Babeslekuak; ebakuazioa eta salbokonduktoa

Arana kondeak txaleta zuen San Juan Ibarran. Lurpean babeslekua zuen eraikita eta jende asko bertara joan zen; baina, apurtu egin zen, eta asko bertan hil ziren. Merkatu-plaza azpian ere lurpeko babeslekua zegoen. Bere aita eta neba zaharrena ebakuatu egin zituzten, militarrak sartu zirenean. Lau behi hartuta, lau hilabetez egon zen aita Kastrexanan. Etxera bueltatu zenean, zubi bat konpontzen aritu zen pasatu ahal izateko, eta horrela salbokonduktoa lortu zuen, askotan espetxeratu egiten zituzten-eta. Bere neba Luisek soldadu joan behar zuen, baina ez zuen nahi. Lau behirekin joan arren, bakarrarekin etorri ziren bueltan, Noblerekin.