Mertxe Hidalgo Rekondo
Lumo auzoa; Gernika-Lumo (Bizkaia) (1928)
Biografia
Busturiko San Krsitobal auzoko tren-geltokian jaio zen, aita bertako behargina zen-eta. Hala ere, 3-4 urte zituela, Gernika-Lumora etorri zen bere familia: Asilo Kalzada kalean hazi zen, gaur egun Bengoetxe taberna dagoen tokian zegoen eraikinean. Ama gernikarra zuen eta aita bilbotarra, Gernika-Lumoko alderdi sozialistaren sortzailea eta mitinlaria. Aitaren ideologiari jarraituta, sekula ez zuten dotrinik ikasi eta elizagaz harremanik izan, lehen jaunartzea ere berandu egin baitzuen Bilbon. Bonbardaketan etxea erre zitzaien eta herritik alde egin zuten: Bilbon, Santanderren, Frantzian (Bordele eta Bretainia) eta Valentzian egon ziren; Valentzian aitak trenbidean lortu zuen lanpostua. Nazionalak bertara heltzerakoan, bueltatu egin ziren; aita atxilotu eta heriotza-zigorrera kondenatu zuten. Askatasuna lortu ostean, Bilboko Euskaldunan hasi zen lanean aita eta Deustura joan ziren bizitzera. Bertan ezkondu zen Mertxe eta 50 urtegaz bueltatu zen bere herrira. GER-107/108 zintetan bere auzoak ziren Xexili Mintegia eta Kontxi "Piñu"gaz batera eman zigun antzinako bizipenen berri.
Zintak
| # | Kodea | Data | Iraupena | Proiektua | Elkarrizketatzailea(k) |
|---|---|---|---|---|---|
| GER-107 | 2012 | Gernika-Lumoko ahotsak | Nerea Goiria Mendiolea | ||
| GER-108 | 2012 | Gernika-Lumoko ahotsak | Nerea Goiria Mendiolea | ||
| GER-109 | 2012 | Gernika-Lumoko ahotsak | Nerea Goiria Mendiolea |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute
