Zinegotzi lanetik sosarik ez baina oturuntza ederrak bai, ordea!

Joxe Marik dio, zinegotzi izan zen garaian, soldatarik ez jaso arren sekulako oturuntzak egiten zituztela, eta maiz samar, gainera. Bestalde, bera lanean aritzen zen enpresan ez zioten kargurik hartzen zinegotzi lanak egitera irten behar baldin bazuen. Añarbeko urtegia eraikitzen ari zirela, hango lanak ikuskatzeko aitzakiarekin behinola egindako egun-pasa borobila kontatzen du. Gosari ederra Susperregin lehenik, Añarben barrena perretxikotan ibili gero, Fagollaga jatetxean bazkari legea, eta amaitzeko, Errenteriako Gau Txori elkartean, goizez bildutako onddoak afaldu omen zituzten. Horrelako egun-pasak ez omen zituzten maizegi egiten; hilabetean behin-edo, soilik.