Eibar (Gipuzkoa)

Juan San Martin idazle

Oraindik ezin da online kontsultatu pasarte hau. Behar baduzu, jarri gurekin harremanetan edo etorri gure biltegira.

Juan San Martin idazle. “Zirikadak” eta “Eztenkadak”, eibarreraz idatzitakoak.

Jatorrizko proiektua

Grabazio honen materiala ondorengo proiektuaren baitan jaso eta landu zen. Bertan aurkituko duzu jatorrizko materiala eta informazioa: Eibarko udalaren materiala - Eibartarren Ahotan - Egoibarra

Transkripzioa

– Bueno, hor martxan. Eta martxa bizian. Goazen, kolpetik, 60.eko hamarkadan kaleratutako oso liburu inportantea aipatzera: ‘Zirikadak’. Eibartarrentzat oso inportantea. Eta bere laguna: ‘Eztenkadak’. Baina inportanteena ‘Zirikadak’.
– Lehelengo shock bat izan zan hori be. Ze hori… Nik Eibarren Mogelena egin nebanian, bilduta neukazen ipoiñ asko, anekdotak, bertakuak eta Plazentzia, Elgoibar ingurukuak, ezta? Eta ikusten neban nere euskeria… Bueno, orduango euskera batuan egin neban Mogelena. Eta ha askontzat ez zala eurena eta halako zer bat. Eta hori zertzeko, bestia neukan preparauta eta urtebetera publikatu neban Eibarko euskeran, bertako jentiak ezagutu zeixan bertakua. Eta bertakotik aurrerago juateko. Intenziñua hori zan. Eta nik gauza bat daukat, hori bat be ez daukat dudarik: millakak personak lehelengo aldiz euskeraz irakorri eben Eibarren liburu hori. Ezer euskeraz irakorri ez ebenak edo eziñ ebenak edo, lehelengo aldiz. Ze hori… Askok grazia egiñ eta gero, gaiñera, personaje batzuk –igual ez nittuan esan bihar–, batzuk esaten esten: “Zegaittik esaten dozu halako personiana? Eta bestiana? Eta hori. Minduko balira?”. Eta: “Batzuk bai, baiña beste batzuk, ez”. Hori arriesguori baneukan, baiña gauza asko ahorik aho erabiltzen ziranak ziran. Eta hori egin neban eta horrek, irakorri ebanak, bestiak, esan estan: “Zelako zera!”. Eta ahorik aho zabaldu zan hori eta belaxe agortu zan ediziñua. Baiña golpia da: ediziño hori dana ez zan agortu. Bueno, salketa haundixa egin zan, baiña dana ez zan agortu. Baiña horren izenagaittik –handik lau urtera edo etara neban ‘Eztenkadak’–, ‘Eztenkadak’ belaxe agortu zan. ‘Zirikadak’ baiño lehenago, oindiok ‘Zirikadak’ saltzeko eguazela. Bi liburu hórrek izan eben Eibarren ikaragarrizko inpaktua. Jentiak oindiok irakortzen dittu!

Egilea(k): Eukene Lamariano , Oier Narbaiza

Euskal Herriko Ahotsak proiektua babestu nahi?

Ahotsak diruz lagundu nahi baduzu, egin zure dohaintza txikia. Mila esker!

Gipuzkoako aldundia Kutxa Eusko Jaularitza Bizkaiko aldundia