Gosea, pernila eta katua

Domingo morroi zegoen baserrian ugazabak pernila gatzun-askan eukiten zuen, eta eurei eman ez. “Nik hori nozonoz jangot ba, nik jango dot hori egunen baten ba, zuek sobran daukazue hori eta!” bere buruari esaten ibilten zen Domingo. Ugazaba Gernikara joan zen baten, pernila gatzun-askatik atera, sartenean egin, eta jan egin zuen Domingok. Baserrian katu bat euki ei zuten, eta “pernila katuak jan dauala sinestuta iminiko dot ugazaba” pentsatu zuen Domingok, eta halantxe egin zuen. Ugazabari Gernikatik etorri zenean esan zion: “Hemen ez dakizue zer paseu dan gaur! Horrek katuek pernila atrapau gatzun-askatik eta jan dauz danak!”, eta ugazaba sinistuta ipini zuen.