzen gendun eskolan anillo bat, e? anillo bat. Eta ikusten gendunin euskeraz hitz eitten zuna, hari eman, eta harek beste bat ikusten bazun, hari eman ta azkena zein geratzen zan, kastigada geratzen zan eskolan.

Egilea(k): Sirin Lashab (Azkoitia BHI) , Ly Ndiourba (Azkoitia BHI)