Pinudian jolastetik San Mamesen jokatzera

Oromiñoko errepidean eta pinudi artean hasi zen Carmelo futbolean jolasten. Gogoan du, behin Real Madriden kontrako partidu baten aurretik pinudian ibili zela jokatzen, orduan ez baitziren partidu aurretik kontzentratzen. Durangora ere oinez etortzen ziren Cultural futbol-taldea ikusten. Culturalekoek ere bera fitxatzeko interesa izan zuten, baina bertako atezaina oso ona zela eta Amorebietara joan zen. Amorebietan sei hilabetez egon ostean joan zen Athleticera. Oinetako aproposik ere ez zuten izaten, hanka bakoitzean neurri desberdinetakoak ere jantzi izan ditu.