Kontrabandoa Loia badian

Transkripzioa

- Eta kontrabanda aipatu duzu. Kontrabanda inportanta zen hemen?
- Ttkiya. Ttikiya zen, mais kontrabandistak bazien. Eta gure etxean aita zen gizona bakarrik eta ez zuen iten kontrabandik. Mais... hola mutil gaztiak eta, been zarpako xoxak izateko eta dena... baiño kontrabanda ttikiya izaten zen. Kontrabanda iten zen Ibardinetik kargakin etorri, oiñez, gordetzen ziuzten sasi-xoko batzuetan eta gero hemen kanttua zen Loia deitzen den Abadiako lur hoitan, Loia, hondartza ttiki bat. Hor zen kontrabandisten kanttua. Eta batzuetan barku hutsa hegoaldetik etorriya kargatzen zuten hemendik gan beharreko gauzekin eta bertzetan handik kargatua etortzen zen eta hor deskarga egiten zuten. Eta hori, Loia hori, izan da nere ama zenan denboran guardakin atxikiya e! Guardak zaindua zen e! Eta... baiño guttik aipatzen dute gauza hortaz. Eta bizkitartian hori zen kanttua. Eta gero elkar ez zuten saltzen kanpaindarrek edo laborariek, ez zuten elkar saltzen. Egun batez landan ari nintzen – neskatxa nintzen- eta aitakin, idi aintzinan, ari giñen iraulden edo ez dakit ze ari giñen, ta gan zen aita berrosokoat, bee egin beharrez, eta etorri zen irriz. “Ui zer duzu aita, irriz?” ta “zoazi, zoazi, zoazi horrat, sasi-xoko hartat, ta kasu eh! Non ematen duzun zangua!” erran ninduen. Ta keza handi bat zen, bistan da, kontrabandistena. Eta eskuakin in ninduen zeiñu “ixo, ez erran nihori e!” ta “ez, ez, ez aita, ez dut errainen nihori” eta gero auzoko gizonak erran zion “Ba, Ganix, ba ez dut dudarik zuen berrosoko hortan ikusi duzula keza bat, nerea da hura e” ta “ba, ba, ez kexa, Pierre, ez kexa” Ta hola... hola, holako kontrabandak zien. Ez zen... ez zen kontrabanda gaixtua. Alkohola izaten ahal zen, zigarruak, memento batian dantelak ere bai...

Egilea(k): Eneritz Ceballos